13.Муляжда білекке гипстік лонгетаны салу техникасын көрсету.
Мақсаты: Қол зақымы кезінде емдік иммобилизация.
Көрсеткіші: Сынық, буыннан таю, байламдардың созылуы.
Ресурстар: бинт, қайшы, гипс ұнтағы, вазелин немесе балалар кремы, резеңке қолғаптар, жылы су, леген, анальгетик, шприц, 70% этил спирті, залалсыз мақта домалақтары.
Әрекет алгоритмы:
1.Науқасты отырғызып, тыныштандыр.
2.Манипуляция барысын түсіндір.
3.Резенке қолғапты ки.
5.Ауырсыну сезімін жою үшін б/е 2мл -кетотоп ерітіндісін енгіз.
6.Сынық немесе буыннан таюдың белгілерін анықта.
7.Зақымдалған қолға физиологиялық қалып бер. Қолды шынтақта бүгіп, қол басын денеге тақап қой.
8.Лонгетаның ұзындығын сау қолда өлше: саусақ ұшынан иықтың ортасына дейін.
9.Белгілеген ұзындық бойынша, 8-9 қабатты лонгетаны әзірле.
10.Зақымдалған қолға вазелин немесе балалар кремін абайлап жақ, сүйегі жақын жерге мақта сал.
11.Дайын лонгетаны су қүйылған легеннің түбіне салып, ауа көпіршіктердің әбден шығуын тос, лонгетаны судан алып, ақырын сығып артық суын кетір
12.Лонгетаны үстелге қойып тегісте.
13.Лонгетаны зақымдалған қолға жабыстырып, үстінен жай бинтпен ора.
14.Гипс қатқан соң, жай бинтті тарқатып лонгетаны тексер.
15.Лонгетаның шеттерін тартып, сәл босат (қан айналымын бұзбау үшін).
16.Лонгетаны бинтпен орап, мойынға асып қой.
Ескерту: Гипс сапасын алдын ала тексер. Зақымдалған қолдың саусақтарының ұштарын ашып қою керек.
14.Сафардың үштік әдісін фантомнан көрсету, ауа өткізгіштігін енгізу.
Мақсаты: Тыныс жолдарының өткізгіштігін қамтамассыз ету.
Көрсеткіші: Клиникалық өлім, асфиксия.
Әрекет алгоритмы:
Адамды тегіс, қатты жерге шалқасынан жатқызу.
Басын барынша шалқайту ( бас ми жарақатында орындалмайды).
Ауыз, мұрын қуыстарын сілекейден, құсық соқтасынан, қан ұйықтардан тазалау, астынғы жақты бері шығару, керек болса тілді тіл ұстағышпен бері тартып қою.
Ауа өткізгіштігін енгізу әрекеті.
Мақсаты: Тыныс жолдарының өткізгіштігін қамтамассыз ету.
Көрсеткіші:Кома кезіндегі жіті тыныс жетіспеушілігі (жөтелу және құсу рефлекстері жоғалғанда) Ресурстар: Өлшемі сәйкес келетін ауа өткізгіштер.
Әрекет алгоритмы:
1.Сол қолдың 1 және 2 саусақтардың көмегімен ауызды ашып, тексеру.
2.Оң қолға сәйкес келетін ауа өткізгіштігін алып, иілген жағын тілге қаратып, жұтқыншақтың артқы қабырғасына жеткенше енгізу.
3.Ауа өткізгішінің ұшы жұтқыншақтың артқы қабырғасына жеткенде, түтікшені 1800 бұру керек, сонда ауа өткізгіші тілдің түбін басып, тыныс жолдарының өткізгіштігін қамтамассыз етеді.
Ауа өткізгішінің дұрыс салу критериі ол спонтанды тыныстың пайда болуы.
Асқынуы: түтікшенің орнынан тайып кетуі, асфиксия, құсу, ларингоспазм.
15.Түйінді тігісті салу және алу әрекетің муляжда көрсету.
Мақсаты: Жара шетін біріктіру.
Көрсеткіші: Жараның болуы.
Ресурстар: 1% йодонат ерітіндісі (балаларға жасыл бриллиант ерітіндісі),залалсыздандырылған таңу материалы,клеол, жібек № 3 және № 4,ине ұстағыш,тері кесетін ине, хирургиялық пинцет, корнцанг, қайшы, залалсыздандырылған лоток,залалсыз резеңке қолғап, КБСУ.
Әрекет алгоритмы:
1.Қолдың гигиеникалық деңгейде деконтоминациясын орында.