Масса, көлем және тығыздық

А-ТОБЫ

1. Ұзындығы 1,2 м, ені 8 см, қалыңдығы 5 см болатын ағаш білеушенің массасын анықта. _А800 кг/м³.

2. 125 литрінің массасы 100 кг болатын сұйықтың тығыздығы қандай болады?

3. Бензин таситын машинаның цистернасының іштілігі 12 м³. 40т бензинді тасу үшін қанша рет қатынау керек? _К710 кг/м³.

4. Тамақ салатын қаңылтырдан жасалған қалбырлар таттанбау үшін, оларды ауданы 200см² қаңылтырға 0,45 г-нан келетіндей етіп, қалайының жұқа қабатымен қаптайды. Қаңылтырдағы қалайы қабатының қалыңдығы қандай? _Қ7300 кг/м³.

Б-ТОБЫ

5. Көлемдері 300см³ қалайы және 100см³ қоғасыннан қорытпа жасалды. Осы қорытпаның тығыздығы қандай? ₁7,3 г/см³. ₂11,3 г/см³.

6. Мыс және алюминий екі білеуше бар. Бұл білеушелердің біреуінің көлемі екіншісінен 50 см³-ге артық, ал массасы 175 г кем. Осы білеушелердің көлемдері мен массалары қандай? _А2,7 г/см³. _М8,9 г/см³.

С-ТОБЫ

7. 300г қалайы және 100 г қорғасыннан қорытпа жасады. Қорытпаның тығыздығы қандай? _қар7,3 г/см³. _қор11,3 г/см³.

А-ТОБЫ

1. Массасы 54 кг болатын мәрмәр тастың көлемі 0,02 м³ болса, оның тығыздығы қандай болады?

2. Массасы 240 г бос мензуркаға көлемі 75 см³ сұйық құйылған. Сұйығы бар мензурканың массасы 375 г. Мензуркадағы сұйықтың тығыздығын анықта.

3. Шойынды құйған кезде қуыс қалып қойды. Құйманың көлемі 4,2 дм³, массасы 27,3 кг болған. Осы мәліменттерге сүйене қуыстың көлемін анықта. _ш700 кг/м³.

4. Массасы 400 г білеушенің өлшемі 20х5х2см. Оның затының тығыздығы қандай және бұл қандай зат?

Б-ТОБЫ

5. Ұзындығы 400м ені 1,5м жолға қалыңдығы 1см құм төсеу үшін, жүк көтергіштігі 3 т болатын қанша машина қажет? _құм1,5 г/см³.

6. Массасы 810 г, іші қуыс мыс кубтың қыры 6 см. Кубтың қабырғасының қалыңдығы қандай? _М8,9 г/см³.

С-ТОБЫ

7. Биіктігі 20см, ені 12 см, қалыңдығы 3 мм алюминий қаңылтырдан “Н” әріпін қиып алды. Әріп сызықтарының ендері бірдей - 4 см-ден. Осы әріптің массасы қандай? _А2,7 г/см³.

А-ТОБЫ

1. Мыстан жасалған білеушенің ұзындығы 4 м, ені 1,5 м, қалыңдығы 25 см болса, оның массасы қандай болады? _М8900 кг/м³.

2. 0,5л өсімдік майының массасы қандай? _М900 кг/м³.

3. Ыдысқа массасы 5 кг су сыяды. Осы ыдысқа көлемі дәл сондай қанша керосин сыяр еді? _С10³ кг/м³, _К800 кг/м³.

4. 1 минут ішінде адам демін ішке 15 рет тартқанда өкпесіне 600 см³ ауа келеді екен. Бір сағатта адамның өкпесі арқылы өтетін ауаның массасын есептен шығар. _ауа1,29 кг/м³.

Б-ТОБЫ

5. Көлемдері 2 см³ алтыннан және 5 см³ күмістен жасалған қоспаның тығыздығын тап. _А19,3 г/см³. _к10,5 г/см³.

6. Массалары 270 г алюминий және 445 г мыстан тұратын қорытпаның тығыздығы қандай? _М8900 кг/м³. _А2700 кг/м³.

С-ТОБЫ

7. Толтыра су құйылған ыдыстың ішіне күміс және мыс денелер салынды. Сол кезде 80г су асып төгілді. Осының нәтижесінде ыдыстың массасы 680г-ға артты. Әр дененің көлемі қандай? (Ыдыстың массасы есерілмесін) _К10,5 г/см³. _М8,9 г/см³.

А-ТОБЫ

1. Ұзындығы 20м және көлденең қимасының ауданы 2 мм² болатын мыстан жасалған өткізгіш сымның массасын тап. _М8900 кг/м³.

2. Көлемі 1 л өсімдік майының массасы 920 г. Майдың тығыздығын тап. Оны килограмм бөлінген куб метрмен (кг/м³) өрнекте.

3. Вагонға массасы 12 т қарағай тақтай тиеді. Бір тақтайдың өлшемдері 800х200х25 см болса, қанша тақтай тиелген? _Қ440 кг/м³.

