Барыһы ла сыға.

Ут һүнә.

5-се күренеш.

Сәлим менән Шәриф урман юлынан үҙҙәре йыйыла торған йәшерен ҡыуышҡа китеп баралар. Ҡыуышта уларҙы Хәмит көтөргә тейеш.

Шәриф. Кисә атайым Ташморон битләүендә Айыу күргәндәр, тине.

Сәлим. Ысынмы? Беҙ тап ошо битләүҙән киләбеҙ бит. Ҡыуышҡа юлды ҡыҫҡартам тип туранан тартҡайным.

Шәриф. Әйҙә тегенәнерәк барайыҡ.(ялан яҡҡа ынғайлай)

Сәлим. Беҙгә былай китергә бит. ( (Бер ҡыуаҡ артына китә. Сәлимдең башы ҡапыл аҫҡа төшөп юҡ була. Ул Айыу ауларға ҡоролған тәрән соҡорға “ҡолай”) А-а-а...

Шәриф. ( ҡыуаҡ ситенә йүгереп килеп) Сәлим, һин ҡайҙа? Нимә булды?

Сәлим. (алыҫтан) Ҡоланым! Соҡорға!

Шәриф. (Сәлимде күрмәй) Ҡайҙа?

Сәлим. Был яҡҡа килмә! Һин дә ҡолайһың. Соҡор өҫтөнә һалынған ағастарҙы ал!

Шәриф. Хәҙер!(бер-ике ботаҡты тартып алып ташлай. Ятып “соҡорҙо” ҡарай.) Сәлим!Сәлим!

Сәлим. Күрҙеңме? Мин һине күрәм!

Шәриф. Күрҙем! Уй, ҡалай тәрән! Имгәнмәнеңме?

Сәлим. Юҡ!

Шәриф. Әйттем бит айыу күргәндәр тип. Соҡор ҙа ҡаҙып ҡуйған һунарсылар. Һин көтөп тор. Хәҙер! (бер ағас килтереп соҡорға төшөрә) Менә алаһыңмы?

Сәлим. Юҡ. Һин... арҡан кәрәк. Бар Хәкимде саҡыр! Ҡыуыш яҡын бит. Көтөрмөн!

Шәриф. Хәҙер! ( сығып йүгерә).

6-сы күренеш.

Уң яҡтағы ҡыуаҡтан ҡыҙыу атлап Хәкимйән менән Шәриф сыға.

Хәким.Ҡайҙа?

Шәриф. Ошо тирәлә...(ҡарана) Сәлим!

Сәлим. Әү! Мин бында!

Хәкимйән менән Шәриф соҡор янына киләләр.

Хәкимйән. Дә-ә-ә. Тәрән икән шул.

Сәлим. Хәким, арҡан кәрәк?

Хәким. Бар, Шәриф, ауылға. Үҙегеҙҙә булмаһа беҙҙең ат һарайынан буй арҡанды ал да һыпырт!

Шәриф. Ярай!

Хәким. Берәйһе күреп ҡалмаһын. Шым йөрө!

Шәриф. Шымсы икәнемде оноттоңмо ни?

Йүгереп сығып китә.

7-се күренеш.

Хәким. Сәлим, белештегеҙме? Иртәгә һыртҡы урам ҡыҙҙары сығамы еләккә?

Сәлим. Белештем. Сыға.

Хәкимйән. Гөлбикә сыҡһа ярар ине?

Сәлим. Нимәгә ул һиңә?

Хәкимйән. Былай... ә ниңә бөтә ҡыҙҙар ҙа Салауат та Салауат тип ауыҙ һыуын ҡороталар. Ул ғына көслө, батыр, изге күңелле , имеш.

Сәлим. Берәй этлек уйлайһыңмы әллә?

Хәкимйән. Иртәгәме? Иртәгә ҡыҙҙар минең дә батыр икәнемде күрерҙәр.

Сәлим. Нисек?

Хәкимйән соҡор өҫтөндәге ағастарҙы ала башлай.

Хәкимйән. Һы... Еләктә уларҙы урмандан сығып, малайҙар баҫтыра башлай. Ә мин ул малайҙарҙың кәрәген бирәсәкмен.

