1.6. Қол антисептикасы

Қолды тиімді өңдеу үшін мынадай шараларды орындау қажет:

• Тырнақтар таза, қысқа алынған, үстінде лак болмауы тиіс;

• Жабыстырылғн жасанды тырнақ болмауы керек;

• Қолдар күтілген, қабыршықтанусыз, жарықшаларсыз болуы тиіс;

• Қолда зергерлік бұйымдар: сақина, білезік, сағат болмауы керек№

1.6.1. Қолды гигиеналық жуу.

Орындау тәртібі

• Қолдан барлық бұйымдар мен сағатты шешеді.

• Қолды ағынды сумен шайып, алақандарын, қол басының сыртқы бетін, саусақ аралықтарын, тырнақтар маңайын қатты ысып 30 секундтен кем емес уақыт ішінде сабындайды .

• Қолды сабындап кірді шайып жуады /қолды 30 секундтен аз жуу тиімсіз, себебі ылғалдандырылған, бірақ дұрыс жуылмаған немесе жалпы жуылмаған қол микроорганизмдердің көбеюіне ыңғайлы/.

• Қағаз орамалдармен немесе бір реттік майлықпен қолды құрғатады /шынтақ нес\месе педальді араластырғыш болмаса сол майлықпен кранды ұстап, жабады/, майлықты осыдан кейін қоқысқа арналған контейнерге тастайды.

Қолды гигиеналық жуу әдеттегі кірмен бірге қолдың транзиторлық микрофлорасын жояды. Қол жууға арналған сабын кесек түрінде, сұйық немесе гранула, ұнтақ түрінде болуы мүмкін.

«Ауруханалар, босану үйлері мен басқа стационарларды орналастыру, ұйымдастыру және қолдану» туралы 2.1.3.1375 – 03 СанПиНның 5,6 тармақтарына сәйкес қолды өңдеудің ерекше тәртібін қажет ететін емдеудің алдын алу мекемесі ғимараттарында міндетті түрде сұйық сабын қолданылады. Мөлшерлегіш құралы / дозатор/ бар сұйық сабын қолдану қажет. Бірнеше рет қолданылатын мөлшерлегіш құралдар уақыт өткесін ластанады, сондықтан бір рет қолданатын мөлшер өлшегіш құралы бар сұйық сабын қолдану ең қолайлы болып есептеледі. Сұйық сабынды жартылай толық мөлшерлегішке құюға болмайды, оны босатып, жуып, құрғатқаннан кейін ғана сабынның жаңа мөлшерімен толтыруға болады.

Кәсіби сұйық сабынға қойылатын талаптар:

• Медициналық мекемелердің медициналық қызметкерлеріне ұсынылған болуы тиіс;

• Жуу қасиетінің жоғары болуы;

• Теріні бактериалды және саңырауқұлақты микрофлорадан қорғау қасиетінің болуы /антибактериалды қасиеті бар сабын/;

• Құрамы гипоаалергенді және тең балансты;

• Оптималды рН 5,5-6,5.

Қолды құрғату үшін қағаз орамалдарын қолдану қажет. Тәулік ішінде ауыстырылмайтын жалпы орамалды қолдануға болмайды. Қағаз орамалдар болмаған жағдайда жеке қолдануға арналған көлемі 30х320 см-лік таза матаны қолданады. Әрбір қолданудан кейіноларды кір жуатын орынға жіберуге арналған арнайы контейнерге тастау қажет. Кранды майлықсыз қолмен жабуға болмайды, себебі онда әр түрлі микрофлора, соның ішінде көкірің таяқшасы болуы мүмкін. Палаткаларда тексеру өткізгенде, әрбір науқасты тексеруден кейін қол жууға мүмкіндік болмағанда қолды спрей түріндегі тері антисептиктермен немесе антисептикалық майлықтармен өңдеу қажет..

1.6.2. Қолдың гигиеналық антисептикасы

Сұйық антисептикалық сабынды қолдануда:

• Қолдан барлық бұйымдар мен сағатты шешеді;

• Қолды ағынды сумен шайып, 30 секунд ішінде қолдың алақандарын, сыртқы бетін, саусақ аралықтарын, тырнақтар маңайын қатты сабындап ысады, содан кейін қалған,кірімен сабынның қалдықтарынмұқият жуып тастайды;

• Қолды қағаз орамалмен немесе бір рет қолданатын майлықпен сүрткесін, шынтақтық немесе педальдік араластырғыш болмауында сол майлық көмегімен су құбырының кранын жабады, майлықты қоқыс контейнеріне тастайды.

Спирттік және сулы тері антисептиктерін қолдануда:

• Қолдан барлық бұйымдар мен сағатты шешеді;

• Антисептикті бір қолдың алақанына 3 мл-ден артық емес көлемде құяды;

• Екінші қолмен екі қолдың алақандарына, сыртқы бетіне, саусақ аралығына, тырнақтар маңайына және саусақтардың ұштарына ерекше назар аулара отырып, антисептикті ысқылап жағады;

• Антисептикті қолдану нұсқауында ұсынылғандай қолды өңдеу кезінде қолды ылғалды жағдайда сақтайды.

Қолдың гигиеналық антисептикасы қолды гигиеналық жуумен салыстырғанда терінің жоғары деңгейдегі залаласыздандыруын қамтамасыз етеді, себебі оны микроорганизмді жұқтыру қауіпі жоғары манипуляцияларды орындау алдында және орындаудан кейін қолданады.

Гигиеналық антисептика үшін микробтарға қарсы агенті бар, сұйық антисептикалық сабын, спирттік немесе сулы тері антисептиктері бар заттар қолданады. Бактерицидті әсері тез басталуына байланысты спирттік антисептиктердің тиімділігі жоғары болады және антибактериалды сабынды немесе сулы ерітінділер қолданудағыдан тері мацерациясы кемірек болады.

Жуғаннан кейін қолды мұқият құрғатады. Ылғалды теріге антисептикті ысып жағу оның концентрациясын төмендетеді. Егер ылғалды қолға қолғап кисе бактерияларға бай «қолғап сөлінің» түзілу уақыты жылдамдайды.

Құрғатқан соң қолға 3 мл кем емес мөлшерде антисептик құйып ысады. Кепкен қолға стерильді қолғап киеді.

Қол терісіне жұмсартқыш крем қолдануда алдын ала қолды сабындап гигиеналық жуу арқылы кремді жуып тастаусыз тері антисептикті қолдануға болмайды.