Ылыдз вожын.

Неважöн ме бара вöлì Ылыдз вожын. Ылыдз ю пансьö Из гöра бердын да усьö Печораö. Тайö вель … да … ю.

Öнì быдöн нин мотора пыжöн ветлöны, а важöн зìбъясьöмöн ветлìсны. … юсö Ылöдзöн шуисны, сы вöсна мый ылöдз катлìсны вöравны и видз пуктыны.

Öнì Ылыдз вожын медся … сиктыс Еремей. Ылöдз юлöн веськыдладорыс пырö заповедникö, кытысь нинöм оз позь вöрöдны. Шуйгаладорсö вичмöдöма … вöралысьяслы.

Г.Юшков серти.

Отсöг вылö: ыджыд, сöстöм, визув, чериа, джуджыд, зiль, мича, кыпыд.

…удж. Лыддьы да гöгöрво текстсö. Серпасав класса ёртыдкöд плакат, бöрйы текстысь лöсялана кывъяс. Классын дасьтöй плакатъясысь выставка.

Видзчысьöй ваысь!

Матыстчö гожöм. Унджыкыслöн син водзас – саридз, берег, ю дор. Варччöм отсалö мынтöдчыны ковтöм сьöктаысь, öткымын висьöмъясысь, бурмöдны сьöлöмкылöмтö.

Медя ёна радейтана вавывса спорт сикасъяс: мотора пыжъясöн, вавывса лыжиясöн, вавывса велосипедъясöн, «Водолёт» самокатöн да банан вылын катайтчöм, серфинг (ва вывті пöвйöн катайтчöм), виндсерфинг (паруса пöв вылын катайтчöм), вейкбординг (буксовочнöй катерö кутчысьöмöн пöв вылын катайтчöм). Сöмын энö вунöдöй, ва вылö петігöн колö пасьтавны спасательнöй жилет.

Видзчысьöй тöдтöминъясын да визулаинъясын купайтчöмысь. Энö пырöй вывті ылö. Оз позь ёна эскыны пöльтöм матрацъяслы.

Тіянкöд кö лоис неминуча, медшöрыс – энö повзьöй, пыдіа лолыштöй, водöй мыш вылö, энö шöйöвошöй.

«Йöлöга» газетысь

Коми муын вöр - ва видзöм. Коми гижысьяс вöр - ва видзöм йылысь.



Весалан стрöйба – очистительное сооружение Вöдитчыны – использовать Вöрöдны - трогать Вунöдны – забыть Дзоньтавны – чинить Дöзьöр – уход, надзор, охрана Дöзьöритны, видзны – беречь, охранять Дивитны – осуждать Дойдны – ранить Жугöдны, пазöдны – разорять Керавны – рубить Киподтуя – умелый, мастеровой Ковтöг – без необходимости Колананога – правильный Колананогöн – правильно Котыртны – организовать Котыртöм – организация чего-либо

Кужöмöн – умело Кужтöма – неумело Кульны – сдирать Кусöдны – тушить Лöп – мусор, древесный хлам Мывкыд – разум Мыж – вина Мыжа – виноватый Неминуча – катастрофа Нетшкыны – рвать Овмöс – хозяйство Талявны – топтать Тшыкöдны - испортить Тыртны – заполнить, завалить Чегъявны – ломать Чужъявны – пинать Шыблас – отбросы, отходы Шыöдчыны – обратиться Шыöдчöм – обращение

КÖ да ЭСЬКÖ кывторъяс. Частицы ЕСЛИ и БЫ КÖ да ЭСЬКÖ кывторъяс асшöр кывсикасъяскöд гижсьöны торйöн. Пример вылö: Тэ кö радейтан чужан мутö, век кутан тöждысьны сылöн сöстöмлун вöсна. Ме эськö висьталi ставныслы войвыса вöр-валöн мичлун йылысь.

… удж. Лöсьöд да петкöдчы ёртъяс водзын вöр-ва нимсянь шыöдчöмöн.

Пример вылö:

Ме гут кулан тшак, мича да тшап. Менам гöрд рöма еджыд чутъяса шляпаöй тыдалö ылісянь. Но мыйлакö тшак вотысьяс пырджык нöрöвитöны менö чужйыны либö талявны. Йöз, ме кö тіянлы ог ков, ме йöраяслы зэв колана бурдöдчантор. Энö чужъялöй да талялöй менö, кольöй вöрпаяслы!

Отсöг вылö: позьö лöсьöдны шыöдчöм сынöд, ю, лэбач, вöрпа, гут-гаг, дзоридз, пу, му нимсянь.

… удж. Аддзы гажлунъяслысь лöсялана кадпас.