Сәлим. Ул малайҙар кемдәр инде?

Хәкимйән. Һы...Ниңә, бына береһе – һин, икенсеһе – Шәриф, өсөнсөһө... табырмын!

Сәлим. Ә бәлки иртәгә сыҡмаҫбыҙ?

Хәким. Ниңә, әллә күҙ атып йөрөгән берәй ҡыҙың сығамы? Әһә, теге юлы йылға буйында ҡыҙҙарҙың күлдәктәрен йәшергәндә Гөлбикәнекенә теймәгеҙ, тип яр һалғайның. Әллә һин дә...

Сәлим соҡорҙан балсыҡ киҫәге алып Хәкимгә ташлай. Уның аяғы алдына килеп ята.

Хәким. Ә-ә, һинең дә батыр булғың киләме? (ҡапыл) Туҡта, туҡта... Һине соҡорҙан сығарһам, эште боҙоп ҡуйыуың бар!

Сәлим. Мин үҙем сығам, белдеңме?

Хәкимйән. Сыҡтың, сыҡмай ҙа ни? Һин түгел ана айыу ағайың да сыға алмағанды.

Бая алған ботаҡтарҙы кире һала башлай.

Сәлим. Әй, һин нимә? Сығар! (ҡысҡыра) Сығарығыҙ! Мин соҡорға ҡоланым! (ялбарыулы тауыш менән) Хәким, теләйһенме, иртәгә мин яланға бөтөнләй сыҡмайым. Уйыңды бер кемгә лә әйтмәйем.

Хәкимйән. Булмай тигәс булмай! Хуш! Ана хәҙер Шәриф килә, сығарыр әле. (сығып китә)

Сәлим. (ялбарыулы) Хәким! Шәриф! Эй, сығарығыҙ!

8-се күренеш.

Бер аҙҙан Шәриф килеп инә. Ҡулында арҡан.

Шәриф. Сәлим!

Сәлим. Әү, Шәриф! Хәкимде күрмәнеңме?

Шәриф. Ю-юҡ! Ә ...ул бында...Шым! Кемдер килә шикелле.

Ботаҡ һынған тауыш ишетелә. Шәриф, ҡурҡып, ҡыуаҡ артына йәшенә.

Сәхнәгә Аллағыуат инә. Ерҙән сысҡан ояһын эҙләй.

Аллағыуат. Салауат, кил, бында сысҡан оялары күп!

Салауат инә.Ҡулында биҙрә.

Салауат.Эйе. Ана, юлдары күренеп ята. Бар, һыу килтер!

Аллағыуат биҙрә алып сығып китә. Салауат сысҡан ояларын тикшерә.

Салауат. Бынан ингән. Әһә, ана тегендә сығырға тейеш. (соҡор яғына ыңғайлай)

Шәриф. (ҡыуаҡ артынан) Унда барма! Соҡор!

Салауат шып туҡтай. Ҡыуаҡ артынан Шәриф килеп сыға.

Салауат. (Аптырап) Шәриф?! Нимәгә йәшендең?

Шәриф. Мин...ней...айыу килә икән тинем. Тегендә...Сәлим.

Салауат. Ә -ә-ә, унда Сәлим дә бармы ни?(соҡорға атлай)

Шәриф.Туҡта! Соҡор. Айыу ҡапҡаны. Сәлим төшөп китте.

Салауат. Ҡасан? (соҡор ситенә килеп) Сәлим?!

Сәлим. Әү! Мин бында. Шәриф күренмәйме шунда?

Салауат. Шәриф бар. Шәриф, кил, әйҙә бынау сытырҙарҙы таҙалайыҡ! (ағастарҙы ситкә ала башлай) Сәлим, хәҙер сығарабыҙ! Арҡан кәрәк булыр микән?

Шәриф. Ауылдан килтерҙем. (Йүгереп барып ҡыуаҡ артынан арҡанды килтерә) Бына!

Салауат. Һай шәп иткәнһең! Әйҙә, һин тегендә баҫ, мин бында. Бир арҡанды! (Шәриф арыраҡ баҫа. Салауат үҙе соҡор янына баҫа. Арҡанды соҡорға ташлайҙар) Еттеме?

Сәлим. Етте!

9-сы күренеш.