Жараларды және табиғи тесіктерді кеңейтіп ашуға арналған құралдар
Бұл құралдар қолданылмай ешбір операция өткізілмейді десек те болады. Бұл құралдар жиынтығына жараның жиектерін тартып, белгілі бір қалыпта ұстап тұру арқылы тілікке ыңғайлы жағдай жасайтын құралдар жатады.
Ілмектер (жара кеңейткіштер)- тісті ілмектер, оның жұмыс басында саны әртүрлі тістері бар иілген шанышқы түрінде болады. Бір тісті, екі-, үш- және төрттісті ілмектерді ажыратады. Тістерінің үшкірлігіне қарап доғал және үшкір ілмектер болып бөлінеді. Ілмектердің үлкендігі олардың қажеттілігіне қарай болады: косметикалық операциялар үшін қолданады.
Пластиналы Фараоеср ілмегі-әртүрлі ұзындықтағы иілген жақтары бар, ілмегі әртүрлі көлемде болады. Оларды жараны, қуысты кеңейту үшін және ішкі мүшелерді ығыстыру үшін қолданады.
Үлкен жылтыр беті бар жара кеңейткішті айна деп атайды. Ер тоқым тәрізді және Ру жара кеңейткіші кеңінен қолданылады.
9- сурет. Жара кеңейткіштер жиынтығы: 1-бауырлық айна. Ертоқым тәрізді айна, 3-бүйректік айна, 4-Реверден қалақшасы, 5-Микулич–Радецкий айнасы, 6-Кохер қалақшасы, 7-екі тісті, үш тісті үшкір басты жара кеңейткіштер,8-Фарабьеф жара кеңейткіші
Ер тоқым тәрізді жара кеңейткішінің ертоқым тәрізді жазықтығы болады, ал Ру жара кеңейткішінің соңғы жағында жазықтықтарының ені және ұзындығы әртүрлі және ұстағышы иілген болады. Жиі бұлар іш қабырғасын кеңейту үшін қолданылады.
Қуыс ішінде кеңейту үшін бауырлық және бүйректік жара кеңейткіштер пайдаланылады. Олардың да ені әртүрлі және ұзындықтары да әртүрлі жазықтықтары бар. Жара шеттерін кеңейтуге арналған құралдардың ішінде анағұрлым жетілдірілген түрлерін жара кеңейткіштер деп атаймыз. Жара кеңейткіштердің көмегімен жараның жиегін хирургтің және ассистенттің қолымен ұстамай- ақ қоюға болады. Ондай жара кеңейткіштер құлыптық, сақиналық, рейка тәрізді өзі ұстап тұратын түрде болады.
Микуличтің жара кеңейткіші және Труссоның трахеокеңейткіші құлыпты жара кеңейткіштерге жатады.
Госсе жара кеңейткіші–рейка тәрізді болады.
10 - сурет. Жара кеңейткіштер жиынтығы: 1- Коллин жара кеңейткіші, 2- Госсе жара кеңейткіші, 3- Янсен жара кеңейткіші
Табиғи тесіктерді кеңейтетіндерге жатқызылады: Розин-Кениг ауыз кеңейткіші, Гейстердің бұрандалы ауыз кеңейткіші, Субботиннің тік шектік айнасы, қынаптық айна.
Сонымен қоса, басқа да кеңейткіштер де бар- дилататорлар. Олардың көмегімен емдік іс- шаралар атқарылады: соқыр немесе күштеп кеңейту арқылы туа біткен немесе жүре пайда болған қуыстардың тарылуында қолданады. Бұл құралдарды сондай- ақ буж деп те атайды.
Қуықтың қуысын көру үшін цистоскоп қолданылады.. Ол арқылы қуықтың шырышты қабатын көруге, әртүрлі іс- шаралар жүргізуге және биопсия алуға болады.
Тіндерді әртүрлі жарақаттардан қорғайтын құралдар
Зондтар- әртүрлі болады. Жүлгелі зонд-қан тамырларын және жүйкелерді жауып тұрған фасцияларды кесуге ыңғайлы.
Түйме тәрізді зонд-жараны зерттеу үшін арналған. Осы екі қызметті бірлестірген жүлгелі-түйме тәрізді зонды құрастырылып жатыр. Кохер зонды- тіндерді соқыр ажырату үшін арналған. Бауырлық зонд.
Бауырлық қалақша
Буяльсий қалақшасы және Фолькман қалақшасы патологиялық бөліністерді, артық гранульяциялық тіндерді алып тастауға, сонымен қатар, қуысты және жыланкөз жолдарын қырнауға арналған.
Милық шпатель- екі жағында немесе бір жағында қуысы бар жұқа пластинка. Гематоманы алып тастуға арналған. Ретрактор (тартқыш) – аяқ- қолдардың ампутациясы кезінде жұмсақ тіндерді тартып тұруға қолданылады.Сүйек көтергіштер немесе леваторлар- сүйек сынықтарының бүтіндігін қалыптастыру үшін қажет.
Кілттер мен скобалар (доға) жиынтығы ЦИТО қаңқалық тартуға арналған, спицалар.Оның бір кілті доғаның гайкасын бұрау үшін қолданса, екінші кілті сым тарту үшін қажет.
Бұрағыштар, жалпақеріндер, бүйірінен кескіштер- сүйектермен жұмыс жасағанда қажет.