3. А) Ответь на вопросы, используя предложенные существительные.

а) Кöнi?

б) Кытысь?

грезд Усинск небöг

вӧр Сыктывкар Ухта

лавка Инта библиотека

парк кар класс

б) Висьтав комиöн.

Скажи по-коми.

1) в доме, из книги, в сумке, в библиотеке, в селе, из шкафа, в кровати, в классе, из учебника;

2) учиться в школе, выйти из класса, взять из библиотеки, написать в тетради, выйти из школы, обедать в столовой, прочитать в книге.

Рисунки: 1) мальчик(и); 2) Катя в школьной форме; 3) учительница перед классом.

	Рис. 2	Рис. 3
Рис. 1

4. А) Прочитай и скажи, кому из героев, изображённых на рисунке, принадлежат данные высказывания.

1) Миян классö локтіс выль велöдчысь. Сійö олöма Воркутаын, а öні олö Визинын. Öні миян классын 22 велöдчысь – 12 нывка да 10 зонка.

2) Менö шуöны Катя. Ме локтi Воркутаысь. Кута велöдчыны Визинса школаын 6-öд классын.

3) Бур лун, дона челядь! Чолöмала тiянöс Сентябр медводдза лунöн. Сиа тiянлы велöдчыны «4» да «5» вылö.

б) Найди в предложениях существительные с суффиксом –ын и объясни, что они обозначают.

5. А) Катя показывает соседке по парте фотографию своей подруги и рассказывает о ней. Прочитай Катин рассказ и скажи, чем увлекается её подруга.

Девочка 13 лет: длинные чёрные волосы голубые глаза, круглое лицо, улыбчивая.

Тайö менам нывъёрт Лена. Сiйö олӧ Воркутаын. Леналы дас куим арӧс. Лена кузь сьöд юрсиа, гöгрöс чужöма, лöз синма нывка. Мамыс кодь кузь тушаа. Гöлöсыс Леналöн зэв мича. Сiйö радейтö сьывны да йöктыны, ворсö скрипкаöн. Лена зэв тӧлка да киподтуя. Бура велöдчö, рытъяснас радейтö кысьыны. Медся радейтана урокъясыс – роч кыв да литература. Нöшта Лена – зэв зiль. Пыр отсалö ыджыд мамыслы да ыджыд батьыслы. Леналöн эм ыджыд чой Марина да ичöт вок Андрей. Чойыс таво мунiс 11-öд классö, а вокыслы тырас 6 арöс. Ленук менам зэв мелi да шань морт.

б) Составь план Катиного рассказа о подруге.

в) Используя план, расскажи о своей подруге (о своём друге).

6. Висьтав, кыдзи паныдалісны челядь выль велöдчысьöс. Бöрйы колана кывтэчасъяс.

Выскажи своё мнение о том, как ребята встретили новую ученицу. Подсказки тебе помогут.

ме чайта	я считаю
ме думысь	по моему мнению

1. чуймисны

2. радлісны

3. чолöмалісны Катяöс Выль велöдчан воöн

4. тöдмасисны нывкакöд

5. петкöдлiсны школасö

6. тöдмöдiсны велöдысьяскöд

7. юисны тшай чöскыд кампетöн

8. козьналiсны козинъяс

7. Соотнеси качество и его характеристику.

тöлка, сюсь кывкутысь ён, вына варов, сибыд енбиа киподтуя

а) уна кад коллялö ёртъясыскöд б) унатор тöдö, радейтö лыддьысьны в) радейтö котравны, чеччавны, катайтчыны лызьöн да велосипедöн г) кужö кысьыны, вышивайтчыны, мичаа серпасасьö д) быдтор вöчö, пыр дась отсавны е) мичаа сьылö, ворсö скрипкаöн

8. а) Катя гижис Лена ёртыслы письмӧ. Лыддьы сiйöс да висьтав, кыдзи паныдалiсны Катяöс выль классын.

Катя написала письмо своей подруге Лене. Прочитай его и скажи, как девочку встретили в новом классе.

Визинга,

20.09.2016 во

Чолӧм, Лена!

Ме зэв рад тэнад письмöлы! Ме ӧнi ола Визин сиктын. Кӧч тӧлысь медводдза лунӧ ме локтi выль классӧ. Классöн веськöдлысьöс шуöны Ольга Васильевна. Сiйö зэв шань велöдысь.

Танi ме тӧдмаси выль ёртъяскӧд. Миян классын 29 морт: 16 нывка да 13 зонка. Ме пукала шöр радын, мöд парта сайын Машакöд. Миян класс зэв дружнöй. Нывкаяс да зонкаяс ёртасьöны öта-мöдкöд, кужöны кывзыны öта-мöдöс, отсалöны öта-мöдлы. Маша зэв мича да тöлка нывка. Ми петкöдлiм öта-мöдлы фотояс. Тані лöсьыд да гажа!

Миян классным ыджыд, мича, сöстöм да югыд. Öшинь вылын быдмöны мича дзоридзьяс. Стенын öшалöны плакатъяс, ыджыд пöв да проектор. Классын эм небöг шкапъяс, мича выль партаяс да улöсъяс, велöдысьлöн пызан да компьютер.

Челядь висьталiсны меным Визин сикт йылысь, петкöдлiсны школасö, тöдмöдiсны велӧдысьяскöд. А ме висьталi миян войвыв кар Воркута йылысь. Петкӧдлi фотоальбомӧс. Выль ёртъясӧй отсалӧны меным велӧдны коми кыв. А гортын комиöн сёрнитны ме велӧда бать-мамöс да вокöс. Меным кажитчö велӧдчыны тайӧ классын.

Кыдзи тэ олан да велӧдчан? Гиж меным вочакыв.

Став бурсö,

Катя

б) Вочавидз юалöмъяс вылö.

Ответь на вопросы.

1. Мый йылысь висьталiсны Катялы выль ёртъясыс?

2. Мый йылысь висьталiс челядьлы Катя?

3. Кыдзи выль ёртъяс отсалӧны Катялы?

4. Кажитчö-ö Катялы выль школаын?

в) Содты сёрникузяясö колана кывъяс.

Вставь пропущенные слова в предложения.

Визин сиктса школаын (кутшӧм?) … классын кутас велӧдчыны выль (кодi?) …. Сiйӧс шуӧны (кыдзи?) …. Нывка олiс (кӧнi?) … . Локтiс Визин сиктӧ (кодкӧд?) … . Бать-мамыс сылӧн (кодъяс?) … . Воксö шуöны (кыдзи?) … . Сылы (кымын?) … арöс.

г) Кыдзи тэ чайтан, мыйла Катя велӧдӧ бать-мамсӧ сёрнитны комиöн? Колӧ-ӧ сиктса бурдӧдысьлы тӧдны коми кыв?

Выскажи своё мнение о том, почему Катя учит своих родителей разговаривать по-коми. Как ты думаешь, нужен ли коми язык сельским врачам?