Студенттің өзіндік жұмыстары

Тапсырма 1

Жұмыс парақтарына жеке-жеке атау қойып шығыңыз.

1. Тышқанның көмегімен А бағанасының енін ондағы мәтін толық көрініп тұратындай етіп үлдкейтіңіз. В, С бағаналарының енін ең аз шамаға келтіріңіз.

Тапсырма 2

Электрондық кестеге берілгендерді енгізу және түзету.

Кез келген ұяшыққа мәтін, сан, формула енгізуге болады. Жолдар мен бағаналардың өлшемдерін өзгертуге болады:

1- тәсіл. Тышқан курсорын өзгертілетін баған атауының (қатар нөмірінің) бөлу сызығының үстіне алып барып, курсор ↔ түріне енген кезде, сол жақ пернені басып, қажет өлшемге дейін кенейтеміз де, пернені қоя береміз.

2- тәсіл. Формат ═> Жол ═> Мөлшер (размер) және Формат ═> Баған ═> Мөлшер командаларын орындау керек.

Егер енгізілетін мәтін цифрдан басталатын болса, онда оны ‘ таңбасымен бастау қажет. Сандарды енгізу =, +, - таңбаларынан немесе бірден цифрді енгізуден басталады. Ондық бөлшек сандардың бүтін бөлігімен бөлшек бөлігі үтір арқылы ажыратылып жазылады. Егер ұяшыққа формула енгізілетін болса, формуланы = таңбасынан бастап енгізу қажет.

А1 ұяшығына «Менің аты – жөнім» деген мәтінді енгізіңіз;

В1 ұяшығына аты – жөніңізді енгізіңіз;

А2 ұяшығына «Туылған жылым» деген мәтінді енгізіңіз;

В2 ұяшығына туылған жылыңызды енгізіңіз;

В3 ұяшығына ағымдық жылды енгізіңіз;

А4 ұяшығына « Менің жасым» деген мәтінді енгізіңіз;

В4 ұяшығына «= В3 – В2» формуласын енгізіңіз;

2030 – шы жылы қай жаста болатыныңызды есептеңіз;

Бос ұяшыққа ағымдық күн мен уақытты енгізіңіз.

Тапсырма 3

1. Е1: Е7 блогына төмендегі сандар тізбегін енгізіңіз: 11, 20, 30, 100, 130, 150, 220.

2. Берілгендерді толық оңға қарай 2-орынға жылжытып, А1: А12 блогындағы ұяшықтарды нөмірлеңіз.

3. D1:D7 блогына ағымдық күннен басталған күндер тізбегін енгізіңіз.

4. С1: С7 блогына апта атауларын енгізіңіз.

5. Парақтар беттеріне атаулар қойыңыз. Ол үшін тышқан көрсеткішін парақ атауына алып барып, контексті – тәуелді мәзірді шақырыңыз. Көрсетілген командалар тізімінен Атын өзгерту пунктін таңдаңыз және пернетақтадан «кесте» атауын теріп, енгізіңіз. Тышқан көрсеткішін парақтың бірінші бетіне алып барып, беттің атауын өзгертіңіз.

Тапсырма 4

EXCEL-мен жұмысты аяқтау.

EXCEL-мен жұмысты аяқтап, одан шығу үшін төмендегі келтірілген тәсілдердің бірін пайдалану керек:

1-тәсіл: Файл→ Шығу командасын беру.

2-тәсіл: EXCEL терезесінің Терезені жабу түймесін басу;

3-тәсіл: ALT+F4 пернелерін басу.

Тапсырма 5 Құрастырыңыз:

1. Шеткі бұрыштық ұяшықтардан жұмыс кестесін құрыңыз: 1) факультет аты, 2) мамандық аты, 3) топ нөмірі, 4) сәйкес аты –жөнін және әкесінің атынан тұратын болсын.

2. А10 ұяшығына “Мысал 1” мәтінін диагоналды түрде орналастырыңыз.

3. [-10;10] интервалы жасыл, {10; 20] интервалын қызыл, ал қалған бөлігін көк түспен шығатындай С6 ұяшығының форматын даярлаңыз. Әр жағдайға әртүрлі фон таңдаңыз.

Тапсырма 6А1:А100 (парақ 1) ұяшық диапазонын толтыр.

• 123,45 санымен;

• -100 санынан басталатын бүтін сандармен;

• 7 санынан басталатын теріс сандармен;

• 10 санынан басталатын, 3 санына бөлгенді қалдық 1 саны болатындай бүтін сандармен;

Тапсырма 7 А1:А10 ұяшығының бірінші қатарын толтыр (парақ2)

1. бірінші қатарда бірде бір орын бос қалмайтындай етіп “*” белгісімен толтыру қажет;

2. 0.1 санынан бастап қадамы 0,05 болатындай бөлшек сандармен толтырыңыз;

3. (-5; 8; 34) сандар тобына қарсы сандармен толтыр;

4. ½; ¼; 1/8; …сандарымен;

Тапсырма 8 А1:А100 ұяшық диапазонын сандармен толтыр. В1:В100 ұяшықар диапазонын формуланың көмегінсіз толтырыңыз.

1. А массивінің екі еселенген мәндерімен;

2. А массивінің 10 есе кемітілген мәндерімен;

3. 1/A_i + A_i мәндерімен;

4. A_i² +2*A_I+5 мәндерімен.

Тапсырма 9  А(5,5) массиві берілген. Массивінің анықтауышын есептеңіз.

Тапсырма 10 10 элементтен тұратын сандар массиві берілген. Осы массивтің ең кіші К9 ұяшығына және ең үлкен элементтін К5 ұяшығына жазыңыз.

Тапсырма 11  25 элементтен тұратын сандар жиыны берілген. Жиынның оң сандарының арифметикалық ортасы мен теріс сандарының абсолюттік шамасының арифметикалық ортасын салыстырыңыздар. Қайсысы үлкен?

Тапсырма 12 А(5,5) және В(5,5) матрицаларына қосу, азайту және көбейту амалдарын орындаңыз.

Тапсырма 13 Функцияның көмегімен х =2, y =3 және z =1,5 болғанда, төмендегі формулалардың сандық мәндерін есептеңіздер:

1) , 2) , 3) ,

Тапсырма 14

А1 ұяшығында тегі жазылған, аты және әкесінің аты бөлектеніп, бірнеше бос орын қалдырып жазылған. D1 ұяшығына студенттің аты-жөні жазылатындай етіп, формуласын құрыңыз.

Тапсырма 15

Фирманың қызметкерлерінің тізімінің ішінен: бастапқы және соңғы символдары бірдей фамилия санын табыңыз.

Тапсырма 16

А2 ұяшығында жазылағн цифрлардың санын жазыңыз.

Тапсырма 17

А3 ұяшығындағы сөздің ішінде “а” символы қанша қайталанады, соны санап шығыңыз.

Тапсырма 18

Жарысқа қатысушылар тізімі және жарыстың нәтижесі, жарыс жеңімпазының аты-жөні шығатындай мәтіндік кесте құрастырыңыз.

Тапсырма 19

Тауарлар түрлерінің сатылу тізімін (кестелік мәндер базасы) жасаңыз.