4. Сөздікте берілген үш сөзбен сөйлем құрастырыңыз.

3-сабақ.

1.Жағдаяттық тапсырма.

«Басқаруды үйрену керек пе?» деген сұраққа жауап беріңіз. Төмендеберілген жауаптардың қайсысына келісесіз? 

1. Керек емес. Тәжірибемен келетін нәрсе.

2. Басқару үшін көп оқу керек.

2. Бейнефильм «Қазақстан жетекшісінің портреті»

«Қазақстан жетекшісінің портреті» атты бейнефильмді мына сілтеме

https://www.youtube.com/watch?v=Rhb7WZ3aRMM бойынша көре аласыз.

Бейнефильм бойынша тапсырмалар.

1. Фильмнің негізгі ойын білдіретін 5 тірек сөз жазыңыз.

2. Сұрақтарға жауап беріңіз.

1). Қазақстандық топ-менеджерлердің негізгі қиындығы қандай?

2). «Форсаж» компаниясы қандай тақырыпта зерттеу жүргізді?

3). Сауалнамаға қанша және қайда жұмыс істейтін адамдар қатысты?

4). Басшының қандай қасиеттері негізгі болып саналады?

5). Менеджердің психологиялық қасиеттерін ескеру керек пе?

3. Фильм туралы өз ойыңызды айтыңыз.

Екінші апта.ЛЕКСИКА-СЕМАНТИКАЛЫҚ ЖӘНЕ СИНТЕТИКАЛЫҚ ТӘСІЛДЕР

1-сабақ.

Лексика-семантикалық тәсіл. Синтетикалық тәсіл

Лексика-семантикалық тәсіл – терминжасау тәсілдерінің бірі. Оны басқа тәсілдерге қарағанда термин жасаудың басты негізгі тәсілі деп бағалауға да болады. Өйткені ұлт тілі негізінде жасалған ғылыми терминдердің көпшілігі осы тәсіл арқылы жасалған терминдер. Тілімізде бұрын жалпыхалытық сөз болған, ал қазір менеджмент ғылымының термині қызметін атқарып жүрген сөздердің саны аз емес. Олардың қатарына кәсіп, дерек, табыс, тұлға, пайда, шығын, сауда, тәуекел, кепіл т.б. сөздерді жатқызуға болады.

Синтетикалық тәсіл – термин сөздердің жұрнақтық қосымшалар арқылы жасалуы.

-шы, -ші: көшбасшы, төлеуші, сарапшы, өндіруші, кеңесші, демеуші.

-кер,-гер: кәсіпкер, саудагер, қызметкер, қайраткер.

- ма, -ме: жарнама, хабарлама, бастама, аңықтама, түрлендірме.

- лық,-лік: қаржылық, кәсіпкерлік, бейімділік, тұрақтылық.

-тық,-тік: өндірістік, қауымдастық, нарыктық, ұлттық, жиынтық.

-дық,-дік: отандық, мамандық, басымдық, кепілдік, әкімшілдік.

Сөздік

дерек – данные, факты

жалпыхалықтық – общенародный

кәсіпкер – предприниматель

көшбасшы – лидер

сарапшы – эксперт

тәуекел – риск

түрлендірме – вариация

Мәтінге берілген тапсырмалар.

1. Мәтінді оқыңыз.

2. Сұрақтарға жазбаша жауап беріңіз:

1)Лексика-семантикалық тәсіл дегеніміз не?

2) Синтетикалық тәсіл дегеніміз не?

3) Синтетикалық тәсіл қалай жасалады?

3. Сөздікте берілген үш сөзбен сөйлем құрастырыңыз.

4. Мәтінбойыншажоспар құрып, мазмұнынайтыңыз.

2-сабақ.

Менеджмент дегеніміз не?

«Менеджмент» (ағылшын тілінде – manage) «басқару» деген мағынаны білдіреді. Жалпы менеджмент деп жеңу өнері ретінде, адамдардың интеллектісін, еңбегін, жүріс-тұрысының уәжін пайдалану арқылы алдына қойған мақсаттарына жете алуын айтады.

Мағынасы бойынша менеджмент термині «басқару» терминімен ұқсас. Алайда, қазіргі түсінік бойынша «басқару» ұғымынан менеджмент ұғымы кеңірек, өйткені ол адамзат қызметінің әр түрінде қолданылады. Мысалы, көлікті және басқа да неғұрлым күрделі техникалық жүйелерді басқару. Ал «менеджмент» термині ұйым деңгейіндегі әлеуметтік-экономикалық үдерістерді, шаруашылық қызметті, жеке тұлғаны және қызметшілерді басқаруды сипаттайды.

Басқару - мақсатқа жетуге бағытталған іс-қыймылдарды ұйымдастыру. Менеджмент - өзіне міндетті элемент ретінде адамдарды басқаруды, әлеуметтік ұйымдар мен құрылымдарды басқаруды қосатын сәйкес білім аймағы бар адам қызметінің аясы.

Менеджмент - бұл нарық жағдайындағы басқару. Менеджменттің үш маңызды факторын байланыстырады - мақсат, тиімділік, адам.

Бәсеке жағдайында тиімділік - фирманың өміршеңдігінің басты шарты. Фирманы табыстылықпен, жетістікпен қамтамасыз ететін тиімді менеджмент адамның бейімділігін талап етеді: сыртқы орта бөлігінде тұтынушының, ал ішкі орта бөлігінде қызметшінің.

Сөздік

Бағытталған – направленный; нацеленный

бейімділік – приспособление; адаптирование

бәсеке – конкуренция

жеңу өнері – искусство побеждать

жүріс-тұрыс – поступки и поведение

ішкі орта – внутренняя среда

өміршендік – жизнеспособность

тиімділік – выгодность; эффективность

тұлға – личность

үдеріс – процесс

уәж – мотив

ұйым – организация

ынталандыру – стимулировать; заинтересовать

Мәтінге берілген тапсырмалар.

1-тапсырма.

Мәтінді оқыңыз.

2-тапсырма.

Сұрақтарға жазбаша жауап беріңіз:

1) Менеджмент деген ұғым нені білдіреді?

2) Басқару дегеніміз не?

3) Менеджменттің маңызды факторлары қандай?

3-тапсырма.

Мәтіннен синтетикалық тәсілмен жасалған терминдерді теріп жазыңыз.

4-тапсырма.

Сөздікте берілген үш сөзбен сөйлем құрастырыңыз.

5. Мәтін бойынша жоспар құрып, мазмұнын айтыңыз.

3-сабақ.