1.Zend Framework

Saytı: http://framework.zend.com/

Zend framework – bul Zend kompaniyası tárepinen qollap quwatlanatuǵın PHP-freymvork bolıp, onıń jumısshıları PHP tiliniń avtorları bolıp esaplanadı. Sonıń ushın da bul freymvork PHP sıyaqlı ápiywayı bolıp, ob’ektke baǵdarlanǵan principlerde hám jaqsı tekserilgen kodlarda tiykarlanǵan.

Tiykarǵı ózgeshelikler:

• Barlıq komponentler PHP5-ke baǵdarlanǵan hám E_STRICT penen sáykes keledi;

• Ózine órnatılǵan kod generatorı;

• Baylanıslılıǵı minimal bolǵan, «Tek kerekli nárselerden paydalanıń» principtegi arxitekturası;

• Jeńil keńeytiriletuǵın MVC proektlestiriw shablonı, maket hám kórinislerde PHP-skriptlerdi qollap quwatlaydı;

• Kóplegen maǵlıwmat bazalardı qollap quwatlaydı, sonıń ishinde MariaDB, MySQL, Oracle, IBM DB2, Microsoft SQL Server, PostgreSQL, SQLite hám Informix Dynamic Server;

• Mbox, Maildir, POP3 hám IMAP4 járdeminde xatlardı jaratıw, jiberiw hám qabıllaw ushın arnawlı klassları bar;

• Kóp saqlaǵıshlardı qollap quwatlawshı keshlew sisteması.

Kemshilikler:

• Úlken kólemi;

• Kóp qatlamlı;

• Keshlewsiz ásten isleydi;

• Strukturası quramalı, proektlestiriw shablonların bilmeseńiz úyreniw qıyın;

• Ingliz tilindegi qollap quwatlawshı uyım;

• Kishkene kemislikler kóp;

• Rawajlanıw tezliki tómen;

2. CakePhp

Saytı: https://cakephp.org/

CakePHP tez rawajlanıp atırǵan PHP freymvork bolıp, islep shıǵıw, xızmet kórsetiw hám járiyalaw ushın keńeytiriletuǵın arxitekturanı usınıs etedi. Ob’ekt-relyacion freymvorklar sıyaqlı MVC proektlestiriw shablonınan qollanıladı. CakePHP nıń tiykarǵı ideyası bul ónimdarlıqtı asırıw hám kod kólemin azaytıw. Dáslep Ruby on Rails tıń klonı bolıp jaratılǵan edi, hám onnan kóplegen ideyalar alındı.

Ózgeshelikler:

• PHP 4 hám PHP 5 penen sáykes keledi;

• Avtorizaciya komponentleri, ruxsatlardı sheklew (ACL – Access Control List), sessiya, cookies lardı basqarıw, maǵlıwmatlardı terek (NestedSec) kóriniste kórsetiw;

• Formalardı generaciyalaw hám toltırıw ushın, betlerge bóliw (paginate), keshti basqarıw, JavaScript komponentleri;

• Kóp tilde islewdi qollap quwatlawshı mexanizmler;

• SQL-sorawlardı generaciyalaw;

• Skaffolding hám CRUD (Create, read, update, delete) betlerdi generaciyalaw;

• Bake kod avtogeneratorı;

• Kóshiwler;

• Konsolge integraciya, Shell klassı háv Task máseleleri;

• Plaginler, komponentler hám qásiyetler

• Simple Test tı qollap quwatlaw;

• Qatlamlar (layouc) hám temalar (Themes);

• Úyreniwge ańsatlılıq;

Kemshilikler:

• Tezligi tómen;

• Xújjetleri az;

• CSRF-hújimlerge turaqsızlıq;

• Rus tilinde qollap quwatlawshı awqamlar shólkemlestirilmegen;

• Túsiniwge qıyın ACL;

• Atalıw boyınsha qatal qaǵıydalar;

• Rawajlanıw tezligi tómen.

3. Kohana

Kohana proekti dáslep CodeIgniter freymvorktıń Blue Flame atlı shaqası bolıp jaratıldı. SHaqaplanıwdın tiykarǵı sebebi – jámiyet ushın ashıq islep shıǵıw modeline ótiw, sebebi kóp paydalanıwshılar CodeIgniter dıń rawajlanıw hám islep shıǵıw tezligi menen narazı boldı. CodeIgniter dıń jaratıwshısı hám iyesi Rik Ellis taza freymvorktı óz hújjetlerin shólkemlestriwine hám proekt atın ózgertiwine usınıs etti. 2007 jıl iyul ayında Blue Flame proekti Kohana ǵa óz atın ózgertti.

Ózgeshelikler:

• Joqarı qáwipsizlik;

• Jaqsı túsindirme berilgen kod hám órnatılǵan otladkalaw quralları;

• Túsiniwge ańsat;

• MVC shablonınan paydalanadı;

• UTF-8 kodirovkasın qollap quwatlaydı;

• Keńeyttiriwge jeńil;

• ORM (Object-Relational Mapping, ob’ekt-relyacion kórsetiw) bar;

• BSD licenziyası tiykarında tarqatıladı, demek kommerciyalıq hám biypul paydalanıwǵa ashıq.

Kemshilikler:

• Hújjetlerdiń ayrım jerleri gónergen;

• Versiyalar arasında sáykeslilik az;

• Forum rawajlanbaǵan, islep shıǵıwshılar IRC arqalı bir biri menen baylanısadı;

• Keleshekte rawajlanıwına xesh qanday kepillik joq;

• Rus tilinde qollap quwatlawshı awqamlar shólkemlestirilmegen.