2 Ферросилиций сапасына қойылатын талаптар мен қолданылатын шикіқұрам матераилдары

Ақтөбе ферроөорыту зауытында өндірілетін ферросилицийдің химиялық және гранулометриялық құрамына қойылатын талаптар 1-кестеде келтірілген.

Кесте 1 – Түйіршіктелген ферросилицийдің химиялық және фракциялық құрамына қойылатын талаптар

Марка	Массалық үлес, %								Фракциялық құрам, %
	Si	Mn	C	P	S	Cr	+0,16			-0,16		-0,071	-0,04
		Кем						кем			артық
ФС15Г-1	13-17	1	1,5	0,15	0,06	5,0	5			95		70		40
ФС15Г-2	13-17	1	1,5	0,15	0,06	5,0	5			95		60		30
ФС15Мн(г)-1	13-17	5	1,5	0,15	0,06	5,0	5			95		70		40
ФС15Мн(г)-2	13-17	5	1,5	0,15	0,06	5,0	5			95		60		30

Ферросилицийдегі ылғал мөлшері 0,8%-дан аспауы тиіс. Ферросилицийдің химиялық құрамы 6,6-7,2 г/см³ аралығындағы тығыздылықты және магнитті фракцияның 100% шығымын қамтамасыз етеді.

Түйіршіктелген ферросилиций өндірісінде келесі шикіқұрам материалдары қолданылады:

- ФС25, ФС45 немесе ФС75 маркалы ферросилиций, фракциясы 0-60 мм;

- болат жоңқасы, орам қзындығы 50 мм-ден кем болуы тиіс;

- әк, фракциясы 0-70 мм (СаО > 90%) және кварц құмы.

3 Ферросилицийді балқыту

Түйіршіктелген ферросилиций өндіру үрдісі келесі негізгі сатылардан құралады (сурет 2):

- ферросилицийді доғалы электр пеште балқыту;

- арнайы қондырғыда диспергациялау;

- фракцияларғ

Сурет 2 – Түйіршіктелген ферросилицийді өндіру технологиясы

Ферросилицийді балқыту доғалы болат балқыту пешінде (ДСП-1,5) периодты үрдіспен іске асырылады. Пеш магнезитті кірпішпен қаланып, графиттелген электродтар қолданылады.

Балқыту келесі кезеңдерге бөлінеді:

- шикіқұрамды тиеу;

- пешті қосу;

- шикіқұрамды балқыту;

- балқыманы шығару.

Ақтөбе ферроқорыту зауытында қабылданған технология бойынша түйіршіктелген ферросилицийді балқыту үшін келесі шикіқұрам қолданылады:

- ферросилиций ФС75 – 145-180 кг;

- болат жоңқасы 500 кг;

- айналымдағы қалдықтар (> 0,16 мм) – 500 кг;

- әк 40 кг;

- кварц құмы - 30 кг.

Шикіқұрам материалдарын пешке келесі тәртіппен тиейді: алдымен бай ферросилиций, содан кейін түйіршіктелген ферросилицийдің айналымдағы қалдықтары (фракциясы > 0,16 мм) және кейіннен темір жоңқасы тиеледі. Пеш қосылып, жүктеме алынғаннан кейін пеште сұйық металл пайда бола бастайды. Кремнийдің тотығуын және SiO түрінде жоғалымдарын азайту, сонымен қатар доғалардың тұрақты жануын қамтамасыз ету үшін пешке қож түзгіштер (әк) тиеледі.

Тоқ жүктемесі тұрақтанғаннан кейін үрдістің келесі кезеңі басталады. Балқытудың жалпы ұзақтығы 2-2,5 сағатты құрайды, ал электр энергияның шығыны 1600-1800 кВт сағ құрайды.

Металды пештен шығарар алдында, пешті жұмысшы терезе жағына еңкейту арқылы қож құйылып алынады. Дайын металл балқымасы алдын-ала табиғи газбен қыздырылған шөмішке шығарылып, диспергаторға тасымалданады.

Пештің қалыпты жұмысын қамтамасыз ету және пеш түбінің футеровкасын сақтау үшін балқыманы шығарғаннан кейін пеште әр-дайым металдың белгілі-бір деңгейі қалып отыруы қажет. Ол үшін балқыманы шығару барысындағы пешті еңкейту бұрышы тұрақты болуы тиіс.