Теориялық-әдістемелік бөлім

Теориялық-әдістемелік бөлім проблеманың анықтамасынан, зерттеу нысаны мен мәнінен, зерттеу мақсатынан, зерттеу мақсатын жүзеге асыру үшін орындалатын міндеттерден, зерттеудің негізгі ұғымдарының интерпретациясы мен операциализациясынан тұрады.

Қоғамдық-саяси жағдайды зерттеудің негізі критерийлері болып табылады: Әлеуметтік шиеленісу - бұл қажеттілік пен қызығушылықтың, келіспеушілігі, әлеуметтік іс-әрекет барысында қарсы жақтардың мүдделерінің, мақсаттарының, жеке тұлғалар мен топтардың қажеттіліктерінің, әртүрлі формаларда көрінетін әлеуметтік қарым-қатынас субъектілерінің дәстүрлері мен нормаларының (индивидтердің, институттардың, ұйымдардың) қайшылыққа ұшырауы, күресі.

Әлеуметтік қақтығыстар көрсеткіштері:

- бұқараның ереуілдік белсенділігінің өсуі;

- қайыршылық деңгейінің өсуі, кіріс дифференциациясының қарқынды өсуі;

- түрлі саяси партиялар мен жеке тұлғалардың тұрғындар арасындағы танымалдылығының динамикасы;

- жастар арасындағы, соның ішінде ауылдық жерлердегі, ашық және беймәлім жұмыссыздықтың динамикасы;

- аймақтағы қылмыстың деңгейі;

-қазіргі саяси құрылысты күшпен құлату үшін күресіп жүрген ультрарадикалдық ұйымдар мен олардың басылымдары санының динамикасы;

Әлеуметтік қақтығыстардың үш деңгейі бар: саяси, экономикалық және психологиялық. Саяси аспект азаматтардың саяси сана сезімінің басымды түрімен және олардың қоғам мен мемлекеттің қазіргі әлеуметтік-саяси жағдайын бағалауымен байланысты.

Қақтығыстардың экономикалық аспекті экономикадағы жалпы негативті процестермен шартталған, сондықтан тұрғындардың өмір деңгейі мен жұмыспен қамтылудағы өзгерістермен байланысты.

Қақтығыстардың психологиялық аспекті ішкі себептерге байланысты және адамдардың жалпы қоғамдағы шиеленістердің өсу себептері болып табылатын акцияларға қатысуға деген қажеттіліктері пен қабілетін анықтайды. Осы психологиялық аспект беймәлім қақтығыстың құрылымын анықтайтын басты аспект болып табылады.

Әлеуметтік көңіл-күй және наразылық потенциал.

Адамдардың әлеуметтік көңіл-күйі қоғамдағы әлеуметтік тұрақтылық пен әлеуметтік әлем негізі ретінде әлеуметтік қолдаудың күрделі кешенді мәселелерін көрсетеді, жүзеге асырылып отырған әлеуметтік саясаттың әртүрлі категориядағы тұрғындар мүддесіне сәйкес келу дәрежесін анықтайды.

Қарғалы ауданы тұрғындарының еліміздің бүгінгі экономикалық, саяси жағдайы, ҚР Президентінің, ҚР Үкіметінің, жергілікті басқару органдарының қызметі туралы пікірлері аудан тұрғындарының мемлекет жүргізіп отырған саясатты қолдау табу деңгейін көрсетеді.

Діни жағдай - бұл қоғамдағы, аймақтағы, зерттеу нысанындағы діни көріністердің қарқынды дамуымен, динамикасы мен бағытының өзгеруімен, олардың қоғамға немесе зерттеу нысанына әсерінің дәрежесімен белгіленетін жағдай.

Әлеуметтік зерттеудің мақсаты мен міндеттері:

1. Зерттеу мақсаты: Қарғалы ауданындағы қоғамдық-саяси жағдайды талдау, сонымен қатар аудандағы әлеуметтік-экономикалық саясатты жақсарту бағытындағы ұсыныстар жасау.

Зерттеу міндеттері:

1. Азаматтық қоғам институттары мен мемлекеттің қарым-қатынасына

жақсы баға берген жастар үлесі (аудан тұрғындарымен салыстырғанда )

2.Этносаралық қарым-қатынас саласындағы мемлекеттік саясатқа жақсы баға берген жастар үлесі (аудан тұрғындарымен салыстырғанда)