II. «Хальмг лит» гидг төрәр келвр тогтаһад, амн үгәр келтн (15 зәнгәс үлү).

3. Өггдсн төрәр күүндвр тогтатн (амн үгәр).

«Ончта өдр - Зул».

2015 җилин туула сар

9-гч класст хальмг келнә шүүврин даалһврмуд

7-гч вариант

1. Текстәр көдллһн.

1. Хаврт көкрәд урһсн ноһан зуни сармудт шарлад, өңгән гееһәд, шим-шүүснь хавринәс баһрад ирнә.

2. Мана хальмг теегт зуни сармудт ик көдлмш кегднә. 3. Теегт урһсн өвсиг селәнәхн хадад овалҗ авна. 4. Царң, хотхр, сала, һолын ташуһар скирд өвсд дала болҗ одна. 5. Цаглань шимтә көк өвс хадҗ авад, малд хот белднә.

6. Әмтн зуни сармудт урһсн тәрә-темс чигн хурана. 7. Эн цагла мана өргн, у теегәр тәрә хурадг комбаймудын, буудя зөөдг машидин ә ниргәд бәәнә. 8. Цаглань тәрәһән хураҗ авад, орн-нутгин зөөринь байҗулна.

9. Тәрә хуралһна көдлмшт сурһульчнр чигн бас ик дөң болна.

1.1. Айслулҗ умштн, нер өгтн.

1.2. Эндү чиклтн.

Көкряд, гееһәд, тегт, голын, шимтә, тәря-темс, сармудт, будя, хуралгна, дөңг.

1.3. Һол келлһнә хүвс текстәс олҗ автн, таблицт бичтн.

келлһнә хүвс	бәәлһнә нерн	чинрлгч нерн	үүлдәгч	нареч	орч нерн	тоолгч нерн
1
2

4. Өггдсн схемәр текстәс зәңг олҗ автн.

-.-.-.-. - - - - - - - - - - - - - - -, - - - - - - - - _____ =====.

1.5. Текстин учр-утхла ирлцдго үгмүд олҗ автн.

Хаврт, күүкд, царң, ташуһар, цандгудар, күмс, хурадг, орн-нутгтан, цуглулдг, бичкдүд.

II. «Мини уңг-тохм» гидг төрәр келвр тогтаһад, амн үгәр келтн (15 зәнгәс үлү).

III.Өггдсн төрәр күүндвр тогтатн (амн үгәр).

«Цаһан сар тана өрк-бүлд».

2015 җилин туула сар

9-гч класст хальмг келнә шүүврин даалһврмуд

8-гч вариант

I. Текстәр көдллһн.

1. Салькн нарн суух үзгәс зөвәр чаңһар үләв. 2. Хаврин теңгрт көвкр бор үүлн салькнд көөгдҗ көвнә. 3. Дора һазрар хәәлсн цасна усн цәәҗ үзгднә. 4. Көкрҗ одсн теегт цаһан нооста хөд идшлҗ йовна. 5. Теднә ард бураһан бәрсн хөөч үрвәд йовад йовна. 6. Терүнә хаҗуд нөкд болдг хойр ик ноха көөлдҗ наадна. 7. Теңгрин үүлн салькнд көөгдәд, хаврин нарн бултаҗ үзгднә. 8. Хөд зәрмдән көкрҗ үзгдсн һазрур гүүлднә. 9. Шин урһҗах көк нильх ноһан хөөнд шимтә, туста идг болна. 10. Цааранднь тег олн зүсн ноһаһар дүүрәд, хөд сәәнәр цадх цаг ирнә.

1.1. Айслулҗ умштн, нер өгтн.

1.2. Эндү чиклтн.

Чаңгар, хәлсн, цасна, тегт, йөвна, хөөч, зәрмдян, гүүлднә, ноган, сәнәр.

1.3. Һол келлһнә хүвс текстәс олҗ автн, таблицт бичтн.

келлһнә хүвс	бәәлһнә нерн	чинрлгч нерн	үүлдәгч	нареч	орч нерн	тоолгч нерн
1
2

4. Өггдсн схемәр текстәс зәңг олҗ автн.

- - - - - - ____ - - - - =====.