Структура фестывалю

Праграма фестывалю можа ўключаць ўрачыстае адкрыццё, асноўныя мерапрыемствы, падвядзенне вынікаў, заключныя мерапрыемствы (гала-канцэрт) з узнагароджаннем пераможцаў.

Змест фестывальных праграм могуць узбагачаць разнастайныя мерапрыемствы: выстаўкі, карнавалы, турніры, феерыі, выязныя канцэрты, дабрачынныя акцыі, забаўляльныя мерапрыемствы, святочны гандаль і іншае. Для ўдзельнікаў фестывальных мерапрыемстваў арганізуюцца экскурсіі, урачыстыя прыёмы, творчыя сустрэчы, вечары адпачынку і іншае.

Фестывалі міжнароднага, рэспубліканскага, абласнога ўзроўню могуць уключаць рэгіянальныя (абласныя, раённыя, занальныя) этапы (туры). Пераможцы рэгіянальных тураў рэкамендуюцца для ўдзелу ў мерапрыемствах наступнага этапа.

Парадак рэгістрацыі фестываляў

Правядзенне фестываляў рэгіянальнага, абласнога і раённага значэння ўзгадняецца з тэрытарыяльнымі органамі дзяржаўнай улады. Заяўка на правядзенне фестывальнага мерапрыемства накіроўваецца ў аддзел (упраўленне) культуры адміністрацыі раёна (вобласці), на тэрыторыі якога плануецца правядзенне фестывалю. Да заяўкі прыкладаецца пакет з праектамі асноўных дакументаў:

1. Палажэнне аб фестывалі (умовы правядзення фестывалю);

2. Склад арганізацыйнага камітэта;

3. Склад экспертнай групы (журы);

4. Умовы правядзення агляду, конкурсу (пры іх наяўнасці

ў праграме);

5. Папярэдні каштарыс выдаткаў.

На падставе іх разгляду даецца заключэнне аб мэтазгоднасці правядзення фестывалю. Рашэнне даводзіцца да ведама арганізатараў у пісьмовым выглядзе.

Статус “міжнародны” і “рэспубліканскі” надаецца фестывальным мерапрыемствам Міністэрствам культуры Рэспублікі Беларусь. Заяўкі на рэгістрацыю і наданне фестывальнаму мерапрыемству статуса прымаюцца Міністэрствам культуры Рэспублікі Беларусь штогод з 1 жніўня па 31 кастрычніка.

Тэхналогія правядзення фестывалю

Ідэя, змест, мэты і задачы фестывалю рэалізуюцца ініцыятыўнай групай, адказнымі асобамі зацікаўленых устаноў і арганізацый, для чаго ствараецца арганізацыйны камітэт, які распрацоўвае ўмовы, ажыццяўляе арганізацыю і кантроль за правядзеннем фестывалю. Пры неабходнасці арганізацыйны камітэт фарміруе выканаўчую дырэкцыю.

Арганізацыйны камітэт (дырэкцыя) наладжвае кантакт з органамі, установамі, зацікаўленымі асобамі і арганізацыямі, даводзіць да іх ведама інфармацыю аб правядзенні фестывалю, разглядае і зацвяржае склад удзельнікаў, фарміруе праграму, склад журы (экспертаў), склад рэжысёрска-пастановачнай групы, зацвярджае фестывальную сімволіку, узоры дыпломаў, грамат, афіш, праграмак, іншую атрыбутыку.

Арганізацыйны камітэт (дырэкцыя) мае эксклюзіўнае права на ўжыванне і тыражыраванне фестывальнай сімволікі, захоўвае за сабой права на запіс і распаўсюджванне аўдыё-, відэазапісаў фестывальных мерапрыемстваў і іншай прадукцыі. Ён камітэт прымае рашэнне аб відах заахвочвання ўдзельнікаў фестывальных мерапрыемстваў. Усе ўдзельнікі фестывалю могуць узнагароджвацца граматамі (пасведчаннямі, сертыфікатамі) “За ўдзел” (“Удзельнік”), падарункамі, прызамі.

Пры наянаўнасці ў фестывальнай праграме конкурсу па рашэнню арганізацыйнага камітэта (журы) пераможцам яго надаецца званне “Лаўрэат” і “Дыпламант” з уручэннем адпаведнага дыплома (каштоўнага падарунка).

Мастацкія калектывы і індывідуальныя выканаўцы, якія сталі лаўрэатамі рэспубліканскіх і міжнародных фестываляў, рэкамендуюцца для ўдзелу ў культурных акцыях, якія праводзяцца на тэрыторыі іншых краін. Дзяржаўныя, прафсаюзныя органы кіравання, вытворчыя прадпрыемствы аказваюць садзейнічанне ў ажыццяўленні іх гастрольна-канцэртнай дзейнасці.

Арганізацыйны камітэт самастойна ўстанаўлівае перыядычнасць (цыклічнасць) правядзення фестывалю, працягласць па часе (уключаючы этапы), вызначае тэрмін і працягласць заключных мерапрыемстваў зыходзячы з аб’ектыўнай эканамічнай і сацыякультурнай мэтазгоднасці.

Прыкладныя стандарты правядзення фестывальных акцый:

Віды фестываляў	Перыядычнасць	Працягласць заключных мерапрыемстваў
Міжнародныя	раз у 1-5 гадоў	ад 3 да 7 дзён
Рэгіянальныя	раз у 1-5 гадоў	3-5 дзён
Рэспубліканскія	раз у 1-3 гады	3-5 дзён
Абласныя	раз у 1-2 гады	1-3 дні
Раённыя	1 раз у год	1-2 дні

Дадатак 1

ЗАЯЎКА