Психологиялық ойын.

Ойын – әлеуметтік әрекеттесу моделі. Ойын шығармашылық қабілеттерді дамытып, сананы жетідіріп, қарым-қатынас жасау әрекетін жетілдіреді. Ойын төмендегідей функциялар атқарады:

1. танымдық;

1. коммуникативтік;

1. мәселені шешу;

1. біріктіруші;

1. ұйымдастырушы;

1. дамытушы;

1. көңіл көтерушілік;

1. психотерапевтік.

Ойын төмендегідей схема бойынша өтеді (И. Вачков):

1. проблемалық жағдай тудыру;

2. проблемалық жағдайды бастан кешу, мазмұнын ашу;

1. қортынды шығару, саралау;

ойынның қортындысын шығару, саралау, нәтижесін бағалау.

Ата – аналардың педагогикалық мәдениетін көтерудің басқа жолдары :

Педагогикалық білім беру университеті: Педагогикалық ағарту жұмысының формасына педагогикалық білім беру университеттерін жатқызуға болады. Университеттің бағдарламасы ата-аналардың , оқушылардың контингентін ескеру арқылы жасалады. Ата-аналардың білім деңгейлерін жетілдіру, педагогикалық мәдениетін көтеру мақсатын көздейді.

Конференция – Ата-аналар конференциясының негізгі міндеті; отбасылық тәрбие туралы тәжірибе алмасу, білімдерін жетілдіру. Ата-аналар комитетінің мүшелері мұғаліммен бірге конференцияда сөз сөйлейтін баяндамалар дайындайды. Түрлері: ғылыми-практикалық, шығармашылық, тәжірибе алмасу т.б. Жылына 1 рет өткізіледі үлкен даярлықты талап етеді.

Сонымен бірге педагог-психолог және мұғалімдер ұйымдастыратын педагогикалық үйірмелерді ұйымдастыруға болады. Бұл үшін педагог-психолог мұғалімдермен, педагогикалық үйірмелерді өткізу графигін құрады. Педагогикалық үйірмеде келесі тақырыптарды қарастыруға болады: отбасында балалардың оқуын ұйымдастыру, олармен өлеңдерді жаттауға, музыка тыңдауға, проблемалық жағдайларды қалай шешуге болатынын талқылау т. б.

Практикум – бұл жұмыс формасы арқылы ата- аналардың педагогикалық іскерліктері жетіледі, түрлі педагогикалық жағдаяттарды саралап , дұрыс шешімін табуға үйренеді.

Өзін тексеруге арналған сұрақтар мен тапсырмалар:

1. Отбасымен психологтың әрекеттесуі қандай болуға тиіс ?

2.Психолог мектепе қандай функция атқарады?

3. «Педагогикалық мәдениет» қандай компоненттерден тұрады?

4. «Педагогикалық мәдениет» дегенді қалай түсінесіз, тәжірибеде іске асу жолдары қандай?

5. Қандай жұмыс түрлері ата-аналардың білім деңгейлерін тереңдетуде қолданылады?

6. Мектепте ата-аналар комитеті қандай көмек көрсетеді ?

Қажетті, жетіспейтін сөздерді не сөзді қос:

Педагогикалық мәдениет мәселелерін зерттеген ғалымдар ....

Ата-аналармен жүргізілетін жұмыс формаларына....,..., ..., ..., ..., жатады.

Ойын келесідей функциялар ..., ..., ..., ..., ..., ... атқарады.

Дискуссия – пікірталас ол.....

Психологиялық ойын дегеніміз....

Конференция түрлеріне...,..., ..., ..., жатады.

Зерттеу әдісі негізінде ...,..., ..., ... жиналады.