Phaedrus

Федр (2-я половина I в.н.э.) – поэт-баснописец. Его басни в большинстве своем являются стихотворной обработки известных греческих прозаических басен, приписываемых легендарному Эзопу.

Lupus et agnus

Ad rivum eundum lupus et agnus venerant,

Siti compulsi; superior stabat lupus

Longeque inferior agnus. Tunc fauce improba

Latro incitatus iurgii causam intulit.

«Cur – inquit – turbulentam fecisti mihi

Aquam bibenti?» Laniger contra timens:

«Qui, possum, quaeso, facĕre, quod quereris, lupe?

A te decurrit ad meos haustus liquor.»

Repulsus ille veritātis viribus:

«Ante hos sex menses male – ait, - dixisti mihi.»

Respondit agnus: «Equidem natus non eram.»

«Pater, hercle, tum tuus, - inquit, - male dixit mihi.»

Atque ita correptum lacerat iniusta nece.

Haec propter illos scripta est hominess fabula,

Qui fictis causis innocents opprimunt.

Vulpes et uva

Fame coacta vulpes alta in vinea

Uvam appetēbat, summis saliens viribus.

Quam tangĕre ut non potuit, discedens ait:

«Nondum matura est, nolo acerbam sumere.»

Qui, facĕre quae non possunt, verbis elevant,

Adscribĕre hoc debēbunt exemplum sibi.

Vulpes et persōna tragica

Persōnam tragicam forte vulpes vidērat;

«O quanta species, - inquit, - cerebrum non habet!»

Hoc illis dictum est, quibus honōrem et gloriam

Fortūna tribuit, sensum commūnem abstrulit.

SPECTACULA

In schola

Magister in auditorium venit, discipŭli magistrum salūtant.

Magister: - Salvēte, amīci! Assidĭte! Quis hodie abest?

Discipŭli: - Nemo abest, cuncti hodie adsŭmus.

Magister: - Bene. Silentium! Quis hodie respondēre potest?

Discipŭli: - Ego possum! – Ego possum! – Cuncti possŭmus!

Magister: - Tacēte discipŭli, nolīte clamāre, dum in auditorio estis. Cuncti potestis? Optĭme! Tu, Petre, potesne coniugāre verbum Latīnum «adesse»?

Petrus: - Ita est, magister, possum.

Magister: Veni, quaeso, ad tabŭlam et scribe.

Petrus venit ad tabŭlam et cretā in tabŭlā scribit: «Praesens indicatīvi. Singulāris: adsum, ades, adest; plurālis: adsŭmus, adestis, adsunt».

Magister: Bene. Assĭde! Tu, Iulia, surge et declīna: «oppĭdum parvum».

Iulia declīnat.

Magister: - Tu, Claudia, monstra, si potes, in charta magnos fluvios, insŭlas et paeninsŭlas Eurŏpae.

Claudia venit ad chartam et monstrat.

Magister: - Discipŭli, libros vestros aperīte, tu autem, Paule, lege capitŭlum primum.

Paulus legit.

Magister: - Nunc, Marce, potesne narrāre discipŭlis de natūra patriae nostrae? Dic, quaeso, distincte!

Marcus narrat patriam nostrum magnam et pulchram esse, silvis densis abundāre, multos fluvios, campos agrosque habēre, herbas varias in pratis terrae nostrae crescĕre et multas bestias in silvis habitāre.

Mane in domo Romāna

Sextus: - Mater! Mater! Mater!

Mater: - Quid est, Sexte?

Sextus: - Ubi est tunĭca mea? Heri in sella collocāvi. Hodie mane in sella non est. Ubi est? Quis habet?

Mater: - Ecce, Sexte, in cubīli sunt vestimenta.

Sextus: - Edĕpol, tunĭca est in cubīli; sed ubi est toga? Togam non video.

Mater: - Ecce, ignāve puer; toga est in sella.

Sextus: - O mater! Quam alba est! Nova toga est!

Mater: - Sed sero in ludum intrābis, si non festinābis. Et magister ignāvos puĕros simper castīgat et saepe verbĕrat.

