6. Болжамын, диспансерлік бақылауға алу мәселелерін бағалаңыз.

Үйіне шығарылғаннан соң ДМАД ұйымдастырамыз (науқасқа АҚ тіркеу амалдарын үйретеміз – АГ бар науқастар мектебіне жазамыз). Диспансерлік бақылауға аламыз, гипертониктер мектебіне жазамыз, келетін мерзімдерін белгілейміз. Науқасқа дұрыс тамақтану, физ.жүктемелерден алшақ болу, салмақты коррекциялау, АГ бақылау , СХ болдырмау , психологиялық кері факторлардан алшақ болу қажеттілігін түсіндіреміз.

Болжам: егер науқасқа дұрыс жүйелі ем жүргізбеген жағдайда науқас өміріне қауіп төндіретін аурулар: ми инсульті, миокард инфаркты, бүйрек шамасыздығы, қант диабеті дамуы мүмкін.

2-есеп. 55-53жастағы науқас әйел...

А. 1. Симптомдар/синдромдарды анықтаңыз, ішінен жетекші симптом/синдромды бөліңіз.

Синдромдары: артериялық гипертензия, гипертензиялық криз II типтi, метаболизмдік синдром: артық салмақ, дислипидемия – гиперхолестеринемия, нысана органдардың өзгерістері: гипертензиялық нефропатия, кардиомегалия (сол қарынша гипертрофиясы), аортаның атеросклерозы, ми қан айналымының өтпелi бұзылысы – ТИА. Оның ішінде жетекшісі – артериялық гипертензия.

2. Жетекші симптом/синдромына (синдромдарына) сүйеніп және олардың ерекшеліктеріне байланысты күдікті аурулар тізімін құрыңыз.

АГ 40 жастан кейін дамыған, антигипертензиялық дәрмектерді тағайындау тактикасы дұрыс болмаған; кризді негізінен эмоциялық күштемелер арандатады – сондықтан Артериялық гипертензия нозобірлігінен күдіктенеміз, дегенмен артық салмағын, дислипидемиялық факторларды ескере отырып, бүйрек артерияларының атеросклерозымен байланысты АГ қатерлі ағымға өту мүмкіндігімен ДД жүргіземіз, ол үшін бүйрек тамырларының допплер УДЗ тағайындаймыз. Тексеру жоспары хаттамаға сай: АҚ мониторингі – стационарда іске асырылады; гемоглобин және/гематокрит; НЖА: тұнба микроскопиясы, микроальбуминурия, белокті анықтау; биохимиялық анализдерден: плазма глюкозасы, липидограмма, қан сары суының калий және натрийі, қан сары суында несеп қышқылын, креатининді анықтау (шумақтық фильтрация жылдамдығы); ЭхоКГ. ЭКГ – бар.

Болжам диагноз:

Нег. ауруы: Артериялық гипертензия III дәрежелi, қауiп-қатер тобы 4 – өте жоғары (артық салмақ, гиперхолестеринемия, сол қарынша гипертрофиясы, гипертензиялық нефропатия, ми қан айналымының өтпелi бұзылысы – ТИА).

Асқ.: Гипертензиялық криз, II типтi, асқынған. Транзиттік ишемиялық шабуыл (атака). /Ми қан айналымының өтпелі (динамикалы) бұзылысы/.

В. 3. Дифференциялық диагноз алгоритмін жазыңыз

Жалпы АГ диагнозы күдік туғызбайды: 40 жастан кейін, метаболизмдік синдром негізінде дамыған; антилипертензиялық дәрмектерді стационарда бақылаумен қабылдау нәтиже беріп отырған; нысана органдардың АГ ұзақтығына сәйкес өзгерістері бар. Дислипидемиялық факторларды ескере отырып, бүйрек артерияларының атеросклерозымен байланысты АГ қатерлі ағымға ауысу мүмкіндігімен ДД жүргізуді ұсынып, стационарға жолданатын құжатқа жазамыз, ол үшін бүйрек тамырларының допплер УДЗ қосу керек.

4. Клиникалық диагнозды негіздеу:

Шағымдары негізінде: басының ауыруы, айналуы, құлағының шулауы, жүрек тұсының шаншуы, жүрегiнiң айнып, құсуы.

Анамнезі негізінде: Өзiн он шақты жылдан науқас санайды, алдын алу шолуында АҚ жоғарылығы анықталып, есепке алынған, мезгiл-мезгiл бас ауырулары болған, капотен, гипотиазид курстармен (?) тағайындалған, 3 рет стационарда емделген. Соңғы 2 жылда АҚ тұрақты жоғары деңгейде – 170-180/100 мм сын. бағ., кейде 220/120 мм сын. бағ. көтерiлiп, мазалайды. Емханалық картасындағы анализдерден: протеинурия, гиперхолестеринемия. Келер алдында жұмыстағы келеңсiздiктен кейiн басының, жүрек аймағының қатты ауыруы, бас айналуы, бiр реттiк құсу мазалаған, тiлi мен ерiндерi ұйып қалған. Антигипертензиялық дәрмектер болмай қалған.

Объективті мәліметтер негізінде: жалпы жағдайы орта ауырлықта, артық салмағы бар, бетi домбыққан, қуқыл, қабақтары iсiнген. Санасы анық, патологиялық рефлекстер жоқ. Бет аймағында ауырсынулық және тактиль сезiмталдығы төмендеген. Сол қолының бұлшық еттік күшi әлсiз. Жүректiң шала тұйық дыбысының сол шегi сол бұғана орта сызығынан 2,0 см солға ығысқан. Жүрек тондары анық, ырғақты, аорта үстiнде II тонның акцентi, АҚ 230/120 мм сын. бағ. Пульсi 60 минутына, ырғақты. Бауыры ұлғаймаған.

Лабораториялық мәліметтер негізінде: ҚБА: гиперхолестеринемия; ЖЗА: протеинурия;

Аспаптық мәліметтер негізінде: ЭКГ: сол қарынша гипертрофия белгілері.

Осы мәліметтерге сүйеніп, клиникалық диагноз қойдым.

Клиникалық диагноз:

Нег. ауруы: Артериялық гипертензия III дәрежелi, қауiп-қатер тобы 4 – өте жоғары (артық салмақ, гиперхолестеринемия, сол қарынша гипертрофиясы, гипертензиялық нефропатия, ми қан айналымының өтпелi бұзылысы – ТИА).

Асқ.: Гипертензиялық криз, II типтi, асқынған. Транзиттік ишемиялық шабуыл (атака). /Ми қан айналымының өтпелі (динамикалы) бұзылысы/.

С. 5. Ауруханаға жолдау. Науқаста асқынған криз болғандықтан профильді – неврологиялық бөлімде стационарлық емге көрсетпе бар, стационарда АГД таңдалады, ол негізінен диуретик тәрізді дәрмектер қатарынан – индапамид 2,5мг (1таб)күнде таңертең, ұзақ әсерлі кальций антагонистері амлодипин-5мг/тәу н/е нормодипин 5мг/тәу н/е лацидипин 4мг/тәу. Науқас еңбекке уақытша жарамсыз, МСЭК-ке талдауға жібереміз.