1 Сурет. Терезені көлденең фреймдерге бөлу

Осы атрибуттардың мәндері терезе бөліктерінің көлемдерін (биіктігін немесе енін) анықтайды. Әр бағанаға (жолға) арналған параметрлер пиксель өлшем бірлігі бойынша немесе пайыздармен (%) үтірлер арқылы бөлініп беріледі. Соңғы параметр ретінде қалған көлемді автоматты түрде толық алып тұратын (*) жұлдызша белгісін де пайдалануға болады. Осындай фрейм үшін барлық қалған бос кеңістік бөлініп беріледі.

<FRAME> тәгінде фреймдерге шақырылатын құжаттарды анықтайтын SRC=... атрибуты болуы керек. Қалған атрибуттар фреймдер арасындағы бөлу сызықтары параметрлерін және оның басқа кейбір қасиеттерін реттеу мүмкіндігін береді.

Экранды үш тік орналасқан тең көлемді фреймдерге бөлу тәгтері төмендегідей болып жазылады:

<frameset cols="33%,33%,* "> <frame src="1 бағана файлы.htm"> <frame src="2 бағана файлы.htm"> <frame src="3 бағана файлы.htm"> </frameset>

<frameset cols="33%,33%,* "> <frame src="dog.jpg"> <frame src="animals/dog04.jpg"> <frame src="animals/dog05.jpg"> </frameset>

Осы тәгтер жұмысы нәтижесі 2, 3 суреттерде көрсетілген. Енді бес тордан – алғашқы бағанасы биіктіктері бірдей екі жолдан, ал екінші бағанасы – бірдей үш жолдан тұратын тұратын фреймдер тұрғызатын программа бөлігін келтірейік.

2 Сурет. Браузерды 3-фреймге бөлу.

3 Сурет. Браузерды 3-фреймге бөлу және сурет қою.

<frameset cols="50%,50%">

<frameset rows="50%,* "> <frame src="1 тор.htm"> <frame src="2 тор.htm">

</frameset>

<frameset rows="33%,33%,* "> <frame src="3 тор.htm"> <frame src="4 тор.htm">

<frame src="5 тор.htm">

</frameset>

</frameset>

Бұл программаның нәтижесі кадрлер түрінде төменде көрсетілген.

4 Сурет. Браузерді бірнеше фреймдерге бөлу.

Әрбір фрейм көлемі, яғни ұзындығы немесе ені абсолютті түрде пиксельмен, экран мөлшерінің пайызымен немесе салыстырмалы i* (i – бүтін сан) түрінде беріледі. Егер екі-үш мән көрсетіліп, олар әр түрлі бірліктерде берілсе, броузер алдымен абсолюттік пиксель түріндегі мәнді тағайындайды, сонан соң қалғандарын пропорциональ түрде алады. * белгісі 1* деген белгімен парапар. Экранды фреймдерге бөлу солдан оңға және жоғарыдан төмен қарай жүргізіледі.

Экранды үш тік орналасқан фреймдерге бөлейік: екіншісінің ені 250 пиксель (мөлшері берілген сурет еніне тең), біріншісі – қалған көлемнің 25%-ын, ал үшіншісі – 75%-ын алатындай ету үшін мынадай атрибуттар мәнін жазу керек

<FRAMESET

cols=”1*,250,3*”> 

</FRAMESET>

Келесі мысалда 2х3 мөлшерлі төртбұрыштар жиынынан тұратын фреймдар жасалады.

<FRAMESET

rows=”30%,70%”

cols=”33%,34%,33%”> 

</FRAMESET>

Келесі мысалда терезе биіктігі 1000 пиксельге тең деп қабыл­данған. Бірінші фреймге жалпы биіктіктің 30%-ы (300 пиксель) берілген. Екіншісіне – 400 пиксель, ал қалған екеуіне 300 пиксель тағайындалған, төртінші фрейм биіктігі “2*” түрінде, үшіншісінің биіктігі – * деп анықталған, сондықтан үшінші фреймнің – 100, төртінші фреймнің – 200 пиксель биіктігі блуы тиіс.

<FRAMESET

rows=”30%, 400, *, 2*” >  </FRAMESET>

Егер бір фреймге абсолюттік мән нақты берілген кезде қалған­дарынан белгілі бір көлем артылып қалып немесе жетпей қалып жататын жағдай туындаса, онда броузер сол қалған фрейм көлемдерін пропорционал күйде көбейтеді немесе азайтады. FRAMESET тәгі бір-бірімен қабаттасып жазыла береді. Келесі мысалда сыртқы FRAMESET терезені үш тең бағаналарға бөледі. Ал ішкі FRAMESET екінші бағананы биіктіктері әр түрлі екі жолға бөліп тұр.

<FRAMESET rows=”33%,33%,34%” > …бірінші бағана фреймі ішкі мәліметі …

<FRAMESET rows=”40%,50%” >

… екінші бағанадағы бірінші жол фреймі ішкі мәліметі …

… екінші бағанадағы екінші жол фреймі ішкі мәліметі..…

</FRAMESET>

…үшінші бағана фреймі ішкі мәліметі …

</FRAMESET>

SRC атрибуты фрейм ішіне орналасатын мәтінді анықтайды. Ол фреймнің ішкі мәтіні сыртқы фрейм жазылған құжатта болмауы керек. Мысалы:

<HTML>

<FRAMESET cols=”33%, 33%, 33%”>

<FRAMESET rows=”*, 200”>

<FRAME src=”1_фрейм_мазмұны.htm”>

<FRAME src=”2_фрейм_мазмұны.gif”>

</FRAMESET>

<FRAME> src=”3_фрейм_мазмұны.htm”>

<FRAME> src=”4_фрейм_мазмұны.htm”>

</FRAMESET>

</HTML>

Бұл тәгтер жұмысының нәтижесінде төмендегі суреттегідей төртбұрышты фреймдер жиыны экранға шығады.