«Пікірталас» – топтың әрбір мүшесі қатыса отырып, берілген тақырып бойынша өз пікірін білдіріп, әрбір адамның позициясын, бағыт-бағдарын анықтауға мүмкіндік беретін әдістемелік тәсіл.

«Бейнематериалдарды қарау» – оқыту процесінде көркем образдарды пайдалану, киноискусствоның эмоционалдық әсері арқылы студенттерге адам өмірінің адамгершілік жақтарын және кәсіби әрекетін түсінуді күшейтуге мүмкіндік беретін әдістемелік тәсіл.

«Шығармашылық әрекет»- өзін-өзі тану сабақтарының маңызды құрамдас бөлігі, ол студенттердің шығармашылық әлеуетін ашуға мүмкіндік беретін әдістемелік тәсіл. Дәптерде әр түрлі өздік және ұжымдық әрекетті орындауды көздейді: эссе, шығарма жазып, тестілерді орындау.

«Рефлексия» – студенттердің сабақ барысы мен нәтижелерін талқылауы, бұл оларды таным мен өзін-өзі тануға, ақиқатты іздеуде, табуда одан әрі әрекетке жұмылдырады.

«Педагогтің қорытындылауы» – сабақтың нәтижелерін қорытындылаудың әдістемелік тәсілі, педагог оқытылып отырған материалдың аса маңызды деген тұстарына ерекше назар аудартады.

«Жүректен жүрекке» шеңбері» – сабақты аяқтайтын әдістемелік тәсіл, бұл кезеңде пікір алысу, әрбір студенттің эмоционалдық жағдайын анықтау, олардың тақырыпты түсініп, игеру деңгейі анықталады.

1 МОДУЛЬДІҢ оқу-әдістемелік кешені оқытушыға арналған әдістемелік құралды, студенттің жұмыс дәптері мен хрестоматияны құрайды. Типтік бағдарламаға сәйкес 4 тақырыптық бөлім анықталған: «Бақыттың кілті өз қолыңда», «Адами құндылықтар», «Өмір әдебі», «Әлем, неткен әсем ең!». Оқу-әдістемелік кешенінде СРСП және СРС үшін тапсырмалар берілген.

Пәннің мазмұны

1 Модуль. Өзін-өзі тану негіздері

1 Тақырып. Өзін-өзі тану баспалдақтары

Өзін-өзі тану – тұлғаның өзін-өзі жүзеге асыруының шарты ретінде. Өзін-өзі танудың мәні. Өзін-өзі түсіну және қабылдау. Өзін-өзі бағалау жөнінде түсінік. Позитивті ойлау және ішкі үндестік. Адамның ішкі ресурстары. Өзін-өзі жетілдіру.

Білім алу – адамның өзін-өзі тануына жол. «Бейімділік» және «арналғандық» ұғымдары. Өз кәсібіне деген махаббат. Кәсіби өсу және өзін-өзі дамыту тұлғаның жетістіктерінің негізі. Шығармашылыққа құндылықты қатынас. Адамның өзін-өзі тануға және шығармашылық өзін-өзі жүзеге асыруға қажеттілігі.

2 Тақырып. Менің ішкі жан дүнием

Адамның ішкі жан дүниесінің қайталанбас даралығы. Адам өмірінің шынайы құндылықтары, адамгершілік идеалдары, мақсаты мен мәні. Адамның рухани қалпы. Тұлғаның бостандығы - жауапкершілік және шешімдер қабылдау біліктілігі ретінде. Махаббат – адамның табиғи қасиеті. Махаббат – Ақиқаттың, Қайырымдылықтың және Сұлулықтың үндестігі ретінде. Қайырымдылық туралы түсінік. Қайырымдылықтың әрекеттік сипаты.Өзін-өзі тану және ізгілікті өзін-өзі жетілдіру.

3 Тақырып. Мен және өзгелер

Қарым-қатынас арқылы өзін-өзі тану. Қарым-қатынас адамдар арасында өзара түсінісікке қол жеткізу құралы.Адам үшін үйлесімді қарым-қатынастың Тұлғааралық қарым-қатынас дағдылары, толеранттылық. Тілдесімнің вербальды және бейвербалды жақтары. Қарым-қатынастағы ара қашықтық. Кикілжіңдер және оларды болдырмау. Мәдениет өмірлік жетістіктердің факторы ретінде. Толеранттылық қоғамдағы адам өмірінің нормасы ретінде.