«Астана медицина университеті» ақ

№2 Балалар аурулары кафедрасы

Балалар аурулары модулі

№ 3 Ситуациялық есеп

7 жастағы бала, суық тигеннен кейін дене температурасының 39,0 ° С көтеріліп, жедел ауырған, ауру сезіммен құрғақ жөтел, бас ауруы пайда болды.

Бала бірінші жүктіліктен, мерзімінен бұрын туған, жүктілік түсік тастау қаупімен өткен. Жас нәрестелік кезеңде тыныс бұзылысы синдромы болған. Туылғаннан бастап жасанды тамақтанады. Өмірінің бірінші жылы ЖРВИ-мен 3 рет ауырған. Одан кейінгі жылдары, бала жиі ЖРВИ (жылына 4-5 рет) ауырған, лакунарлық баспамен 1 рет, желшешек, қызамықпен ауырған. Бала поливалентті (азық-түлік және дәрілік) аллергиямен ауырады. Егулерді жасына сай алған, егуден кейін реакциялар болған жоқ.

Үйде қараған кезде: баланың жалпы жағдайы ауыр, бас ауруына, құрғақ жөтелге шағымданады. Терісі «мәрмәр» түсті, бозғылт. Шырышты қабаттары таза, құрғақтау. Аңқасы гиперемияланған. Аһлап демалады. ТАЖ- 1 минутта 32 рет. Кеуде қуысы кебінкі, тыныс алғанда оң жақ жартысы артта қалуы байқалады. Перкуссия: оң жақ жауырын астында перкуторлық дыбыстың тұйықталуы анықталды. Аускультацияда: тыныстың қатаң болуы, тұйықталған аймақта әлсіреген тыныс, сырылдар жоқ. Жүрек тондары қатты, минутына 120 рет, ешқандай шулар естілмейді. Пальпацияда іші ауырсынусыз, жұмсақ. Бауыры қабырға доғасында, көкбауыры пальпацияланбайды.

Жалпы қан анализі: НЬ — 115 г/л, Лейк - 18,6 х109/л, т/я - 10%, с -57%, э - 1%, л - 23%, м - 9%, ЭТЖ - 28 мм/сағ.

Кеуде қуысының рентгенографиясы: оң өкпенің VIII және IX сегменттері тұсында интенсивті қараюлар көрінеді.

Тапсырмалар:

1.Диагноз қойыңыз және оны түсіндіріңіз?

2. Қандай қосымша зерттеулер жүргізу қажет?

3. Қанның биохимиялық талдауында қандай өзгерістер күтесіз?

4. Аурудың патогенезінің негізгі бөлімдерін атаңыз?

5. Қазіргі аурудың дамуына баланың бұрын ауырған қандай аурулары себеп болуы мүмкін?

6. Дифференциальды диагноз ?

7. Ем тағайындаңыз.

8. Қандай асқынулар болуы мүмкін?

9. Баланы амбулаторлық жағдайда емдеуге бола ма?

10. Бала сауыққаннан кейін канша уақыт емханада бақылауда болады?

11. Аурудың әр кезеңінде қандай физиоем жасауға болады?

12. Божамы қандай?

Кафедра меңгерушісі _______________м.ғ.д., проф. Абдрахманова С.Т.

«Астана медицина университеті» ақ

№2 Балалар аурулары кафедрасы

Балалар аурулары модулі

№ 4 Ситуациялық есеп

Бала К, 4 жас 8 ай, жалпы маман дәрігеріне дене температурасының 39-40˚С қа дейін көтерілуіне, іштегі ауру сезіміне шағымданып келді.

Анамнезінде: балада соңғы күнде аяқ астынан дене температурасы 39,4˚С-қа дейін жоғарылаған. Анасының айтуы бойынша баласының жағдайы күрт төмендеп, ауыр, аз мөлшерде тұтқыр қақырықпен жөтел, қатты қалтырау пайда болған. Бала оң жақ бүйірінде ауру сезіміне шағымданған. Түнде мазасыздық болған, дене қызуы жоғары күйде сақталған. Таңертең дәрігерге келген.

Қарау кезінде бала тежелген, тері жамылғысы бозарған, бет ұшы аз қызарған (әсіресе оң жақ), тырнақ асты боз, тыныштықта аралас ентігу қосымша бұлшық еттердің араласуымен көңіл аудартады. Бала оң жағымен, аяқтары бүгілген күйде жатыр. Дем алу актісінде оң жақ кеуде торы қалыңқы, оң жақ өкпенің төменгі қырының қозғалыстығы төмендеген, оң өкпенің артқы жағынан төменгі бөлігінде перкуторлы дыбыстың қысқаруы байқалады. Сол жақ өкпенің барлық аймағында қорап тәрізді дыбыс. Сырылдар естілмейді. Пульстің тыныс алу жиілігіне қатынасы 2:1.

Жалпы қан анализі: Hb – 134 г/л, Эр- 4,8х10, Лейк – 16,2х10⁹/л, нейтрофильдер- 2 %6 п/я- 8%, с- 64%, л- 24%, м - 2%, ЭТЖ – 22 мм/сағ.

Кеуде клеткасының ретнгенограммасы: оң өкпенің төменгі бөлігінде инфильтративті көлеңке, сол жақ өкпе алаңының мөлдірлігі жоғарлаған.

Сұрақтар:

1. Науқаста болжам диагноз қандай?

2. Көрсетілген клиникалық жағдайда бірінші кезекте қандай этиологиялық жағдайды ойлауға болады?

3. Осы аурудың этиологиялық факторын анықтауда қолданылатын зерттеу әдісінің ақпараттылығы қандай?

4. Осы ауруға тән рентгенологиялық белгілерін атаңыз

5. Қандай жағдайда динамикада рентгенологиялық бақылау жүргізілмейді?

6. Дәрігер ауру басталғаннан кейін қай уақытта өкпеде патологиялық шу ести алады? Ол аурудың қандай фазасы басталғандығын дәлелдейді?

7. Осы науқаста патогенетикалық терапияны неден бастауға болады?

8. Этиотропты ем тағайындау кезінде қандай факторларды есепке алған дұрыс?

9. Осы ауруды емдеу кезінде қолданылатын антибиотиктер тобын атаңыз.

10. Осы балаға басқа маман дәрігері кеңесі қажет пе?

11. Ауру ағымының ауырлығы неге байланысты?

12. Осы ауру кезінде госпитализацияға көрсеткіштерді атаңыз.

Кафедра меңгерушісі _______________м.ғ.д., проф. Абдрахманова С.Т.