15.Әкімшілік ескерту (алдын алу) шараларын сипаттаңыз.

Кішігірім, елеусіз әкімшілік теріс әрекет жасағандық үшін тартылатын әкімшілік жауапкершіліктің ең жеңіл түрі ескерту жасау болып табылады. Ескерту жасау бір жағынан тәрбиелік ықпалдың мәжбүрлеу шараларының бірі болып табылады, онда теріс әрекет жасаған адам басқа азаматтарға қоғамдық және мемлекеттік институттарға зиян келтіретін әрекеттерді алдағы уақытта қайталап інде ескертеді. Ескерту жасау кінәлі адамға қандай да құқықтық салдарлар әкеледі, ол әкімшілік жазаға тартылған болып саналады, сонымен қатар ескерту жасауды қолдану қайтара жасалған теріс әрекет үшін жазалау мәселесін шешкенде жазаның басқа түрлерімен қоса есепке алынады.

16.Әкімшілік құқықбұзушылық түсінігін сипаттаңыз және түрлеріне жіктеңіз.

1.Жалпы құқық бұзушылық - бұл адамға, мемлекетке зиян келтіретін, құқықкқ қайшы, қоғамға кауіпті, кінәлі іс-қимыл. Құқық бүзушылық қоғамға қауіптілігіне қарай екіге бөлінеді.

1. Қылмыс — бұл Қазақстан Республикасы қылмыстық кодексінде көрсетілген, қылмыстық жауапкершілік пен қылмыстық жазаны туындататын қоғамға аса қауіпті іс-әрекет.

2. Теріс қылық - қоғам өмірінің әр түрлі саласындағы жасалатын және әр түрлі салдар туғызатын қоғамға орташа және кішігірім қауіпті іс-әрекеттер. Теріс қылықтар заңды жауапкершілікке байланысты бірнеше түрлерге бөлінеді: әкімшілік, азаматтық- құқықтық, материалдық бөліктік, тәртіптік. Соның ішінде біздің қарастырайын деп отырғанымыз - әкімшілік құқық бұзушылық.

17.Әкімшілік іс жүргізу принциптерін сипаттаңыз.

Әкімшілік іс жүргізу-материалдық әкімшілік құқықтық нормаларды жүзеге асыру мақсатымен құрылған әрекеттер жиынтығы немесе басқаша айтатын болсақ атқарушы билік органдары іс -әрекеттерінің әкімшілік процессуалдық нормалармен реттелуі деп түсіндіруімізге болады.

Заңмен алдын-ала қарастырылған жағдайда-ол басқару актілерін қабылдаумен материалдық құқықтық нормаларын қодануы. Кез келген іс-жүргізу сияқты, әкімшілік іс-жүргізу де қандай да бір нәтижелі әкімшілік мақсатқа жетуге бағытталған. Әкімшілік іс жүргізудің мынадай негізгі қағидалары (принциптері) бар;

1) ортақ басқарушылық-басқару заңдылықтарын көрсетеді;

2) процессуалдық-басқарушы құқық шығармашылық пен құқық қабылдаушылық аясындағы ортақ процессуалдық заңдылықтар әрекеттерінің ерекшелігін көрсетеді;

Бұл қағидалардың бөліну шарты олардың өзара тәуелділік күшіне тікелей байланысты. Әкімшілік іс жүргізудің ортақ басқарушылық қағидасына көзқарастары мен іс-жүргізуге қатысатын тараптардың мүддесінің еспке алынуы, әкімшілік іс жүргізуге қоғамдық бақылау жасалуы, ұлттық тең құқылық, заңдылық жатады.

18.Ішкі істер органдары жүйесі мен оның өкілеттіктерін анықтаңыз.

ҚР Ішкі істер органдары ел ішіндегі қоғамдық қауіпсіздікті қорғайды және құқықбұзушылықтың алдын алуға міндеттенеді.Қазақстан Республикасының Ішкі Істер органдары туралы заңына да өзгерістер енген. Осыған сәйкес, ішкі істер органдары нашақорлық, маскүнем, таксикомания, психикалык тежелген және басқа азаматтардың жеке құқықтарына, қоғамдық тәртіпке нұқсан, зиян келтіруші тұлғаларды мәжбүрлеп емдеу шарасымен денсаулық сақтау органдарына хабарлап, жіберіп отыруға міндетті. Заттар мен құжаттарды алатындар:

1. Ішкі істер органдары - иемдену және қолдану ережесін бұзған жағдайда атылатын қаруды; жол жүру ережелерін бұзған жағдайда көлік құралдарын және оларды пайдалануға құқық беретін құжаттарды; тиым салынған кәсіптің өнімдерін, заңсыз аң аулау және балық аулау құралдарын;

2. шекара күзету органдары - шекара режимінің ережелері бұзылғанда теңіз және өзен кемелерін және құжаттарды;

3. кеден органдары - контрабанда заттарын, шекара арқылы тасымалдау және басқа тасығыш құралдарын;

4. балық қорғау органдары - балық аулау ережелері бұзылғанда жүзетін және басқа көлік құралдарын, қаруларын және ауланған өнімді;

5. аңшылық шаруашылық органдары - аң аулаудың ережелері мен мерзімі бұзылған жағдайда аң аулау құралдарын, қаруларын және заңсыз аң аулау заттарын.