Пöкрöв лун Илля лун Семен лун Митрей лун

моз мöд лун кöч тöлысь дас нёльöд лун вöльгым тöлысь витöд лун йирым тöлысь дас нёльöд лун

… удж. Гöгöрвоöд приметаяс.

1. Илля лунö кö мича, арбыд мича лоö.

2. Арыд кö лун тöла, тулысыд лоö вой тöла.

3. Пöкрöв субöта кö кушöн воас, и Митрей субöтаöдз оз лымъяв.

4. Лымйыс кö кок улын дзуртö, сывлас на.

5. Арся видз (пост) дырйи кö куим лун шондiа, воыд бур лоö.

6. Семен лун кö зэра, ар пом зэра.

7. Турияс кö ёна горзöны – пужъялас.

8. Пелысьыс кö уна, тöлыс кöдзыд лоö.

Рис. На переднем плане заросшее камышом озеро с чёрными пятнами на воде, вокруг жухлая трава, искривлённые деревья и кусты. На заднем плане вдалеке виден город, за холмом завод, труба с завода направлена в озеро, из трубы льётся грязная вода.

… удж. Лыддьы да гöгöрво текстсö. Вочавидз юалöмъяс вылö.

Со кардорса неыджыд ты. Водзті ваыс сэні вöлі сöстöм, кельыдлöз рöма. Тыын олісны черияс, весьтын лэбалісны тэрыб юрсигусьяс. Челядь волывлісны купайтчыны.

Но орччöн сувтöдісны завод. Уджсö кужтöма котыртöм вöсна сэтысь шыбласъяс веськалöны ваö. Öні сійö няйт, мусир кöра. Абуöсь ни черияс, ни юрсигусьяс. Некод оз волы шойччыны ты дорö. Мый эськö водзö лоö?

? Кутшöмöн вöлі кардорса тыыс?

Кутшöм омöльтор вöчисны йöз?

Мый вöсна лоис татшöм неминучаыс? Гöгöрвоöд вочакывтö серпас да текст отсöгöн.

Мый лоö, нинöм кö оз вежсьы заводса удж котыртöмын?

Мый эськö колö вöчны, медым сöстöммöдны тыысь васö?

Кыдзи сэки вежсяс тыгöгöрса вöр-ваыс?

П 1. Мöвпышт да висьтав:

• Эм-ö тіян сикт-кар дорын тшыкöдöм вöр-ва?

• Эм-ö сылöн инним? Мый сiйö вежöртö?

• Кутшöм неминуча лоис сэнi?

• Кыдзи тэ чайтан, мыйла тадзи артмис?

2. Дасьты сиктса (карса) олысьяс дорö шыöдчöм.

3. Классын медся бур шыöдчöмсö ыстöй сиктöн (карöн) веськöдлысьлы.

… удж. Помав сёрникузяяс.

1. Ме кö вöлі вöр-ва дöзьöритан министерство веськöдлысьöн, сэки эськö … .

2. Ме кö вöлі вöралысьöн, сэки эськö … .

3. Ме кö вöлі чери кыян инспекторöн, сэки эськö … .

4. Ме кö вöлі Вöрсаöн, сэки эськö … .

5. Ме кö вöлі Пера-багатырöн, сэки эськö … .

6. Ме кö вöлі «Гринпис» котырын, сэки эськö… .

Нимвежтас. Местоимение Юалана да йитöса нимвежтасъяс. Вопросительные и относительные местоимения Коді – кто, который Кутшöм – какой (-ая, -ое, -ие) Кымын - сколько Кымынöд - который Мый - что Мыйта – сколько, столько Пример вылö: Коді вермас висьтавны, мый поводдяыскöд лоöма? Энö кералöй пожöма яг, коді быдмöма нэмъяс чöж. Кутшöм мича зэрöн мыссьöм рас! Мыйта озырлуныс Коми пармаын! Кымын вöр-ва видзанін Коми Республикаын? Гöгöрвоöдтöм нимвежтасъяс. Неопределённые местоимения Кодкö - кто-то Кутшöмкö - какой(-ая, -ое, -ие)-то Кымынкö, мыйтакö - сколько-то Мыйкö - что-то Кодсюрö - кое-кто Кутшöмсюрö - кое-какой (-ая, -ое, -ие) Мыйсюрö - кое-что Некымын – несколько Пример вылö: Кодкö висьталіс, мый шондöдас. Вöчин-ö тэ талун кутшöмкö буртор? Кодсюрö эскöны быдмöгъяслöн бурдöдчан вынö. «Югыд ва» вужвойтыр парк йылысь мыйсюрö тöдмалім география урок вылын. Некымын лун ми идралім школадорса парк.

… удж. Содты текстö лöсялана нимвежтасъяс. Инды налысь сикассö.