1 Пәннің жүктеме сыйымдылығы

Семестр	Кредиттер саны	Сабақ түрі						СӨЖ		Барлық сағат саны		Бақылау түрі
		Дәріс	Тәжірибелік сабақтар	Лабораториялық сабақтар	СОӨЖ	Барлық сағат
5	3	30	15	-	45	90	45		135		Емтихан

2. Пәннің сипаты және оның оқу үдерісіндегі орны

2.1 Пәннің жалпы сипаты

Сақтандыру экономиканың маңызды, бірақ азырақ зерттелген саласы болып табылады. Сақтандыру өте ертеректе пайда болған категориялардың бірі және ол кездейсоқ қауіптерден сақтық қорғаудағы адамның әртүрлі қажеттіліктерін қанағаттандыруға бағытталды. Сақтандыруда өндіріс, айналым, материалдық игіліктерді айырбастау және тұтыну процестерде адамдар арасында қалыптасатын белгілі экономикалық қатынастар іске асады. Ол барлық шаруашылық жүргізуші субъектілер мен қоғам мүшелеріне шығындарын өтеуде кепілдік береді, яғни көптеген тұлғалар арасында бөлу арқылы заңды немесе жеке тұлғаның мойнына алған шығындарын өтеу әдісі ретінде көрініс береді. Осылайша, шығындарды өтеу (немесе орнын толтыру) сақтандыру ұйымдарының басшылығындағы сақтандыру қорларының қаражаттарымен жүзеге асырылады.

Экономикалық категория ретінде сақтандыру бұл әртүрлі тәуекелдер кезіндегі сондай-ақ азаматтарға олардың өмірінде белгілі бір жағдайларда көмек көрсету кезіндегі шығындарын өтеу үшін ақша қаражаттарының мақсатты қорларын құру және пайдалану әдістері мен формаларының жиынтығын қамтитын экономикалық қатынастар жүйесі болып табылады.

«Сақтандыру» курсы қаржы нарығының бөлігі ретіндегі қаржы теориялық негіздерін және практикалық проблемаларын қарастырады.

2.2 Пәннің оқыту мақсаты

«Сақтандыру» арнаулы курс, ол барлық қаржы нарығының ішіндегі қаржылық қатынастардың теориясын зерделейді. Пәннің басты мақсаты, қаржылық категорияларды, ұғымдарды, олардың сипаттамасын, әлеуметтік –экономикалық үдерістегі маңызы мен мәнін ашу болып табылады.

2.3 Пәнді оқыту міндеттері

Мұндай мақсаттарға жету үшін осы пәнді оқу барысында келесі міндеттерді шешу қажет:

• сақтандыру түсінігі және олардың түрлерін ашу;

• қаржы нарығында тәуекел азайтуды және томендетұ әдістерің оқып үйрену;

• сақтандыру нарығына қатысушыларды, делдалдарды және қаржы нарығындағы олардың қызметтерін қарастыру;

• сақтандыру нарығының дамуының негізгі мәселелерін және оларды шешу жолдарын анықтау.

Пәнді оқу нәтижесінде студенттер мыналарды меңгеруі қажет:

• сақтандыру нарығының қызмет ету практикасында қолданылатын негізгі түсініктер және терминдерді білу;

• шетелдерде қаржы құралдармен операцияларды ұйымдастырудағы сипаттамалар және даму бағыттарын білу;

• қаржылық құралдардың сапасына, эмиссиялау процедурасына қойылатын негізгі талаптарды білу;

• сақтандыру нарығының қатысушыларының мақсаттары, міндеттері және қызметтерінің арасындағы негізгі ерекшеліктерді айқындау;

• алынған теориялық білімді практика жүзінде қолдана білу, қаржы нарығығының қызметін жақсартуға бағытталған шараларды өңдеу.

2.4 Пәннің пререквизиті Бұл пәнді толық меңгеру үшін төмендегі пәндерді білу қажет: Экономикалық теория, Қаржы, Ақша, несие,банктер

25.Пәннің постреквизиті. Пәнді толық меңгеру үшін болашақта төмендегідей пәндерді оқу қажет: Биржалық іс,инвестицияларды қаржыландыру және несиелендіру,валюталық операциялар,ақша-несиелік реттеу, инвестициялық портфелін басқару