6. Жүкті әйелдің салмағын және бойын өлшеу.

Мақсаты- жүкті әйелдің салмағын және бойын еден үстілік таразының және бой өлшегіштің

көмегімен өлшеудің әдістемелігін студентке үйрету.

Көрсетулері –жүкті әйелді әйелдер консультациясында тексеру.

Қарсы көрсетулері - жоқ.

Мүмкін болатын асқынулары - жоқ.

Ресурстары – еден үстілік таразы, резеңке кілемше, бой өлшегіш, ескі шүберек, хлораминнің

1% ерітіндісі, сабын, орамал, жүкті әйелдің жеке картасы.

Іс-әрекет алгоритмі:

1. Өзіңізді таныстырыңыз, әйелге емшараның орындалуының барысын және

мақсатын түсіндіріңіз және оның ризашылығын алыңыз.

2. Дұрысы жүкті әйелдің салмағын өлшеуді бір уақытта (ерте, аш қарынға) жүргізіңіз.

3. Аяқ астына резеңке кілемшені төсеңіз, жүкті әйелге таразыға тұруды сұраңыз.

4. Таразыдағы шкала бойынша көрсеткішін белгілеңіз.

5. Бой өлшегіштің бүйіріне қарап тұрыңыз және әйелдің болжамалы бойының деңгейінен жоғары тақтайшаны көтеріңіз.

6. Жүкті әйелді бой өлшегіштің алаңшасына дұрыс тұрғызыңыз:

өкшелері, бөкселері және жауырыны бой өлшегіштің тіреуіне тиіп тұруы қажет,

ал бас құлақ бүртігісі және көздің сыртқы бұрышы бір көлденең ( горизонталды)

сызықта болуы керек.

7. Бой өлшегіштің тақтайшасын жүкті әйелдің төбесіне түсіріңіз және шкала бойынша сантиметр санын тақтайшаның нөл деңгейінен анықтаңыз.

8. Алынған мәліметтерді жүкті әйелдің жеке картасына енгізіңіз.

9. Бой өлшегішті хлораминнің 1 % ерітіндісіне малынған ескі шүберекпен тазалаңыз.

10. Қолдарыңызды сабынмен жуыңыз және орамалмен құрғатыңыз.

7. Жүкті әйелдің көктамырынан rw және житс қан алу.

Мақсаты- RW және ЖИТС зерттеу үшін көктамырдан қанды қалай алу керектігін студентке

үйрету.

Көрсетулері –жүкті әйелді әйелдер консультациясында тексеру.

Қарсы көрсетулері - жоқ.

Мүмкін болатын асқынулары - жоқ.

Ресурстары – бір реттік шприц, стерилді науа, стерилді шариктер, стерилді пинцет, резеңке

бұрау, сүрткі немесе орамал (бұраудың астына), 70 % этил спирті, бір рет киетін

стерилді резеңке қолғаптар, ауыз-мұрын жапқыш, штатив, контейнер немесе

бикс, сабын.

Іс-әрекет алгоритмі:

1. Өзіңізді таныстырыңыз, әйелге емшараның қажеттілігін, мақсатын және барысын түсіндіріңіз, оның ризашылығын алыңыз.

2. Әйелді үстел қасына отырғызыңыз, оның білегін үстел үстіне қойыңыз («жатқызуға» да болады).

3. Қолдарыңызды гигиеналық деңгейде жуыңыз.

4. Бір рет киетін стерилді резеңке қолғаптарды және ауыз-мұрын жапқышты киіңіз.

5. Бір реттік шприцті ашыңыз, оны жинаңыз, ауасын шығарыңыз.

6. Науаға қақпақшасымен салыңыз.

7. Әйелдің иығына резеңке бұрауды салыңыз, олардың ортасына сүрткіні

немесе орамалды қойыңыз.

8. Көктамырды табыңыз.

9. Тесетін жерді спиртпен әртүрлі шариктермен екі рет тазалаңыз, оларды дезерітіндіге тастаңыз.

10. Сол қолдың үлкен саусағымен болжамалы тесетін жерден төмен көктамырды бекітіңіз.

11. Теріні тесіп көктамырға еніңіз.

12. Мікбасты (поршенді) жай өзіңе тарта отырып, 5-7 мл қан алыңыз.

13.Бұрауды шешіңіз.

14. Көктамырдан инені тартып алыңыз.

15. Тесілген жерге спиртпен мақта тығынды салыңыз, әйелден, оны сәл 3-5 минутқа (қан ісіктің алдын алу) қысып ұстауын сұраңыз.

16. Инені шығарыңыз, оны науаға дезинфекция үшін тастаңыз.

17. Шприцтегі қанды пробирканың қабырғасына қарай жайлап жіберіңіз.

18. Пробирканы тағанға орналастырыңыз, оны нөмірлеңіз.

19. Шприцті дезинфекциялаңыз.

20. Көз жеткізіңіз, егерде тесілген жерден қан шықпаса, онда әйелге білегін жайуға ұлықсат етіңіз.

21. Биохимиялық зертханаға тасымалдау үшін тағанды контейнерге немесе бикске орнатыңыз.

22. Бір рет киетін резеңке қолғаптарды шешіңіз және ҚҚҚ салыңыз.

23. Қолдарыңызды жуыңыз және орамалмен құрғатыңыз.

24. Зерттеуге жолдама жазыңыз.