4. Көлемдері бірдей алюминий және мыс екі білеуше бар. Егер мыстың массасы алюминийдің массасынан 1,24 кг артық болса, бұл білеушілердің массалары қандай болады? _А2,7 г/см³. _М8,9 г/см³.

Б-ТОБЫ

5. Іштілігі 6,3 л қазанға 4,4 кг картоп салып, оған бетімен бет етіп 2,3 л су құйды. Шикі картоптың тығыздығын екі мәнді санға дейінгі дәлдікпен анықта.

6. Массасы 2 г алтынды, қалыңдығы 0,1 мкм болатындай етіп жаймалаған. Осы алтынмен қанша ауданды қаптауға болады? _А19,3 г/см³.

С-ТОБЫ

7. Қалыңдығы 2 мм, биіктігі 12 см, ені 10 см тік бұрышты болат қаңылтырға, диаметрі 6 мм болатын 100 дөңгелек тесік жасалатын болса, қаңылтырдың массасы қандай? _б7800 кг/м³.

А-ТОБЫ

1. Көлемі 1 см³ алтынның массасы көлемі сондай қорғасынның массасынан қанша есе көп? Алтынның тығыздығы 19300 кг/м³, қорғасынның тығыздығы 11300 кг/м³.

2. Көлемі 100 мл судың массасы неге тең? _су10³ кг/м³.

3. Ыдыстың ішінде массасы 2 кг бензин бар. Ыдыстың бензині жоқ кездегі массасы 600г. Ыдыстың іштілігін литрмен анықта. _Б710 кг/м³.

4. Массасы 17,8 кг мыстан жасалған затты жуу үшін керосині бар ыдысқа батырған, зат ығыстырып шығарған керосиннің массасын анықта. _К800 кг/м³. _М8,9 г/см³.

Б-ТОБЫ

5. Іші қуыс шыны шарды суға салғанда массасы 50 г су ыдығыстырылып шығарылды. Егер шардың ішіндегі қуыстың көлемі 12 см³ болса, шардың массасы қандай? _су1 г/см³. _ш2,5 г/см³.

6. Көлемдері бірдей болған жағыдайда темірдің массасы алюминийдің массасынан 12,75 кг артық болады. Темір мен алюминийдің массаларын тап. _Т7800 кг/м³. _А2700 кг/м³.

С-ТОБЫ

7. Қоспа қорғасын мен қалайыдан жасалған, оның массасы 664г, тығыздығы 8,3 г/см³. Қоспаның ішіндегі қорғасынның массасын анықта. Қоспаның көлемі оны құраушы бөліктерінің көлемдерінің қосындысына тең. _қалайы7300 кг/м³. _{қорғасын}11300 кг/м³.

А-ТОБЫ

1. Массасы 461,5 г дененің көлемі 65 см³. Оның тығыздығы қандай?

2. Бензин құятын отын багының көлемі 200л, оған толтыра бензин құйылған болса, массасы қандай болар еді? _Б0,71 г/см³.

3. Трактордың отын багына толтыра құйғанда, 70 кг керосин сыяды. Бактың іштілігін литрмен анықта. _К800 кг/м³.

4. Массалары бірдей күміс және мыс екі білеуше бар. Күмістің өлшемдері 2х5х6 см, ал мыс білеушенің ұзындығы 7 см ені 4см. Биіктігі қандай? _К10,5 г/см³. _М8,9 г/см³.

Б-ТОБЫ

5. Машинаның бензин багында көлемі 40л бензин бар. 100 км-ге кететін бензин шығыны 5,7 кг болса, бензин қанша жол жүруге жетеді? _б710 кг/м³.

6. Қоспа 1,5 кг қалайы және 4,2 кг қорғасыннан тұрады. Осы қоспаның тығыздығы қандай? _қалайы7300 кг/м³. _{қорғасын}11300 кг/м³.

С-ТОБЫ

7. Көлемі 0,4 м³ қорытпа мыс пен 750 кг мырыштан жасалған. Қорытпаның тығыздығы қандай? _М8900 кг/м³. _Ц7100 кг/м³.

А-ТОБЫ

1. 15 см³ қандай да бір заттың массасы 109,5 г-ға тең. Осы заттың 1 м³-нің массасы одан қанша есе артық?

2. Тығыздығы 11300 кг/м³ заттан тұратын дененің көлемі 250 см³. Массасын есептеп шығар.

3. Массасы 200г бос мензуркаға біраз мөлшерде керосин құйылды. Мензурканың керосинмен қос алғандағы жалпы массасы 260г болса, оған құйылған керосиннің көлемі қандай? _К800 кг/м³.

4. Массасы 1,6 кг мыстан жасалған заттың көлемі 200см³. Осы зат тұтас па, әлде қуыс па? Қуыс болса, сол қуыстың көлемін анықта. _М8,9 г/см³.

Б-ТОБЫ

5. Шыныдан жасалған кубтың массасы 857,5 г. Оның толық бетінің ауданы 294 см² болса, шынының тығыздығы неге тең?

6. Тұтас алюминий кубтың толық бетінің ауданы 150 см². Осы кубтың массасы қандай? _А2700 кг/м³.

