Билет 4

1. Жіктік жалғаулары.

2. Мәтіннің мазмұнын айт. Ә.Қастеев

3. Лексикалық тақырып: “Емханада”

№4билетке қосымша

Ә.Қастеев (1904-1973)

Әбілхан Қастеев - бейнелеу өнерінің негізін салушы.

Ә.Қастеев - Қазақстан республикасының халық суретшісі, Қазақстан республикасы мемлекеттік сыйлығының (лауреаты) иегері.

Ә.Қастеев Алматыдағы Н.Х. Хлудов пен Москвадағы И.И. Бродскийдің көркем сурет студияларында оқыды.

Суретші Жетісу өлкесін ерекше сүйіп, оны бейнелей білді.

“Медеу маңының сипаты”, “Жайлауда” (1938), “Күз”(1942), “Амангелді сарбаздары” (1970), “Қапшағай ГЭС-і” (1972) еңбектерінен суретшінің Отанға деген зор патриоттық сезімі айқын көрінеді.

Алматыда Ә.Қастеев атындағы көше бар.

Оқытушы.

Билет 5

1. Екпін.

2. Мәтіннің мазмұнын айт “Бөгенбай батыр”.

3. Лексикалық тақырып: “Поштада”.

№5 билетке қосымша

Бөгенбай батыр

Бөгенбай батыр – Абылай хан заманындағы атақты қолбасы, батыр. Ол Абылай ханның батырларының ішіндегі ең үлкен ағасы және Қанжығалы руынан, сондықтан оны халық аңызында “Қанжығалы қарт Бөгенбай” деп атаған.

Бөгенбай батыр Сыр бойында туып, Торғай өзенінің бойында қайтыс болған. Сүйегі Түркістан қаласындағы Ахмет Иассауи күмбезінде жатыр. Оның Тұраналы,Тұрымбет деген екі баласы болған.

XVIII ғасырдың бірінші жартысында қазақ халқын торлаған көп жаудан елді қорғауда Бөгенбай батыр көп ерлік көрсетті. Оның даңқы, әсіресе, жоңғармен, кейін Қытай әскерімен соғысқанда ерекше көзге түсті. 1725-1727 жылдары қазақ жұртының астанасы – Түркістанды қорғауда абылай ханмен бірге соғысып, жоңғарларды қуып шықты. 1756-1758 жылдары Түркістанға келген Қытай әскерін Үрімшіден асыра қуды.

Бөгенбай батыр – ақылды, білгіо болған адам. 1761 жылы Абылайдың Әділ деген баласымен бірге бітім жасау мәселесімен Қытайға барған. Бөгенбай батыр 1728 жылы 38 жасында 30 мың қолға қолбасшы болды.

Қазақ халқы батырын әр уақытта аса құрметтеген. Қазақстанның көптеген қалаларында оның атында көшелер бар.

Оқытушы :

Билет 6

1. Синонимдер.

2. Мәтіннің мазмұнын айт “Астана- бас қала”.

3. Лексикалық тақырып: “Дәріханада”

№6 билетке қосымша

Астана

Қазақ Республикасының ең алғашқы астанасы Орынбор (1920-1925), одан кейін Қызылорда (1925-1929), 1929 жылдан 1997 жылға дейін Алматы қалалары болды.

1997 жылы қазанның 20- сында Н.Ә.Назарбаев “Ақмола қаласын Қазақстан Республикасының астанасы деп жариялау” туралы жарлыққа қол қойды. 1998 жылы мамырдың 6-сында Елбасының жарлығымен Қазақстан Республикасының астанасы Ақмола қаласы Астана қаласы болып аталды. Осы жылғы маусымның 10-ында тәуелсіз Қазақстанның жаңа астанасының салтанатты ашылу рәсімі өтті, Сөйтіп, енді Астана қаласы Қазақстан Республикасының жаңа астанасы болды.

Аз ауақыттың ішінде Астана қаласы көрікті қалаға айналды. Қаланың ортасынан ағып өтетін Есіл өзенінің екі жағындағы батпақ, қалың өскен қамыстың орны қала халқы демалатын жағажайға айналды. Астана қаласында Президент сарайы, Парламент ғимараты, “Интерконтиненталь” қонақ үйі, Еуразия университетінің жаңа корпусы, Жастар сарайы, министрліктердің үйлері, көп қабатты тұрғын үйлер мен ғимараттар бой көтерді. Парламент үйінің алдында Төле би, Қазыбек би, Әйтеке бидің ескерткіштері орнатылды. Аспанға атылған ақ барыс мүсіні Қазақстанның XXI ғасырдағы бақытты болашағын білдіріп тұр.

Әсем Есілдің оң жағасында салынып жатқан жаңа Астананың сұлулығы ерекше. Мұндағы салынып жатқан құрылыстар алыстан көз тартады. “Бәйтерек” ғимараты Астана тұрғындарын, жақын, алыс шетелдерден келген қонақтарды таң қалдырады.

Астананың болашағы әлі алда. Ол Еуразиядағы ең әсем, сұлу әйгілі қала болмақ.

Астана – Қазақстан Республикасының саяси, әкімшілік, экономикалық, мәдени орталығы, бас қала.

Оқытушы :