4000 «Ұзақ мерзiмдi қаржылық мiндеттемелер» бөлімшесі бойынша операциялардың шоттар корреспонденциясы

№	Операциянын мазмұны	Шоттар коррепонденциясы
		Дт	Кт
1	2	3	4
1	Жабдықтаушыларға, еншілес, қауымдастырылған және бірлескен ұйымдарға берешектерді өтеу үшін алынған ұзақ мерзімді қарыздар (несиелер)	3310-3330, 4110-4130	4010, 4020
2	Ағымдағы банктiк шоттарға ұзақ мерзімді несиелерді алу	1030	4010, 4020
3	Валютаның нарықтық бағамының өзгерiсі нәтижесiнде валютамен алынған несиелер бойынша мiндеттемелердің өсуі	7430	4010, 4020
4	Валютаның нарықтық бағамының өзгерiсі нәтижесiнде валютамен алынған несиелер бойынша мiндеттемелердің азаюы	4010, 4020	6250
5	Несиелердің төленуі (өтелуі)	4010, 4020	1010,1030
6	Орналастыру құны бойынша ұзақ мерзімді облигацияларды орналастыру бойынша ағымдағы банктік шотқа алынған ақша қаражаты	1030	4030
7	Алынған материалдық құндылықтар және көрсетілген қызметтер бойынша жабдықтаушыларға, еншілес, қауымдастырылған және бірлескен ұйымдарға векельдерді ұсыну	3310-3330	4030
8	Ұзақ мерзiмдi облигацияларды өтеу және вексельдердi төлеу	4030	1010, 1030

4110 «Ұзақ мерзімді кредиторлық берешектер» бөлімшесі мерзімі бір жылдан артық кредиторлық берешектердің есебін жүргізуге арналған.

Бұл бөлімшеде келесідей шоттар тобы көрсетіледі:

4110 «Жабдықтаушылар мен мердігерлерге ұзақ мерзімді кредиторлық берешектер», мұнда жабдықтаушылар мен мердігерлерден сатып алынған тауарлар мен қызметтер бойынша тасымалдау шығындары мен қорларды қайта өңдеу шығындарын қоса олармен есеп айырысу операциялары бойынша бір жылдан артық кредиторлық берешектер және жабдықтаушылар мен мердігерлерге басқа да ұзақ мерзімді кредиторлық берешектер сомасы көрсетіледі.

4120 «Еншілес ұйымдарға ұзақ мерзімді кредиторлық берешектер», мұнда еншілес ұйымдардан мерзімі бір жылдан артық мерзімге алынған активтер мен қызметтер бойынша олармен есеп айырысу операцияларына байланысты кредиторлық берешектер және еншілес ұйымдарға басқа да ұзақ мерзімді кредиторлық берешектер көрсетіледі.

4130 «Қауымдастырылған және бірлескен ұйымдарға ұзақ мерзімді кредиторлық берешектер», мұнда қауымдастырылған және бірлескен ұйымдардан төлем мерзімі бір жылдан артық активтер мен қызметтерді сатып алу бойынша олармен есеп айырысу операцияларына байланысты кредиторлық берешектер мен қауымдастырылған және бірлескен ұйымдарға басқа да ұзақмерзімді кредиторлық берешектер көрсетіледі.

4140 «Филиалдар мен құрылымдық бөлiмшелерге ұзақ мерзiмдi кредиторлық берешектер», мұнда филиалдар мен құрылымдық бөлiмшелердің шоттарына ақша қаражаттарының түсуі және жұмсалуы бойынша операцияларға байлансты кредиторлық берешектер және филиалдар мен құрылымдық бөлiмшелерге басқа да ұзақ мерзімді кредиторлық берешектер көрсетіледі.

4150 «Жал бойынша ұзақ мерзiмдi берекшектер», мұнда ұзақ мерзiмдi жалдау бойынша жал төлемдері мен жалдау бойынша басқа да ұзақ мерзімді кредиторлық берешектер есепке алынады.

4160 «Төленуге арналған ұзақ мерзімді сыйақылар», мұнда алынған несиелер, берілген вексельдер, айналымға шығарылған құнды қағаздар, сенімді басқару келісім шарты бойынша пайыздарды есептеу және төлеуге байланысты ұзақ мерзімді операциялар есепке алынады.

4170 «Басқа да ұзақ мерзiмдi кредиторлық берешектер», мұнда жоғарыдағы топтарда көрcетiлмеген басқа да ұзақ мерзiмдi кредиторлық берешектер есепке алынады.