Билет 13

1. Сын есім.

2. Мәтіннің мазмұнын айт Мартбек Мамыраев

3. Білім туралы 5 мақал айту.

№13 билетке қосымша

Мартбек Мамыраев

Мартбек Мамыраев Қарқаралы ауданының 1- Май ауылында 1908 жылы туған. 1921 жылы Мартбек Қарағанды кенішіне келеді . Арнайы оқу бітіріп электр монтері , участке механигі болды . 1942 жылдың мамыр айында майданға аттанады. Гвардия аға сержанты, 61-ші Армия-гвардиялық атқыштар, 32-ші гвардиялық атқыштар полкінің пулемет расчетінің командирі болады. М. Мамыраев Кеңес Одағының Батыры.

Днепрден ұрыспен өту кезіндегі асқан ерлігі үшін жерлесімізге 1944 жылы 15-ші ақпанда Кеңес Одағының Батыры атағы берілді. Ол Ленин орденімен, 1-ші дәрежелі Отан соғысы орденімен, медальдармен марапатталды.

Оқытушы:

Билет 14

1. Көмекші есімдер.

2. Мәтіннің мазмұнын айт. Әлия Молдағұлова

3. Лексикалық тақырып: “Аудиторияда”

№ 14 билетке қосымша

Әлия Молдағұлова

Әлия Нұрмұхамедқызы Молдағұлова Ақтөбе облысысында дүниеге келген. Әлия туыстарымен бірге Ленинградқа көшіп барады. Әлия Ленинградтағы балалар үйінде тәрбиеленіп, № 9 мектепте оқиды. 1942 жылы ол атқыштар мектебіне жіберіледі.

Әлия Молдағұлова Кеңес Одағының батыры атанған 1 –ші қазақ қызы. Әлияның туған ауылында, Ақтөбе, Алматы, Қызылорда қалаларында ескерткіштер қойылған, мұражайлар ашылған. Әлия туралы кинофильм түсірілді. Ә.Нұршайықов « Шығыс шынары», Ж. Жұмақанов « Әлия Молдағұлқызы» атты повестер жазды. 1977 жылы София қаласында өткен « Алтын Орфей» халықаралық фестивалінде Қазақстан Республикасының еңбегі сіңген әншісі Р.Рымбаева « Әлия» әнін орындағаны үшін бас жүлдені жеңіп алды.

Москва, Ленинград, Алматы қалаларындағы көшелерге Әлия Молдағұлованың есімі берілген.

Оқытушы:

.

Билет 15

1. Сан есім, түрлері.

2. Мәтіннің мазмұнын айт “Әл-Фараби”.

3. Лексикалық тақырып: “Менің күн тәртібім”

№15 билетке қосымша

Әл –Фараби

(870-950)

Орта ғасырда қазақстанның Отырар маңында (қазіргі Шымкент облысы) аты дүние жүзіне әйгілі, ұлы ғалым,энциклопедияшы Әбу Насыр әл-Фараби дүниеге келді. Оның балалық шағы Арыс, Сырдария бойында өтті. Отырар медресесінде дәріс алып, ондағы аса бай кітапханадағы қолжазбаларды оқып меңгерді.Әбу насыр білімін жетілдіру,ғылымды тереңдету үшін аса ірі мәдени орталық саналатын Бағдад қаласына келді. Мұнда ол Аристотель,Эвклид, Прометей еңбектерін оқып үйренді.

Әл-Фараби 25-30 жас шамасында бүкіл дүниежүзілік ғылым – білімді терең де жан-жақты меңгеріп, енді өзі де құнды-құнды еңбектер жазды. Ол ғылым мен өнердің барлық саласы бойынша 150-ден астам еңбек жазған. Олардың ішінде “Музыканың ұлы кітабы”, “Ғылымдар тізбесі”,”Оргонон”, ”Алмагеске түсініктеме” т.б. еңбектері болашақ ғылымға жол ашты. Замандастары және шәкірттері оны “екінші Аристотель”,”екінші ұстаз” деп атаған.

Әл-Фараби математика мәселелерімен де көп айналысқан ғалым. Математиканы архитектура, жер өлшеу,астрономия және музыкаға шебер пайдаланудың үлгісін көрсеткен.

Әл-Фараби аса үлкен музыкант,тамаша орындаушы және ақын болған. Ол домбыра,қобыз секілді аспап түрлерін жасап, бірнеше музыкалық шығармалар жазған. Ұлы ғулама көп жыл шет жерлерде жүрсе де, өзінің туған Отанын бір сәт те ұмытпаған. Оған оның мына сағыныш өлеңі дәлел бола алады:

Оқытушы :.