Қажетті құралдар мен материалдар:

педагог үшін: әтештің суреттері, ойыншық әтеш, түрлі түсті қағаздар, қарындаш, қайшы, желім, қолорамал.

балалар үшін: жұмыс дәптері, түрлі түсті қағаздар, қатырмақағаз, қарындаш, қайшы, желім, қолорамал.

Іс-әрекет түрлері	Тәрбиешінің іс-әрекеті	Оқушылардың іс-әрекеті
Ынталандыру	Шаттық шеңбері Жарқырап күн де ашылады, Айналаға нұр шашылады, Қайырлы күн! Біз көңілді баламыз! Қайырлы күн! Біз сүйкімді баламыз!	Балалар бірге айтады
Ұйымдастыру	Педагог балаларға әтеш туралы жұмбақ жасырады, жұмбақтың дұрыс шешуінен кейін, ойыншық әтештің суретін көрсетеді, балалардың білімдерін тереңдету мақсатында мағлұматтар береді. Әтеш үй құстарының қатарына жатады, түсі әртүрлі болады, әтештің тауықтан айырмашылығы маңдайында қызыл айдары бар. Педагог бүгін әтештің бейнесін түрлі түсті қағаздан қиып құрастыратындықтарын айтып, әтештің дене құрылысының ерекшеліктеріне назарларын аударады. Сергіту сәті: Бір саусағым тіпті де, Ұстай алмас жіпті де. Екі саусақ бірікті, Ине қолға ілікті. Үш саусағым орайды, Жүгіртеді қаламды. Өнерлі екен он саусақ, Қала салсақ, жол салсақ. Педагог жұмыстың жасалу жолдарын ретімен көрсете отырып, жапсыру жұмысының орындалуын түсіндіреді. түрлі түсті қағаздан тіктөртбұрыштар қиып, дайындар алу. түрлі түсті қағаздан сызық бойымен әтештің бөлшектерін қиып алу. негізгі қағаз бетіне ретімен: -денесін; -басы мен тұмсығын; -қанатын; -айдары мен сақалын; -табанын; -құйрығының қауырсындарын жапсыру. қара фломастермен әтештің көзін салу. Балалар дәптердегі жұмыстың орындалу ретін басшылыққа ала отырып, жапсыру жұмысын орындайды. Педагог тапсырмалардың дұрыс орындалуын қадағалап, бақылайды.	Балалардың жауабын тыңдау Балалар қимыл іс-әрекетпен орындайды Жұмыстың орындалу ретімен танысады. Балалардың өз бетінше жұмыстары
Қорытындылау	Балалардың аппликациялық жұмысының орындалу сапасы тексеріледі, қажетті кеңестер беріп, сабақ қорытындыланады.

Бөлімі: Шығармашылық

Білім беру саласы: Жапсыру

Сабақтың тақырыбы: Сыйлықтық гүл

Сабақтың мақсаты: ұжымдық жұмысқа үйрету; көлемді жапсыру жұмыстарын орындап үйрену; гүлді жапсырудың әртүрлі әдіс-тәсілдерімен таныстыру.