Әдәбияттан гомуми башлангыч белем бирүдә 1 сыйныфта формалашырга тиеш күнекмәләр:

- аңлы, дөрес һәм сәнгатьле уку күнекмәсе булдырып, бер минут эчендә кычкырып 75-80 сүзле, күңелдән 95 сүзле текстны йөгерек укый белергә;

- тәкъдим ителгән текстка сораулар куярга;

- текстны мәгънәви бүлекләргә бүлә һәм гади план, аннотация төзи алырга;

- 1,5 биттән артык булмаган текстның эчтәлеген сөйләргә һәм кабатлап язарга;

- изложение, диктант яза алырга;

- автор текстына нигезләнгән уртача монологик сөйләм әзерли һәм әсәр геройларын, вакыйгаларын бәяли белергә;

- программада ятлау өчен тәкъдим ителгән әсәрләрнең кимендә сигезен хәтердә калдырырга;

- бирелгән темага телдән яки язмача текст әзерли алырга;

- халык авыз иҗаты әсәрләреннән мәкаль, әйтем, табышмак, әкиятләрдән мисаллар китерә белергә;

- әдәби ңанрларны һәм халык авыз иҗаты жанрларын аера алырга;

- текстта махсус тел-сурәтләү чараларын: эпитет, чагыштыру, сынландыруны, шигырьдә рифманы табарга, аңлатырга.

Әдәбияттан гомуми башлангыч белем бирүдә 1 сыйныфта укучыларга җиткерелә торган мәгълүматлар:

• өйрәнелгән әсәр авторының башка әсәрләре, аның тормышы, иҗаты хакында;

• китап сайлау нечкәлекләре турында;

• төрле мәгълүмат чыганаклары (сүзлекләр, белешмәләр, электрон чаралар) белән эшләү хакында;

• балалар өчен чыга торган газета-журналлар турында.

Әдәбияттан гомуми башлангыч белем бирүдә 1 сыйныфта предметара эшчәнлек:

• әдәбиятны сәнгатьнең башка төрләре (музыка, рәсем сәнгате) белән бәйләп, аларның хыял һәм иҗат (уйлап табу) дөньясы буларак уртак якларын һәм үзенчәлекле сыйфатларын (төзү материалы, сурәтләү киңлеге) күрергә өйрәтү;

• әбиятны татар теле белән бәйләп, туган телнең матурлыгына һәм байлыгына хөрмәт тәрбияләү;

• татар әдәбиятын рус әдәбияты белән бәйләп, тема һәм проблематикада, геройлар бирелешендә уртаклыкларга игътибар юнәлтү.

Әдәбияттан гомуми башлангыч белем бирүдә 1 сыйныфта баскычында укучыларның шәхси үсеш – үзгәреше:

• баланың физик һәм психик сәламәтлеген саклау;

• яшь үзенчәлекләрен исәпкә алып, укучыларның уку, хезмәт, аралашу, сәнгатҗ-матурлыкны тану күнекмәләрен үзләштерүләренә ирешү;

• укучыларда әйләнә-тирәдәге тормышка игътибар, дөрес мөнәсәбәт булдыру;

• иҗади хезмәткә теләк, кызыксыну уяту;

• укучының үзенә бәя бирә белүенә, үз-үзен тәрбияләвенә ирешү;

• яңалыкка, белемгә омтылыш формалаштыру, үстерү.

Укыту предметының эчтәлеге

№	Тема исеме	Сәгать
I/1	Әзерлек чоры. Сөйләм, җөмлә,сүз	3
2	Әлифба чоры. Сөйләм авазлары: сузык һәм тартык авазлар	32
3	Аваз белдермәүче хәрефләр	1
4	Алфавит	1
II/	Әлифбадан соңгы чор	13
5	Сәяхәткә чыгу	1
6	Кайтаваз “Мәгарәсе”	2
7	Аю өне янында	1
8	Чәчәкле аланда.	2
9	Урман мәктәбендә	2
10	Шүрәледә кунакта	3
11	Китап рәссамы күргәзмәсендә.	2
	Барлыгы:	33