5.3. Стандарт «Хирургті киіндірудің техникасы»

Мақсаты: операция кезеңінде асептикалық жағдайды жасау.

Ресурстар: зарарсыздандырылған киімдер және операциялық материалдар салынған бикс, қолдарды залалсыздандыруға арналған ерітінді.

Істің алгоритмі:

1.Биксті арнайы орындыққа қойып, бекіту.

2.Бикстің таңбаламасын, зарарсыздандырылғанын сыртқы түріне қарап тексеру (зарарсыздандырылған күнін оқып алу).

3.Тепкіш арқылы биксті ашу, зарарсыздандырудың индикаторларын алып шығып, оларды тексеру (езілген түрде болу қажет).

4.Бикстан халатты жағасынан алып, ішкі жағын хирургқа қаратып, жеңдерін кигізу.

5.Халатты хирургтың иығына лақтырып тастау.

6.Санитар халаттың артқы жіптерін байлайды.

7.Жеңінің жіптерін байлау.

8. Халаттың қалтасынан белбеуді алып, 30-40см алға созып, шеттерн санитарға беру.

9.Қалтадан, жіптерінен ұстап, зарарсыздандырылған масканы алып шығу. 10.Масканы бетке жақандатып, шеттерін санитарға беру.

11.Санитар масканың жіптерін байлап береді. Ескерту: залалсыздандырылған халат қолдар өнделгеннен кейін киіледі!

5.4. Стандарт «Филончиков-Гроссих әдісімен операциялық алаңын өндеудің техникасы»

Мақсаты: операциялық алаңды залалсыздандыру.

Ресурстар: қауіпсіз ұстара, йодонаттың 1% ерітіндісі, зарарсыздандырылған мақта тампондар, пинцет 70% спирт.

Істің алгоритмі:

1.Йодонаттың 1% ерітіндісіне малынған салфетканы алу.

2.Операциялық алаңды тілінетін жерден бастап шетке қарай 2 рет йодонаттың 1% ерітіндісімен өндеу.

3. 70% спиртке малынған салфетканы алу.

4. Операциялық алаңды тілінетін жерден бастап шетке қарай 2 рет 70% спиртпен өндеу.

5. Операциялық алаңды зарарсыздандырылған материалдармен ажыратып, йодонаттың 1% ерітіндісімен, 70% спиртпен өндеу.

6.Тігісті салуға дейін және кейін теріні йодонаттың 1% ерітіндісімен өндеу.

Ескерту:

-1 күн бүрын науқасқа жалпы гигиеналық ванна жасау;

-іш киімдерін, төсекті ауыстыру;

-операция жасалатын күні таңертең операциялық алаңды құрғақ әдіспен қыру;

-операцияға 30мин қалғанда науқасты шешіндіру;

-басына орамал тәрізді таңғышты кигізу;

-аяқтарына бахил кигізу;

-науқасты каталкаға жатқызу;

-операциялық бөліміне жеткізу.

V.II.Қансырау.

5.5. «Артериалды қан ағуда резеңке жгут салудың техникасы»

Мақсаты: артериалды қан ағуды тоқтату.

Көрсеткіштер: артериалдық қан ағу.

Ресурстар: Эсмархтың резеңке жгуті, зарарсыздандырылған қолғап, үлкен салфетка немесе сулық, таңғыш материалдар, қалам, қағаз.

Іс алгоритмі:

1.Науқасты тексеріп тыныштандыру, жатқызу.

2.Науқастың жағдайын, жараны бағалау.

3.Іс-шаралардың мақсатын, негізін науқасқа түсіндіру.

4.Қолдарды спиртпен өндеу.

5.Қолғапты кию.

6.Артерияны сүйекке саусақпен қысу.

7.Аяқ-қолды көтеріңкі қалыпқа келтіру.

8.Жарақаттанған аяқ-қолды қанаған жерден жоғары салфеткамен немесе сулықпен орау.

9.Жгутті қатты созып, қан тоқтағанша жарақаттанған аяқ-қолды орау.

10.Келесі орамдар, ұйқыштанбай және теріні жарақаттамай, бірінші орамның ½ немесе 1/3 бөлігін жауып түру қажет.

11.Жгуттің бос шеттерін ілгек арқылы бекіту.

12.Жгут салудың сапасын тексеру (бүраудан төмен пульстің болмауы, қан ағудың тоқтауы, терінің бозаруы).

13.Жгут салудың уақытын жазып, қағазды жгуттің астына қыстыру.

14.Науқасты жатқызып тасымалдау.

Ескерту:

-жгут 1,5-2 сағатқа салынып, әрі 30мин босатылады;

-босатылған кезде артерия саусақпен басылады;

-балаларға жгут 1 сағатқа салынады;

-жгутті таңғыштың немесе киімнің астында жасыруға болмайды;

-суық ауа райы кезінде жгут 1 сағатқа салынады, аяқ-қолды жылы орап, қызыл таңба байланады;

-резеңке жгуттің орнына белбеуді қолдануға болады.