Развіваючыя гульні

Гульня "Хто больш ведае аб Беларусі". Педагог прапаноўвае паслухаць кароткі расказ аб славутых мясцінах Беларусі; адгадаць і назваць іх.

Гульня "Мой родны горад". Педагог прапаноўвае паглядзець на паштоўку, адгадаць назву мясціны і знайсці месца знаходжання яе на карце. За правільны адказ дзеці атрымліваюць фішку.

Абсталяванне: карта-схема горада, флажкі, паштоўкі, на якіх адлюстрованы гістарычныя мясціны горада.

Гульня "Падарожжа па гораду". Педагог стварае дзве каманды і прапаноўвае ім па фрагменту паштоўкі або фотаздымку пазнаць помнік і расказаць аб ім. За правільны адказ каманда атрымлівае фішку. У канцы гульні падводзяцца вынікі.

Абсталяванне: разразныя карцінкі з выглядам помнікаў горада, фішкі.

Гульня "Хто хутчэй назаве болей слоў аб сваёй Радзіме". Педагог называе назоўнік, а дзеці да яго знаходзяць па сэнсу прыметнік, напрыклад: Брэст - прыгожы, старажытны, вялікі, каханы; крэпасць - моцная, каменная; рака - Свіслач, доўгая, ціхая, глыбокая і г. д.

Гульня-практыкаванне "Працягвай". Працягні выказванне:

Наша краіна мае назву... .

Жыхароў нашай краіны называюць... .

У нашай краіне шмат рэк... .

Мінск - гэта... .

Я ганаруся... .

Мне падабаецца быць... .

Хачу адправіцца ў вандраванне па ... і г. д.

Гульня "Калі так бывае?". Педагог называе словазлучэнне, дзіця яго тлумачыць.

Напрыклад: калі горад бывае вясёлы? (свята горада...), малады? (новабудоўлі, маладыя жыхары), мокры? (горад пасля дажджу) і г. д.

Гульня "Параўнанне". Педагог прапаноўвае параўнаць жыхароў старажытнага і сучаснага горада; знешні выгляд мужчын і жанчын, як апраналіся, дзе і як працавалі, у якія гульні гулялі дзеці, старажытныя і сучасныя назвы вуліц і інш.

Гульня "Каштоўныя знаходкі". Педагог паказвае рэчы і называе прыметнікі. Дзецям патрэбна выбраць адпаведны прыметнік да сваёй рэчы.

Гульня "Гаворчыя назвы". Педагог расказвае, што гарадам часта давалі "гаворачыя" назвы, г. зн. ужо ў назве горада ўказвалася, чым багаты славуты горад. Педагог разам з дзецьмі разглядае гербы, вядзе размову аб іх, потым астаўляе толькі адзін і прапаноўвае выхаванцам самім прыдумаць назву горада, які б мог мець такі герб. Выслухоўваюцца ўсе варыянты. 3 іх выбіраецца найболып цікавы. Потым дзеці даведваюцца пра сучасную назву горада, па-раўноўваюць яго са сваімі прапановамі і ўспамінаюць, чыё з іх было найболын блізка да правільнага адказу.

Абсталяванне: гербы гарадоў з "гаворачымі" назвамі.

Д а д а т а к 18

Творчыя заданні

Тэма "Мая хата"

Педагог спачатку задае пытанні ўсім дзецям, на якія яны даюць адказы:

1. Часткай чаго з'яўляецца хата?

2. 3 якіх частак яна будуецца?

3. Прыгожая, дагледжаная - гэга якая хата?

4. Непрыгожая, недагледжаная - гэта якая хата? Пасля апытвання прапануюцца індывідуальныя заданні:

прыдумаць хату будучыні, намаляваць яе, скласці гісторыю на тэму: "Як я буду жыць у чарадзейнай хаце".

Тэма "Геральдыка гарадоў"

Знайсці герб свайго горада і растлумачыць, чым ён адрозніваецца ад іншых. Знайсці герб сваёй рэспублікі па апісанню.

Тэма "Герб сваёй сям'і"

Намаляваць герб сваёй сям'і, растлумачыць, чаму выбраны такія колер і сімволіка.

Тэма "Хто хутчэй збярэ карту Беларусі"

Скласці карту Беларусі па контуру. Знайсці месца размяшчэння свайго горада на карце ў адпаведнасці з гербам.

Да д а т а к 19