Емдеу-алдын алу мекемелерінде тіркелген аурулардың саны (1998 жыл)

Аурудың түрі	Науқастардың саны
Ісіктер Қан айналымы жүйесінің ауруы Тыныс ағзаларының аурулары Ас қорыту ағзаларының ауруы Барлығы	220 823 808 728 2 024 143 891 122 3 944 816

2. Топтастырылған статистикалық кесте – бір статистикалық бастауыштан және бірнеше бір-бірімен байланыссыз статистикалық баяндауыштан құралады.

2-кесте.

Аурулардың ауруханада емделу нәтижесіне, жасына және жынысына байланысты бөлінуі

Емдеудің нәтижесі	Жасы			Жынысы		Жинағы
	30-ға дейін	31-59-ға дейін	60-тан жоғары	ерлер	әйелдер
Жазылып кетті Жақсарды Өзгеріссіз қалды Нашарлады Өлді Барлығы	10 12 3 - - 25	22 28 4 1 - 55	10 21 5 3 2 41	12 28 5 2 1 48	30 33 7 2 1 73	42 61 12 4 2 121

3. Құрастырмалы (аралас) статистикалық кесте – бір немесе бірнеше бір-біріне байланысты статистикалық бастауыштан және бір-бірімен байланысты бірнеше статистикалық баяндауыштан тұрады.

3-кесте.

Аурулардың ауруханада емделу нәтижесіне, жасына және жынысына байланысты бөлінуі

Емдеудің нәтижесі	Жасы						Жинағы
	30-ға дейін		31-59-ға дейін		60-тан жоғары
	ерлер	әйелдер	ерлер	Әйелдер	ерлер	әйелдер
Жазылып кетті Жақсарды Өзгеріссіз қалды Нашарлады Өлді Барлығы	2 5 1 - - 8	8 7 2 - - 17	10 12 1 - - 23	12 16 3 1 - 32	5 9 2 1 1 18	5 12 3 2 1 23	42 61 12 4 2 121

Статистикалық жиынтықтың құрамындағы белгілерді немесе құбылыстарды зерттеуде және оларды сипаттауда статистикалық шамаларды пайдаланады. Оның ішіне абсолюттік салыстырмалы және орташа сандар кіреді. Абсолюттік мөлшер бір жиынтықтың көлемін немесе жалпы санын көрсетеді. Мысалы, халық саны, аурулардың саны, мекемелердің, төсектердің, дәрігерлердің саны, т.б. Ал егер де статистикалық жиынтық белгілерінің бір-бірімен байланысын тауып, оларды салыстыру қажет болса, онда салыстырмалы мөлшерлерді пайдаланады. Салыстырмалы мөлшерлер екі абсолюттік мөлшерді салыстыру, бөлу және сол бөлшекті 100, 1000, 10000, 100000-ға көбейту арқылы табылады. Медициналық статистикада көбінесе мынадай салыстырмалы мөлшерлер қолданылады:

1. Үлестік (экстенсивтік) көрсеткіштер көріністің құрамын көрсетеді. Мысалы, аурушаңдық, мүгедектік, өлім себептерінің құрамы. Бұл көрсеткіш пайызбен белгіленеді (барлығы 100% деп алынады).

Үлестік көрсеткіш = (3)

2. Қарқынды (интенсивтік) көрсеткіштер ортадағы көріністің жиілігін көрсетеді. Мысалы, туылу, өлім, аурушаңдық көрсеткіштері.

Қарқынды көрсеткіш = (4)

3. Ара қатыстық көрсеткіштер бір-біріне ұқсамайтын екі жиынтықтың қатынасын көрсетеді. Мысалы, тұрғындардың дәрігерлермен, жедел жәрдем машиналарымен, төсектермен, орта буындағы мамандармен қамтамасыз етілуі, т.б.

Ара қатыстық көрсеткіш = (5)

4. Көрнекті көрсеткіш біртектес мөлшерлерді: абсолюттік, салыстырмалы немесе орта шамаларды салыстыра отырып бағалауға мүмкіндік береді. Бұл көрсеткішті есептеу үшін салыстыратын мөлшердің біреуін 100%-ға теңейді, ал қалғанын соған қатынас ретінде есептейді. Мысалы:

4-кесте.