17 Лекция. Өлшеуді, өқ–ның күйін, және қолданылуын метрологиялық қадағалау

Дәріс жоспары:

1. Мемлекеттiк метрологиялық қадағалаудың мақсаты

2. Мемлекеттiк метрологиялық қадағалау объектiлерi

3. Мемлекеттiк метрологиялық қадағалау аясы

   Мемлекеттiк метрологиялық қадағалауды Өлшем бірлігін қамтамасыз ету туралы Қазақстан Республикасының Заңы, өлшем бірлігін қамтамасыз ету жөніндегі Қазақстан Республикасының басқа да нормативтiк құқықтық актiлерiнiң, халықаралық шарттардың және нормативтік құжаттардың талаптарын жеке және заңды тұлғалардың сақтауын тексеру мақсатында стандарттау, метрология және сертификаттау жөнiндегi уәкiлеттi мемлекеттiк орган және оның аумақтық бөлiмшелерi жүзеге асырады.

Мемлекеттiк метрологиялық қадағалау объектiлерi

      Мемлекеттiк метрологиялық қадағалау объектiлерi мыналар болып табылады:      1) шама бiрлiктерiнiң эталондары;       2) Өлшем құралдары;       3) Өлшемдердi орындау әдiстемелерi;       4) жеке және заңды тұлғалардың Өлшем бiрлiгiн қамтамасыз ету жөнiндегi қызметi;       5) Өлшеп орау, сату және импорттау кезiндегi оралған тауарлардың саны. Мемлекеттiк метрологиялық қадағалау аясы

Өлшем бірлігін қамтамасыз ету туралы Қазақстан Республикасының Заңында 22-бабында аталған объектiлерге қатысты мемлекеттiк метрологиялық қадағалау нәтижелерi:       1) азаматтардың өмірі мен денсаулығын қорғауды қамтамасыз ету жӨніндегі жұмыстар;       2) Өнiмнiң және көрсетiлетiн қызметтер сапасының нормативтiк құжаттардың мiндеттi талаптарына сәйкестігiн сынау мен бақылау;        3) қоршаған ортаның жай-күйiн бақылау;        4) еңбек жағдайларының қауiпсiздiгiн бақылау;        5) сатып алушы (тұтынушы) және сатушы (өнiм берушi, өндiрушi, орындаушы) арасындағы, соның iшiнде тұрмыстық және коммуналдық қызметтер көрсету мен байланыс қызметтерiн көрсету салаларындағы сауда-коммерциялық операциялар мен есеп айырысулар;       6) мемлекеттiк есеп операциялары;       7) бұйымдардағы, құймалардағы, жартылай фабрикаттардағы, дәнекерлемелер мен қалдықтардағы бағалы металдардың мөлшерiн анықтауға байланысты операциялар;       8) қару-жарақ, әскери және арнайы техника, арнайы Өнiмнiң басқа да түрлерiн өндiру;       9) геодезиялық, геологиялық және гидрометеорологиялық жұмыстар;       10) салық, банк, кеден және почта операциялары;       11) энергетикалық ресурстардың барлық түрлерiн шығару, өндiру, ұқсату, тасымалдау, сақтау және тұтыну;       12) құрылыс салу;       13) мемлекеттiк басқару органдарының, соттың және құқық қорғау органдарының тапсырмасы бойынша орындалатын жұмыстар;       14) ұлттық және халықаралық спорт рекордтарын тiркеу;       15) Өлшем құралдарын сынау, метрологиялық аттестаттау, салыстырып тексеру, калибрлеу;       16) ғылыми зерттеулер жүргiзу;       17) қозғалыс қауiпсiздiгiн қамтамасыз ету;       18) ойын автоматтарын шығару және қолдану кезiнде пайдаланылатын өлшемдерге қолданылады.

Бақылау сұрақтары:

Мемлекеттiк метрологиялық қадағалаудың мақсаты

Мемлекеттiк метрологиялық қадағалау объектiлерi

Мемлекеттiк метрологиялық қадағалау аясы