8. Заключны этап складання краязнаўчых бібліяграфічных дапаможнікаў

Склад даведачна-метадычнага апарату да краязнаўчых бібліяграфічных дапаможнікаў розных тыпаў і жанраў. Асаблівасці напісання ўводных артыкулаў. Афармленне ілюстрацыйнымі матэрыяламі і дадаткамі. Спецыфіка правядзення навуковага, літаратурнага і бібліяграфічнага рэдагавання краязнаўчай бібліяграфічнай прадукцыі.

9. Методыка падрыхтоўкі рэкамендацыйных універсальных і комплексных краязнаўчых бібліяграфічных дапаможнікаў

Мэтавае і чытацкае прызначэнне рэкамендацыйных універсальных краязнаўчых бібліяграфічных дапаможнікаў, іх асноўныя тыпы і жанры, моўна-стылёвыя асаблівасці. Выкарыстанне разнастайных паз­на­вальных і інструкцыйна-метадычных звестак для сты­му­лявання чытання.

Метадычная характарыстыка рэтраспектыўных дапаможнікаў тыпу “Што чытаць аб краі” (“Край: мінулае і сучаснасць”) і календароў знамянальных і памятных дат. Асаб­лівасці адбору і бібліяграфічнай характарыстыкі даку­мен­таў, структуры дапаможнікаў, групоўкі бібліяграфічных запісаў, складу даведачна-метадычнага апарату. Выкарыстан­не фактаграфічных звестак. Асаблівасці прадстаўлення календароў у электроннай форме.

10. Методыка падрыхтоўкі асобных жанраў папулярных краязнаўчых бібліяграфічных дапаможнікаў

Метадычная характарыстыка асобных жанраў бібліяграфічных дапаможнікаў: папулярнай краязнаўчай энцы­клапедыі, бібліяграфічнага нарыса, даведніка, хронікі і інш. Вырашэнне пытанняў аб межах тэрыторыі, адборы і біблія­гра­фічнай характарыстыцы дакументаў, суадносінах бібліягра­фіч­най, фактаграфічнай інфармацыі і вытрымак з тэкстаў (цытаванне). Вызначэнне структуры дапаможні­каў, групоўкі бібліяграфічных запісаў, складу даведачна-ме­та­дычнага апарату, ілюстрацыйнага афармлення.

11. Методыка падрыхтоўкі навукова-дапаможных краязнаўчых бібліяграфічных дапаможнікаў

Мэтавае і чытацкае прызначэнне навукова-дапаможных краязнаўчых бібліяграфічных дапаможнікаў. Абгрунтаванне выбару віду, тыпу і жанру дапаможніка. Асаблівасці падрых­тоў­кі ўніверсальных бягучых паказальнікаў тыпу “Новая літа­ратура аб … вобласці”, рэтраспектыўных, галіновых і тэматычных дапаможнікаў. Метадычная характарыстыка агля­даў розных відаў, прызначаных для спецыялістаў і навукоўцаў. Патрабаванні да адбору, групоўкі даку­мен­таў, структуры дапаможнікаў, складу даведачна-метадыч­нага апарату. Удзел вучоных і спецыялістаў краязнаўства ў падрыхтоўцы бібліяграфічных дапаможнікаў.

12. Методыка падрыхтоўкі персанальных/біябібліяграфічных краязнаўчых бібліяграфічных дапаможнікаў

Мэтавае і чытацкае прызначэнне навукова-дапаможных і папулярных дапаможнікаў, іх тыпы і жанры (паказальнікі, агляды, спісы, даведнікі, слоўнікі і інш.) Прыметы адбору імён у персанальныя/біябібліяграфічныя краязнаўчыя дапа­мож­нікі ў залежнасці ад прыметы “сувязь асоба – край”. На­паўненне персанальных глаў, асаблівасці іншых структурных элементаў дапаможнікаў розных відаў, тыпаў і жанраў.

13. Даведачна-бібліяграфічнае абслугоўванне па краязнаўстве

Мэта, задачы даведачна-бібліяграфічнага абслугоўвання карыстальнікаў краязнаўчай інфармацыі, формы ажыццяўлення. Выкарыстанне індывідуальнага падыходу да карыстальнікаў з улікам іх узроўню пазнання краю. Тыпы даведак, тэхналогія іх выканання. Выкары­стан­не сучасных інфармацыйных тэхналогій пры ажыццяў­лен­ні даведачна-бібліяграфічнага абслугоўвання карысталь­ні­каў краязнаўчай інфармацыі.

14. Краязнаўчае бібліяграфічнае інфармаванне

Мэта, задачы недыферэнцыраванага (масавага) і дыферэнцыраванага (індывідуальнага, групавога) біблія­гра­фічнага інфармавання карыстальнікаў краязнаўчай інфар­мацыі. Асноўныя віды і формы работы ў даным кірунку. Вызначэнне абанентаў бібліяграфічнага інфармавання па краязнаўстве ў бібліятэках розных тыпаў і відаў. Вывучэнне іх інфар­ма­цыйных патрэбнасцей і эффектыўнасці інфармавання.

Бібліяграфазнаўства. Раздзел II. Дысцыпліны спецыялізацый

Навукова-метадычная дзейнасць бібліятэк

1. Навукова-метадычныя даследаванні ў бібліятэках Беларусі

Навуковая работа у бібліятэчна-бібліяграфічнай сферы: суб’ект, аб’ект, мэта, сродкі, метады, вынікі. Сувязь навукі і практычнай бібліятэчна-біліяграфічнай дзейнасці. Віды навуковых даследаванняў. Сутнасць навукова-метадычных даследаванняў і іх асноўныя задачы на сучасным этапе. Асноўныя накірункі сучасных бібліятэчных даследаванняў. Арганізацыя навукова-даследчай дзейнасці ў бібліятэках Рэспублікі Беларусь. Навукова-даследчая дзейнасць Нацыянальнай бібліятэкі Беларусі, Цэнтральнай навуковай бібліятэкі НАН РБ і іншых рэспубліканскіх галіновых бібліятэк, ФБ БДУ, універсальных навуковых абласных бібліятэк.