3.16. Босану уақытын анықтау

Анамнез мәліметтері мен объективті зерттеу қортындыларын пайдалана отырып, әрбір әйелде болжамды босану мерзімін анықтауға болады.

• Соңғы етеккір бойынша. Соңғы етеккірдің бірінші күніне 280 күн қосып босанудың болжамалы мерзімін табады. Болжамалы босану күнін жылдам табудың қарапайым әдісі – соңғы етеккірдің бірінші күнінен 3 айды алып тастап, 7 тәулік қосу /Негле ережесі/.

• Нәрестенің алғашқы қимылдары сезілген күні бойынша. Нәрестенің алғашқы қимылдары сезілген күнге тұңғыш босанушыларда 20 апта, қайта босанушыларда 22 апта қосады.

• әйелдер консультациясына алғашқы рет келу бойынша. әйелдер консультацияға алғашқы рет келудегі жүктілік мерзіміне 40 аптаға дейін жетпейтін мерзім қосылады. Табылған күн босану күніне сәйкес келеді. Егер әйел әйелдер консультациясына жүктіліктің 12 аптасына дейін келсе болжамалы босану күнін табудағы айырмашылығы минимальді болады.

• Ультрадыбысты зерттеу бойынша.

• Жүктілік және босану бойынша демалысқа кету мерзімі бойынша. Декреттік демалысқа жүктіліктің 30-аптасында шығады. Осы мерзімге 10 апта қосылады.

Соңғы етеккір мен нәрестенің алғашқы қимылдары бойынша жүктілік мерзімі мен болжамалы босану күнін тез анықтау үшін арнайы акушерлік күнтізбелер шығарылады.

Барлық бір-біріне қарсы келмейтін мәліметтерді пайдалана отырып жүктілік мерзімі мен босану күнін нақты анықтауға болады. Акушерлік тәжірибе бақылаулары бойынша мерзімінде босану жүктіліктің 38-аптасынан 42-аптасына дейін болу мүмкін. Сондықтан кейде босану мерзімін анықтауда қателік кету мүмкін.

3.17. Босанатын әйелді қабылдау-қарау бөлімшелерінде қабылдау

Фильтр

• Босанатын әйелді физиологиялық немесе обсервациялық бөлімшеге жатқызу туралы шешім қабылданады.

• Босанатын әйелге жеке пакет береді.Босанушы әйелдің киімін ауыстырады.

• Босану үйіне түсіп жатқан әйелден алады.

госпитализацияға жолдама;

алмасу картасын (№113/У тіркеу картасы);

паспорт;

сақтандыру полисі;

босану сертификаты.

Босанушы туралы мәліметтерді жүкті, босанатын, босанған әйелдерді қабылдауды тіркеу журналына жазады(№002/У тіркеу картасы).

Босану тарихының төлқұжат мәліметтерін толтырады (№096/У тіркеу картасы).

Анамнез мәліметтерін жинайды.

Пульс, екі қолында қан қысымын анықтайды.

Дене қызуын өлшейді /термометр қолданудан кейін дезинфекциялық ерітіндіге салынады/

Өткізілетін тексеру:

педикулезді анықтайды /қас,бас, қасаға/;

іріңді ауруларды анықтайды /тері жабындар/;

бір рет қолданылатын шпатель көмегімен ауыз қуысын тексеріп қарайды, қабыну ауруларын анықтайды;

қышыма ауруларын анықтайды /аяқ-қол тырнақтары/.

Лимфа түйіндерін сипап қарайды.

Сүт бездерін тексереді.

Өкпе мен жүректі тыңдау, тықылдатып тексеру, құрсақ пен бауырды сипап және тықылдатып қарау /пальпация, аускультация, перкуссия/. Пастернацкий симптомын анықтайды.

Антропометрия өткізеді.

Босану қызметін анықтап баға береді.

Леопольд Левицкий тәсілдері көмегімен жатыр түбінің биіктігін, жатыр ішіндегі нәрестенің жатуын, позициясын, позициясының түрін, алғашқы бөлігін, оның кіші жамбастың кіреберісіне қатысын анықтайды.

Жатыр ішіндегі нәрестенің жүрек қағысын тыңдайды.

Сыртқы пельвиометрия өткізеді.

Іш айналымын см лентамен өлшейді.

См. Лентамен жатыр түбінің биіктігін анықтайды.

Қолданудан кейін стеоскоп, жамбас өлшегіш, см.лента, әйел астына төселген клеенка екі рет дезинфекциялық ерітіндімен өңделеді.

Қабылдау кабинеті

• Пробиркаға көктамырдан 5 мл қан алады.

• Қан тобын анықтайды.

• Сыртқы жыныс мүшелерін қарап тексереді.

• Қынаптық айна көмегімен жатыр мойнын қарап тексереді, қынаптық жағындылар алып, босану кезіндегі қынаптық зерттеу өткізеді.

• 20% мульфацил-натрий ерітіндісі көмегімен зәрде ақуыз анықтайды.

Санитарлық өңдеуге арналған бөлмеде:

әйелдің санитарлық-гигиеналық өңдеуін өткізеді;

тазалау клизмасын қояды;

әйелге душ қабылдау ұсынады;

әйелге стерильді іш киім, өңделген теріден жасалған аяқ киім береді;

әйелді босану алды палатаға шығарып салады.

Барлық зерттеулерде әйелден ақпараттандырылған келісім алады.