1. Аяқ киім жөндеу шеберханасында. Монолог.

2. Шартты рай формасында берілген сөйлемдерді аяқтаңыз. Дариға Абай өлеңдерін қазақ тіліне аударса, ... . Сен Айманның бақылау жұмысын тексерсең, ... . Мен шығарма жазсам, .... .

3. Мәтінді қысқаша мазмұндаңыз. Ермек Бекмұхамедұлы Серкебаев

Ермек Бекмұхамедұлы Серкебаев - әнші, Қазақ КСР-інің және КСРО-ның халық артисі, Социалистік Еңбек Ері. 1941-1943жылдары Алматы музыка училищесінде (скрипка класы бойынша) оқыды. 1951 жылы Алматы мемлекеттік консерваториясын бітірді.

Таңдаулы партиялары: Қожағұл, Амангелді (М.Төлебаев, «Біржан-Сара»), Тарғын, Артем (Е.Брусиловский «Ер Тарғын», «Дударай»),т.б.

Ол камералық және эстрадалық әнші ретінде де кеңінен танылды. Репертуарында қазақтың халық әндері,сондай-ақ қазақ және ТМД елдері, Батыс Еуропа композиторларының ән-романстары бар. Е. Серкебаев «Біздің сүйікті дәрігер», «Ән қанатында», «Тақиялы періште»,т.б. фильмдерге түскен.

1958 жылы Мәскеуде өткен қазақ әдебиеті мен өнерінің онкүндігіне, 1981 жылы АҚШ-та өткен Қазақстан күндеріне қатысты.

1977жылы концерттік-орындаушылық шеберлігі үшін КСРО мемлекеттік сыйлығын алған. 1973 жылдан Алматы мемлекеттік өнер институтында (қазіргі Қазақ ұлттық консерваторясы) педагогикалық қызметпен шұғылданады.

Кафедра отырысында талқыланды:

№ ____ хаттама «____» ______________ 2012 ж.

Кафедра меңгерушісі: А.Ш.Жилқубаева

ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ ҒЫЛЫМ МИНИСТРЛІГІ С.АМАНЖОЛОВ АТЫНДАҒЫ ШЫҒЫС ҚАЗАҚСТАН МЕМЛЕКЕТТІК УНИВЕРСИТЕТІ

Филология факультеті Қазақ тілі

Практикалық қазақ тілі кафедрасы 2012- 2013 оқу жылы

Барлық мамандықтарға арналған күндізгі бөлім

БИЛЕТ № 20

1. Іссапар. Монолог.

2. Берілген сөз тіркестерімен салыстырмалы шырай жасап, сөйлем құрастырыңыз: терең көл, дәмді тоқаш, әдемі көше, биік ғимарат.

3. Мәтінді қысқаша мазмұндаңыз. Қазақстанның саябақтары, қорықтары

Қазір дүние жүзінің 124 елінде 2600-ден артық ірі қорық бар екен. Олардың ішіндегі ең үлкені Гренландия ұлттық паркі. Оның жер көлемі 7 млн. гектар. Біздің республикамызда жалпы 784,1 мың гектар жерді алып жатқан 7 қорық бар. 50-дей аңшылық қорықша, 42 зоологиялық және 24 ботаникалық бақтар мен қорықша, 3 табиғат ескерткіштері бар.

Қорық – ерекше қорғауды қажет ететін тұқымы құрып бара жатқан өсімдіктер мен жануарлардың түрлерін табиғи күйінде сақтайтын жер. Мысалы, Барсакелмес қорығы – құланды, Қорғалжын қорығы – қоқиқазды, Үстірт қорығы – дала қойын, Алматы қорығы - Тянь-Шань шыршасын сақтап, көбейту мақсатында құрылған. Ұлттық парктердің қорықтардан айырмасы бар. Ұлттық парктерде өсімдіктер мен жануарлардың сирек кездесетін әрі бағалы түрін сақтаумен қатар, адамдардың мәдени демалысын ұйымдастыратын, туризммен шұғылдануға мүмкіндік жасайтын орындар бар.

Қазақстанда алғаш рет ұлттық парк Баянауыл таулы орман алқабында ұйымдастырылды. Мұнда 40-қа тарта аңдардың, 50-ден аса құстардың түрлері қорғалады. Олардың көпшілігі "Қызыл кітапқа" енген.

Кафедра отырысында талқыланды:

№ ____ хаттама «____» ______________ 2012 ж.

Кафедра меңгерушісі: А.Ш.Жилкубаева