1. Өз тұлғасының бөліктері арасындағы диалог.

Ойынның техникасы мынадай: келуші отырған орындыққа (ыстық орындық) қарама-қарсы бос орындық қойылады, оған елестеткен әңгімелесушіні «отырғызады». Келуші орындықтарды кезек-кезек ауыстырып, өз тұлғасының түрлі бөліктерінің орнына өзін теңестіріп, диалог ойнауға тырысады.

2. Шеңбер жасау.

Келуші шеңбер бойын айналып шығып, әр қатысушыға өзін толғандыратын сұрағын, мысалы, оны басқалар қалай бағалайды, ол туралы не ойлайды деген тәрізді сұрақтар қойып немесе өзінің топ мүшелеріне деген сезімдерін жеткізуі қажет болады. Бұл қарым-қатынас еркіндігін, басқалар пікірін тыңдаудан және ол туралы өз пікірін айтудан қорықпауға жаттықтырады.

3. Аяқталмаған іс.

Аяқталмаған гештальт – ол аяқтауды қажет ететін іс. Көптеген адамдарда туыстарымен, ата-аналарымен, жұмысымен және т.б. байланысты аяқталмаған көптеген мәселелері болады. Көбіне ол айтылмаған арыздар, претензиялар.

Келушіге бос орындық тәсілін қолданып елестеткен сұхбаттасушыға немесе аяқталмаған іске қатысы бар терапевтік топ мүшесіне ойында жүрген, айтылмай қалған сезімдерін сыртқа шығару ұсынылады. Гештальтерапевттер көбіне жиі кездесетін және толық көрсетілмеген сезім – ол реніш екенін айтады. Ойынды осы сезіммен жұмыс жасау арқылы «Мен саған ... ренжулімін» деген сөзбен бастайды. Ол сезімдә дәл қазір бастан өткерңп отырғандай, барынша эмоционалды, емін-еркін жеткізу керек.

4. Проективті ойын.

Келуші басқа адамның бойында белгілі бір сезім немесе мінез сипаты бар деп жарияласа, оның өз проекциясы емес екенін дәлелдеу үшін оны тексеруді өтінеді. Яғни сол сезімді немесе мінезді өзіне өлшеп көру ұсынылады. «Мен сені аяймын» деген келушінің әрбір қатысушының жанына барып, басқалардың аяушылығын тудырушы адамның рөлін ойнау ұсынылады. Рөлге біртіндеп еніп, адам өзін ашады, осы уақытқа дейін шеттетіліп келген тұлғасының бөліктерінің өзара кірігуі жүзеге асуы мүмкін.

5. Қарама-қарсыны табу (реверсия)

Келушінің айқын мінез-құлқы көп жағдайда қарама-қарсы тенденцияны жасырушы қорғаныс сипатында болады. Өзінің жасырын тілектері мен қарама-қайшы қажеттіліктерін түйсіну үшін оның топқа көрсеткен мінез-құлқына қарама-қарсы қылық көрсету ұсынылады. Мысалы, «мамықтай жұмсақ» кейіптегі әйелге агрессивті, өркөкірек, басқаларды төмендетуге тырысатын әйелді ойнау ұсынылады. Мұндай тәсіл осы уақытқа дейін жасырулы болған тұлғаның жақтарын ашуға көмектеседі.

6. Қиялдау жаттығуы.

Проекция үрдісі бейнеленеді және қатысушылардың тұлғасының шеттетілген аспектілерімен теңесулеріне мүмкіндік туады. Мұндай жаттығулардың ішінде «Ескі, иесіз дүкен» ойыны кең танымал.

Келушіге көздерін жұмып, өзін босаңсыту ұсынылады. Содан соң қараңғы түнде бір кішігірім көше арқылы, ескі, иесіз дүкеннің жанынан өтіп бара жатқанын елестету сұралады. Оның терезелері лас екен, бірақ егер ішіне үңіліп қарасаң, бір затты байқауға болады. Оны дұрыстап қарау керек, сосын кері шегініп, терезенің арғы жағындағы затты сипаттау керек. Содан соң келуші өзін сол заттың орнына қойып, соның атынан сөйлеп, нені сезінетінін, дүкенде неге қалып қойғанын айтып, өзінің осы зат ретіндегі өмірі неге ұқсайтынын айтуы өтініледі. Заттармен өздерін теңестіргенде келушілер олармен өздерінің тұлғалық аспектілерін проекциялайды.