С-ТОБЫ

7. Мыс сымының көмегімен екі желілі байланыс жүйесін орнатпақшы. Сымның орамының жалпы массасы 1,5 кг, ал сымды тығыздап қарындаштың өн бойына 15 орам орғанда, оның ұзындығы 1 см болды (Лукашик 21 есепті қара). Осы желінің ұзындығы қандай болар еді? _М8900 кг/м³.

А-ТОБЫ

1. Үй шатырына жабатын ұзындығы 1420мм, ені 710 мм және қалыңдығы 0,51 мм табақ болаттың массасы 3,98 кг. Болаттың тығыздығы қандай?

2. Жүк көтергіштігі 4 т машинаға өлшемдері 250х120х65 мм құрылыстық кірпіштің қанша данасын тиеуге болады? _К1800 кг/м³.

3. Бір кесек заттың массасы 474,5г, көлемі 65 см³. Тығыздығы қандай?

4. Толтыра керосин құйылған ыдысқа, массасы 7,1 кг мыстан жасалған зат толық батырылған болса, асып төгілген керосиннің массасы қандай? _К800 кг/м³. _М8,9 г/см³.

Б-ТОБЫ

5. Бос ыдыстың массасы 0,34 кг. Егер осы ыдысқа толтыра су құйса оның массасы 0,959 кг болды, ал осы ыдысқа толтыра сүт құйса оның массасы 0,978 кг болады. Осы мәліметтерге бойынша сүттің тығыздығын тап. _су10³ кг/м³.

6. Диаметрі 0,5м құбырмен 1 м/с жылдамдықпен 1 сағ ішінде қанша мұнайды тасымалдауға болады? _М800 кг/м³.

С-ТОБЫ

7. Алтын мен күмістен жасалған қорытпаның массасы 0,4 кг, тығыздығы 1,410⁴ кг/м³. Осы қорытпадағы алтынның массасы қандай және ол қорытпаның жалпы массасының қанша пайызын құрайды? _з19300 кг/м³. _к10500 кг/м³.

А-ТОБЫ

1. Өлшемдері 30х10х10 см қалайы білеушенің массасы 21,9 кг-ға тең. Қалайының тығыздығын анықта.

2. Массасы 330г білеушенің өлшемдері 15х5х2 см. Білеуше жасалған заттың тығыздығын анықта.

3. Массасы 36,05 кг сүттің көлемі 35 л, тығыздығы неге тең?

4. Тұтас шыныдан жасалған екі куб бар. Егер бірінші кубтың массасы екінші кубтың массасынан 125 есе артық болса, онда бұйір қырларының ұзындықтары қанша есе өзгерер еді.

Б-ТОБЫ

5. Куб пішінді бір заттың массасы 2,5 кг. Егер осы кубтың қырларын екі есе кішірейтсек, онда осы кубтың массасы қандай болар еді?

6. Темірден және алюминийден жасалған бөлшектердің көлемдері бірдей. Егер темірдің массасы алюминийдің массасынан 4 кг артық болса, онда осы бөлшектердің массалары қандай болады? _Т7800 кг/м³. _А2700 кг/м³.

С-ТОБЫ

7. Егер жалпы көлемі оны құраушы бөліктерінің көлемдерінің қосындысына тең болса, онда 2,92 кг қалайы және 1,46 кг қорғасыннан тұратын қорытпаның тығыздығы қандай болады? _қалайы7300 кг/м³. _{қорғасын}11300 кг/м³.

А-ТОБЫ

1. 0,5дм³-нің массасы 1250 г болатын заттың тығыздығын килограмм бөлінген куб метрмен (кг/м³) есептеп шығар.

2. Массасы 59г кірпіштің көлемі 50 см³. Кірпіштің тығыздығын анықтап, оны килограмм бөлінген куб метрмен (кг/м³) өрнекте.

3. Болат құйманың көлемі 750 см³. Құйманың массасын тап. _Б7800 кг/м³.

4. Терезе әйнегінің қалыңдығы 2 мм, ені 50см, биіктігі 1 м, соған сәйкес екінші әйнектің өлшемдері 3 мм, 40 см, 80 см. Қайсы әйнектің массасы үлкен және қанша үлкен? 2,5 г/см³.

Б-ТОБЫ

5. Консерві қалбырының ішін таттан сақтау үшін қалайымен қаптайды. Оған 0,73г қалайы кетеді. Қалбырдың қалайы жабатын бетінің ауданы 400 см² болса, қалайының қалыңдығы қандай болар еді? 7,3 г/см³.

6. Көлденең қимасының ауданы 2 мм² мыс сым орамасының массасы 20 кг. Орамын тарқатпай, сымның ұзындығын қалай табуға болады? Ол неге тең? _М8900 кг/м³.

С-ТОБЫ

7. Массасы 1 кг, 27 м/с жылдамдықпен ұшып келе жатқан шар, тыныштықта тұрған алюминийден жасалған тұтас кубқа соқтығысты. Соқтығысқаннан кейін шар тоқтайды, ал куб 10 м/с жылдамдықпен қозғала бастайды. Алюминий кубтың қырының ұзындығы неге тең? _а2700 кг/м³.