Maman biy apsanasi Tolepbergen Qayipbergenov

Áne, sonnan beri qansha-qansha zargiryanlıqlarǵa sebepshi gá nóserli, gá qarlı, gá boranlı, gá keshelerden qan aǵızǵan hásiretli kúnler túnler menen, túnler kúnler menen awmastı, júwensiz Ámiw eki jaǵın kemirip, keń peyilli Aralǵa qanshaqansha qoqım ákelip quydı... Araldıń qubla ernegindegi qol sharshıday jerdi mákan etken az sanlı qaraqalpaq xalqı usı ullı Aralǵa usap, qansha-qansha zaman qoqımın juttı, biraq bárin boyına sińdirip baqtı. Ne degen jan talasları, ne degen zarlı dáwranlar umıtılıp ketti. Sonnan umıtılmaǵanı — Maman biy menen orıs ustasınıń qábiri Ámiwdiń Aralǵa quyıp, dushshı suw menen ashshı suwdıń birige almay, qaynawıtlap atırǵan jerindegi suw astına shókken bir kishkene atawda ekenin tastıyıqlawshı bir ǵana ápsana — usı «Maman biy ápsanası».

Usınıń menen «qaraqalpaq xalqınıń hásiretli dástanı»nıń birinshi kitabı tamam. Kelesisin kút, ádiwli oqıwshım!

511

Tólepbergen QAYÍPBERGENOV

QARAQALPAQ DÁSTANI

(Trilogiya)

MAMAN BIY ÁPSANASI

(Birinshi kitap)

Nókis—2018