5. Выкананне дыягнастычнага тэста

Цяпер вы можаце прыступіць да выканання дыягнастычнага тэста. Тыя, хто не ўпэўнены ў сваіх ведах, звяртайцеся да алгарытму разважання пры выбары прыстаўкі

ДЫЯГНАСТЫЧНЫ ТЭСТ

1 Варыянт

1. У якіх словах прыстаўка заканчваецца на літару З?

а) ра…казаць;

б) бе…тактоўны;

в) бя…людны;

г) бе…дарожжа.

2.У якіх словах пасля прыставак пішацца літара й?

а) пра…нфармаваць;

б) пра…гравальнік;

в) пад…сці;

г) пера…начыць.

3. Адзначце словы з марфалагічным прынцыпам напісання:

а) а…каціць;

б) бе…памылковы;

в) а…рэгуляваць;

г) па…трымаць.

ДЫЯГНАСТЫЧНЫ ТЭСТ

2 Варыянт

1. У якіх словах прыстаўка заканчваецца на літару С?

а) ра…круціць;

б) ра…вязаць;

в) ра…жыцца;

г) ра…долле.

2.У якіх (якім) слове (словах) пасля прыстаўкі пішацца літара Ы?

а) аб…сці;

б) вы…грыш;

в) за…нтрыгаваць;

г) па…менна.

3. Адзначце словы з марфалагічным прынцыпам напісання:

а) а…ход;

б) а…хітрыць;

в) ра…клеіць;

г) а…рэгуляваць.

Адказы

В. 1: 1 в, г; 2 б, г; 3 а, в, г.

В. 2: 1 а; 2 а; 3 а, б, г.

6. Тлумачэнне новага матэрыялу

На жаль, не ўсе справіліся з тэстам без памылак. Гэта не страшна, таму што на працягу ўрока вы зможаце ўдасканаліць свае веды, уменні і навыкі па тэме. Напрыканцы ўрока мы праверым, ці павысіўся ўзровень вашых ведаў.

А цяпер дапоўнім свае веды па тэме “Правапіс прыставак”. Давайце дапрацуем той кластэр (на дошцы), які складалі ў пачатку ўрока.

Апорны канспект “Правапіс прыставак”

1. д (прыстаўка) + д (аддаць)

б (прыстаўка) + б (аббегчы);

з (прыстаўка) + з (раззлавацца)

с (прыстаўка) + с (бясспрэчны)

ВЫКЛЮЧЭННІ : расол, расольнік, расада, расаднік, ростань.

2. С (прыстаўка) + Ч, ШЧ – мяняецца вымаўленне, а не напісанне: расчапіць [рашчап’іц’].

3.

РУСКАЯ МОВА	БЕЛАРУСКАЯ МОВА
Снять, сбить, Скинуть, сходить	Зняць, збіць Скінуць, схадзіць.

4. Літара І (пішацца незалежна ад вымаўлення)

МІЖ-, ЗВЫШ-, СУБ-, КОНТР-, ПАН-, ДЭЗ-, ТРАНС-

Контрігра, звышімклівы, дэзінфармацыя, міжінстытуцкі, субінспектар, трансіярданскі.

5. Бязрадасны (першы склад перад націскам) – бездапаможны.

6. Імчаць – памчацца, амшэлы – замшэлы. (Прыстаўныя І, А не пішуцца пасля прыставак, якія заканчваюцца на галосную)

7. Педінстытут, бортінжынер, гукаізаляцыя, спортінвентар. (І захоўваецца пасля першай часткі складаных і складанаскарочаных слоў)

Каментар:

1. калі прыстаўка заканчваецца на тую самую зычную, з якой пачынаецца корань слова, то на пісьме перадаецца падвойнае напісанне адпаведнай літары.

2. Спалучэнне прыставачнага С і каранёвых Ч, ШЧ перадаецца на пісьме нязменна.

3. Каб пазбегнуць памылак, трэба памятаць, што ў рускай мове прыстаўкі З няма.

5. Каб не рабіць памылак у напісанні галоснай у прыстаўцы, трэба паставіць націск.

6. Прыстаўныя І,А не пішуцца пасля прыставак, якія заканчваюцца на галосную.

7. І захоўваецца пасля першай часткі складаных і складанаскарочаных слоў.