Sextus: - O me misĕrum! Tunĭcam habeo et togam, sed ubi sunt calcei mei? Pedĭbus nudis ad ludum non festinābo hodie. O mater, calceos non video. Ubi calceos collocavisti?nm

Mater: - Ubi Sextus collocāvit? Ecce, ignāve puer, sunt inter sellam et cubīle. Sed cur non festīnas, Sexte? Jam puĕri in ludum intrant.

Sextus: - Ita vero, mater. Festino; sed ubi sunt libri?

Mater: - Servus libros habet et ad ludum portābit. Sed cur non festīnas?

Sextus: - Festīno. Sed ubi est?..

Mater: - Jam satis est. Abi!

Sextus: - Vale, mater! Abeo.

GAUDEAMUS

Gaudeāmus igĭtur,

Juvenes dum sumus! (bis)

Post jucundam juventūtem,

Post molestam senectūtem

Nos habēbit humus. (bis)

Ubi sunt qui ante nos

In mundo fuēre?

Vadĭte ad supĕros,

Transite ad inferos,

Ubi jam fuere.

Vita nostra brevis est,

Brevi finiētur;

Venit mors velocĭter,

Rapit nos atrocĭter,

Nemĭni parcētur.

Vivat academia,

Vivant professōres!

Vivat membrum quolibet,

Vivant membra quaelibet,

Semper sint in flore!

Vivant omnes virgĭnes,

Facĭles, formosae!

Vivant et muliĕres

Tenerae, amabĭles,

Bonae, laboriosae.

Vivat et respublica

Et qui illam regit!

Vivat nostra civĭtas,

Maecenatum carĭtas,

Quae nos hic protēgit!

Pereat tristitia,

Pereant dolōres,

Pereat diabŏlus,

Quivis antiburschius

Atque irrisōres!

СПИСОК ИСПОЛЬЗОВАННОЙ

ЛИТЕРАТУРЫ

1. Кацман Н. Л. Сборник упражнений по латинскому языку (для студентов институтов и факультетов иностранных языков) [Текст] : учеб. пособие / Н. Л. Кацман. – М. : Высш. школа, 1983. – 112 с.

2. Кацман Н. Л. Латинский язык [Текст] : учеб. для студ. высш. учеб. заведений / Н. Л. Кацман, З. А. Покровская. – 6-е изд. – М. : Гуманитар. изд. центр ВЛАДОС, 2006. – 456 с.

3. Кацман Н. Л. Латинский язык [Tекст] : учеб. для лицеев и гимназий / Н. Л. Кацман, И. Л. Ульянова. – М. : Гуманит. изд. центр ВЛАДОС, 2001. – 456 с.

4. Козаржевский А. Ч. Учебник латинского языка для нефилологических гуманитарных факультетов университетов [Текст] / А. Ч. Козаржевский. – М. : Изд-во Моск. ун-та, 1981 – 312 с.

5. Латинский язык [Текст] : учебник для студентов пед. ин-тов по спец. № 2103 «Иностр. яз.» / Под общ. ред. В. Н. Ярхо, В. И. Лободы. – 3-е изд., перераб. – М. : Просвещение, 1983. – 319 с.

6. Латинский язык. Практикум для студентов филологического и психолого-педагогического факультетов [Электронный русурс]. – http : // ellada – br.ucoz.ru.

7. Марцелли А. А. Латинский язык [Текст] : учеб. пособие для студентов гуманитарных факультетов / А. А. Марцелли. – 2-е изд., доп. и перераб. – Ростов н/Д : Феникс, 2008. – 286 с.

8. Методическое пособие по латинскому языку. Упражнения, юридические термины и выражения (для студентов юридического факультета) [Текст] / сост. : В. А. Минасова. – Ростов-на-Дону. – 2000.

9. Мирошенкова В. И. Учебник латинского языка для студентов-заочников филологических факультетов университетов и институтов иностранных языков [Текст] / В. И. Мирошенкова, Н. А. Федоров. – М. : «Высш. школа», 1976. – 300 с.

8