Конкурслар.

1. “Кышлаучы һәм күчмә кошлар”

Бирем: командалар күчмә һәм кышлаучы кошларның исемнәрен аерып алып язырга тиеш. Күгәрчен (голубь), Чәүкә (галка), Песнәк (синица), Үрмәләч (Поползень),Чыпчык (воробей), Филин, Сандугач (соловей), Аккош (лебедь), Карга (ворона), Тургай (жаворонок), Шәүлегән (иволга), Пеликан, Челән (цапля), Ләкләр (аист), Торна (журавль)

Дүдәк (дрофа.)

2. “Бу кемнең оясы?”

Бирем: тактага кошлар һәм аларның ояларының сурәтләре эленә. Ләкин алар буталган. Кошларга үз ояларын табарга ярдәм ит. Кайсы команда дөрес итеп кошларның ояларын билгели, шул команда 2 балл ала.

Ак көртлек 1

Чомга 2

Челән 3

Сандугач 4

Сыерчык 5

3. “Борчак чүпләү”.

Бирем: һәр командага борчак һәм фасоль салынган савытлар бирелә. Борчак һәм фасоль бер-берсеннән аерып алырга кирәк. Кайсы команда тизрәк бу эшне башкара, шул команда җиңүче була. Командадан бер кеше борчак чүпли. Борчакларның санын әйтергә. Барлыгы 52 борчак.

4. Капитаннар конкурсы.

Бирем: һәр капитанга төрле кошларның “азыгы” – рәсем бирелә. Команда членнарына томшык рәсемнәре таратыла. Кошның томшыгы аның нинди азык белән туклануы турында сөйли. Капитаннар дөрес итеп азыкларны “кошларга” таратырга тиеш. Дөрес итеп “кошларны” ашаткан капитанның командасы җинүче була.

5. “Сусаган Карга”.

Бирем: бервакыт карга юл буйлап бара икән. Көн бик эссе. Карга бик сусаган. Караса юлда кувшин утыра ди. Ләкин суы бик аз калган, карганың томшыгы җитми икән. Әйдәгез әле, каргага су эчәргә булышыйк. Кувшинга таш салсаң, су өскә күтәрелә. Сездә таш салып (һәр кеше берне сала да үз урынына баса), суны өскә күтәрегез дә, су кувшин авызы белән тигезләшкәч бер кашык суны стаканга салыгыз. Җитез командага 2 балл бирелә.

6. Кроссворд чишү.

Бирем: бу кроссвордны чишкәннән соң, сез 2010 елда Россиянең сомволы булып торган кошның исемен белерсез. Кайсы команда ул кошның исемен әйтә, шул команда җиңә.

1. Тынычлык кошы (күгәрчен)

2. Бары тик хайван үләксәсе белән тукланучы, муены һәм башы аз йонлы кош (гриф)

3. Арты белән алга таба оча ала (колибри)

4. Төнге ерткыч кош (филин)

5. Эре очмый торган кош (страус)

1. Соры урам малае (чыпчык)

2. Бу кошның тамак астында азык салырга тире капчык бар (пеликан)

3. Тавык бала чакта (чеби)

4. Антарктида кошы (пингвин)

5. Көлтәсеннән бастырыгы озын (саескан)