2. Пәннің мақсаты

Пәннің мақсаты- жылумен жабдықтау құрылғылары мен жүйелерінің энергетикалық тиімділігін, сенімділігін және қауіпсіздігін арттыру мақсатында материалдарды жинау. Сонымен қатар берілген пән өзінің мақсаты ретінде теория негіздерін, жылуэнергетикалық құрылғылардың, жылу алмасу агрегаттарының негізгі сипаттамаларын, конструктивтік схемаларын, жұмыс істеу принциптерін, өндірістік кәсіпорындарды су және жылумен жабдықтау, энергетикалық құрылғыларды таңдау және есептеу әдістерін зерттеу мәселелерін қарастырады.

Пәннің мазмұны бакалаврлардың жылуэнергетика облысында профессиональды бейімделуіне негізделген. Пәнді меңгеру студенттерді айналысатын сферасына және магистратурада оқу бағытына байланысты арнайы пәндерді таңдауға дайындайды.

• Студенттерде әр түрлі жылу желілерінің қызметі, құрылымы және жалпы принциптері бойынша білім қалыптастыру.

• Өндірістік кәсіпорындар мен коммунальды секторлардың жүйелері бойынша білім қалыптастыру.

• Өндіріс жүйелері мен энергия тасушылардың жіктелуі, жұмыс істеу принципі және жылутехнологиялық қондырғылардың конструкциясы туралы білім қалыптастыру.

• ЖЭС-да және өндірістік кәсіпорындарда суды пайдалану технологиясы, технологиялық өнім ретінде су мен су буының сапасына қойылатын талаптар, суды дайындау әдістері мен принциптері, жылу электр станцияларында және өндірістік кәсіпорындарда суды дайындау және тазартудың аппаратты және сызбалы безендірілуінде технологиялық процестердің қолдануын меңгеру.

2. Пәннің міндеттері

Берілген пәнді зерттеу нәтижесінде студенттердің қалалардың,өндірістік кәсіпорындар мен ауыл шаруашылығының функционалдық қызметі үшін энергетикалық қондырғылардың даму кезеңдері, өндірістік кәсіпорындарды электрмен, сумен және жылумен жабдықтау жүйелері туралы түсінігі болу керек.

Техникалық термодинамика, сұйықтар мен газдар механикасы теорияларының негіздері, масса және жылу алмасу теориялары, жұмыс істеу принциптері, конструктивтік схемалары және т.б., қондырғыларды таңдау және есептеу әдістерін білу керек.

Студенттер қондырғыларды және олардың жұмыс істеу режимімен байланысты инженерлік-техникалық есептерді шығару, энергетикалық қондырғылардың жоғары өнімділік қызметін қамтамасыз ету, кейбір энергетикалық құрылғыларға зерттеу жүргізу бойынша практикалық білім жинау, энергетикалық құрылғылардың сипаттамалары мен эксплуатациялық параметрлерін анықтай алу керек.

2. Айрықша деректемелер

Берілген пәнді зерделеу үшін келесі пәндерді меңгеру қажет:

Пән	Бөлімдердің (тақырыптардың) атауы
1. Физика 2	Классикалық механика негіздері, жылу құбылыстары, термодинамика
2.Техникалық термодинамика	Статика, кинематика, динамика заңдары
3. Математика 1 4. Математика 2	Векторлық талдау, дифференциальдық және интегралдық есептеулер
5. Сұйықтар мен газдардың механикасы	Сұйықтар мен газдардың қасиеттері. Гидростатика. Сұйықтар мен газдардың кинематикасы және гидродинамикасы. Ағу режимдері, гидравликалық кедергілер, ағын шығындары.