1) УспЂли. 2) Тотчасъ. 3) Отразили. 4) Знаменемъ. 5) Водкою. 6) По ту и по другую сторону. 7) Отразили.

Тогожъ /103/ лЂта, августа во 2 день притягнулъ князь Дмитрий Лопатенко подъ столицу и иныхъ князей не мало зъ людомъ. 14 августа панъ Хоткевичъ гетманъ знову тутже зъ людомъ притягнулъ, первей пЂхота церковъ святого Георгія опановали ¹), а Москва заперлася у церкви святого Климентія у въ острожку на самой дорозЂ, и наши ихъ тамъ достали ²) и килка дЂлецъ ³) отняли, и была тамъ битва велми великая отъ утра до вечера, и усперли были наши Москву добре, Пожарского князя подстрелили въ руку, и почали были зъ табору Москва утЂкати; наши тежъ выпадши зъ Кремля, помочи своимъ додавали, и килка поручниковъ изъ хорогвами ⁴) и зъ пехотою до насъ у муръ передалися, а гетманъ подъ Поклонную гору отступилъ и не могъ до столици пробитися, жебы живности своимъ дати; а въ середу праве зъ великимъ жалемъ ⁵) всего нашего рицерства и насъ, бЂдныхъ купцовъ, отъ столици прочъ пошолъ, а насъ, увъ осадЂ началъ стискати голодъ, бо пехота, що ихъ было 600, почалы псы и кошки Ђсти. Тогожъ лЂта септеврія дня 14, голодъ велми сталъ утискати, пехота новая стала зъ голоду мерти и мало не вси вымерли, и наша пЂхота и товариство также все поЂли; нЂмцы кошки и псы всЂ поЂли, медъ (sic) и зЂля, и травою и леда чимъ живилися, бо все Москва отняла; дорогувля великая стала: селедецъ былъ по ползолотого, шкури воловыи перво были по пять золотыхъ, а потомъ стали по 12 золотыхъ; сыра мандрыку куповали по 6 золотыхъ; хлЂбъ денежный 10 золотыхъ; мы сами куповали калачъ денежный 7 золотыхъ. Около святои Покровы велми силный голодъ знялъ: жита чверть золотыхъ 100, овса чверть 40 золотыхъ, крупъ кварта 20 золотыхъ; зъ лободына насЂня печеный, якъ гречаныкъ пЂняжный — три золотыхъ. Панъ Харлинский, капитанъ пихотный взялъ за меринца 500 золотыхъ, а чверть себЂ отрЂзалъ; за корову давали 600 золотыхъ; чверть мяса конского была по 120 золотыхъ. А потомъ уже голодъ незносный почалъ трапити, же пЂхота и нЂмцы потай почали людей рЂзати и Ђсти. Мы найпершей, идучи отъ церкви соборной пресвятой Богородыци изъ службы, голову и ноги человЂчіи у ямЂ нашли, у кайстрЂ ⁶);

1) ОвладЂли. 2) Взяли приступомъ. 3) Пушекъ. 4) Хоругвь — отрядъ кавалеріи. 5) Съ большою скорбью. 6) Въ мЂшкЂ.

вязневъ московскихъ килканадцать человЂка пихотЂ зъ турмы подавали, тыхъ всЂхъ поЂли; потомъ у килка дней несли Москва /104/ уголе майстеромъ денежнымъ у ворота Миколскіе. Гайдуки выскочивши зъ муровъ, одного порвали и заразъ забили и зъЂли; потымъ у килка дней жолнЂръ Воронецъ и козакъ Щербина, впадши въ домъ Θедора Ивановича Мстиславского, почали шарпати, ищучи живности, и Мстиславскій почалъ ихъ упоминати; тамже нЂкоторый ударилъ его цеглою ¹) у голову, же мало не умеръ. ДовЂдался того панъ Струсъ, казалъ обоихъ поймати: Воронца стято и поховано, а Щербину обЂсити казали, который зъ годину на шибеници не былъ; пЂхота заразъ отрЂзали и на штуки разрубали и изЂли. Пахолика одного, недавно умерлого, изъ гробу выкопали и изЂли. Октоврія 16 дня выпалъ снЂгъ великий, же всю траву покрылъ и корЂня; силный и не слыханый насъ голодъ змоглъ: гужи и попруги, поясы и ножны и леда костища и здохлину ²) мы едали: у КитайгородЂ, у церкви Богоявленія, гдЂ и греки бываютъ, тамъ мы изъ Супруномъ килка книгъ нашли паркгамЂновыхъ; тымъ есмо и травою живилися, — а що были предъ снЂгомъ наготовали травы — зъ лоемь свЂчанымъ ³) тое Ђли; свЂчку лоевую куповали по полъ золотого. Сынъ мытника Петриковскаго зъ нами увъ осадЂ былъ, того безъ вЂдома порвали и изЂли и иныхъ людей и хлопятъ безъ личбы поЂли; пришли до одной избы, тамже найшли килка кадокъ мяса человЂческого солоного; одну кадку Жуковскій, товаришъ Колонтаевъ, взялъ; той-же Жуковскій за четвертую часть стегна человЂчого далъ 5 золотыхъ, кварта горЂлки въ той час была по 40 золотыхь; мышъ по золотому куповали; за кошку панъ Рачинский далъ 8 золотыхъ; пана Будиловь товаришъ за пса далъ 15 золотыхъ, и того было трудно достать; голову чоловЂчую куповали по 3 золотыхъ; за ногу чоловЂчую, одно по костки, дано гайдуку два золотыхъ; за ворона чорного давали наши два золотыхъ и полъ фунта пороху — и не далъ за тое; всЂхъ людей болше двохъ сотъ пЂхоты и товаришовъ поЂли. Тогожь року 1612 октоврія 22 дня, наждавшися праве долго ратунку и терпЂвши голодъ неслыханый, а отъ его кролевскои милости и отъ пана гетмана не могли дождати, зъ великимъ плачемъ всего рыцерства и насъ бЂдныхъ купцовъ, панъ Струсъ и нашое товариство вышписаное мусЂли змиритися ⁴); и побрали кь себЂ въ замЂну Бутурлина и другихъ бояръ московскихъ, а отъ насъ къ нимъ пошолъ панъ Будило и Порванецкий.