Interventional cardiology

يعني ممكن تقف بعد تلت سنين

تقولهم مش عايز أشتغل أساطر ,, تشتغل bed side بس

لو عايز تشتغل Interventional لازم تشتغل سنتين

أوووك

فهو المفروض إنه يأخد سنتين interventional السنتين الinterventional ,, أول ست شهور بيبقا assistant

ميمدش إيده ,,

Just observer

فبيقولي : أنا كنت شغال في الأسطرة في الفترة اللي فيها Observer

فهو شغال ,, الأسطرة ,, بيكون شايف screen

فشاف إن الtip بتاع الأسطرة المسافة بينها وبين الlung عمالة تبعد

فيه بياض ابتدى يظهر ,,

فافتكر حكاية إن فيه gap وفيه effusion

فراح سايب اللي شغال معاه وراح طالع على الhead بتاع الcatheter

وقاله : إعمل code Blue

قاله : فيه إيه ؟؟؟

قاله : فيه عيان ها arrest

فالراجل ( الdirector ) بتاع الcatheter ببص على الدكاترة اللي شغالين مش لاقي حاجة ,, الناس شغالين عادي

قاله : فين اللي ها arrest

قاله : اعمل code blue دلوقتي ,, وخلي الcardiothorax ( stand by )

وهو راجع للراجل اللي كان بيساعده ,,

ضغط العيان كان بيقع

والراجل اللي بيشتغل قالهم اعملوا code blue

بس already الcode blue كان اتعمل وجُم خدوه وطلعوا بيه على العمليات

طلعت الأسطرة خارمة الwall وعاملة pericardial effusion

والعيان اتلحق

فبعد ما الراجل إنه اتشخص بإنه فيه perforation والكلام ده

الراجل الdirector جاي يقوله : إنت اتعلمت الكلام ده فين ؟؟؟ عرفت إزاي ؟؟؟

قاله : لقيت الtip بتاع الcatheter

فيه distance بينها وبين الlung

قاله : الكلام ده قديم أوووي ,, إنت مين اللي علموك الكلام ده ؟؟؟

قاله : القصر العيني ,, دا العادي بتاعنا يعني ,, إحنا بنبتدي من الأول خالص  من أول ما كانت الإبرة خشب يعني

فالراجل بقا impressed بيه جداً

وقاله : هتشتغل من بكرة ,, هنبتدي نشغلك بإيدك من بكرة بس على شرط

You have teach us the all things that we don’t know

يعني الحاجات اللي إحنا بنتعملها هنا

قد يبدو للحظات ,, إن إنت بتقول : إيه الكلام اللي إحنا بنتكلم فيه

والناس واصلين مش عارف فين

No

دي الميزة اللي ليكم بره

إنك a clinician

محتاج أدوات قليلة جداً عشان تشخص

هما بره ,, بيعتمدوا اعتماد كلي على الinvestigations

الclinical sense راح

التفكير عندهم راح

بيروح حاطط ليستة ,, تشخص لوحدها أصلاً

يعني إعملي ECHO و CT و MRI و stool analysis و urine analysis و full CBC و liver و kidney function

لا والله ؟؟ إيه الفاضل !!!

لكن ,,

الEgyptian << Physician

دايماً بيبقا عنده تكة الclinical sense

اللي هو اتعلم إزاي يشخص من قبل ما يعمل ECG حتى

لإن الECG بالنسباله في مصر

صعب جداً إنه يعمله في القصر العيني

فبقى بنعتمد اعتماد كلي على التشخيص

بclinical sense

بأدوات قليلة

زي الdissecting aortic aneurysm

الX ray

تشخصه بالX ray

اللي قولتلكم عليها في المحاضرة السابقة

فال pericardial effusion

أوعى تنسى حكاية الtip بتاعت الcatheter لو اشتغلت لا قدر الله لا قدر الله cardiologist

واشتغلت أسطرة

الحاجة التانية ,,

زميلكم قالي : نأخد عينة من الfluid

اسمها pericardiocentesis

نأخد عينة منين ؟؟؟

من البني آدم

أه صح ,, كائن تاني غيرك ,, بهايم 

قالك : نأخد العينة من البني آدم ,, خدت بالك

هنأخد عينة ال pericardial fluid يا إما من الbare area of the heart نخش بالإبرة في الbare area of the heart

أو تخش just outside the apex

يعني إذا كان الapex أهو ,, تخش براه علطول ,, ما فيه effusion

أو sub xiphoid

ودي الحتة اللي عادةً بنخش منها

Sub xiphoid ودي الحتة اللي بنخش منها

طيب ,,

أنا دخلت بالإبرة ,, عشان أجيب عينة ,,

يقولك : إزاي تعرف إن إنت جوا الPericardial sac ؟؟؟

قوله : بيبقا ECHO guided

يعني فيه واحد من زمايلي بيبص عليا ,, شايف الإبرة وهي داخلة

وأول ما يوصل في الPericardial sac

يقولي ,, اقف ,, اسحب fluid بقا

واضح ؟؟

قالك : طيب إنت في الصحراء ,, وطلع عليك عيان ب pericardial effusion

هتشخصه إزاي ؟؟؟

قوله هنركن الجمل ,, وننزل من على الجمل

ونجيب إبرة pericardiocentesis

محدش بيطلع الصحراء من غير إبرة pericardiocentesis 

يقولك : كويس ,, وبعدين ؟؟

تقوله : أروح داخل بالإبرة يا بيه sub xiphoid

وأروح ساحب

لو لقيت معايا fluid لونه أبيض يبقا chylous

قالك : كويس

تقوله : لو لقيته clear ,, يبقا transudates

لو لقيته Yellowish ,, exudates

لو لقيته أحمر ,, يبقا hemorrhagic

قالك : لا

تقوله : ليه ؟؟

يقولك : إيش عرفك ؟؟ ما ممكن الإبرة داخلة في الheart ؟؟؟ وإنت جايب الدم من جوا الheart ,, مش جايبه من الPericardial sac

تقوله : هسيبه ,,

لو الدم اتجلط ,, يبقا جايبه من الheart

زي بالظبط الsub arachonid space

ما أنا قولتلكم الكلام ده قبل كده ,,

لو متجلطش ,, يبقا دا Pericardial effusion

لأن الheart ,, الدم اللي حواليه ,, لو فيه عندك hemorrhagic pericardial effusion

الheart بيتحرك ,,

بيخلي الدم يتخض ,, عارفين خض اللبن ؟؟

عارفينه ولا لا ؟؟؟ عشان تفصل الزبدة والقشدة

بتشوفوا الأفلام العربي القديمة بتاعت شيبوب

اللي هو أمه قاعدة أدام الخيمة وعمالة بتهز اللبن

بتاع : إنتي تقلعيلي عين وأنا أقلعلك عين ,, ونعيش عور إحنا الإتنين

خض اللبن ,,

إنت لما بتخض اللبن ,, إنت بتفصل اللبن عن السمنة

نفس الكلام

الHeart لما بيعمل contraction

بيهز الدم اللي حواليه ,, فالدم يتفصل عنه الfibrin

فبقا الدم اللي في الpericardial sac << defibrinated

ميقدرش يتجلط

لكن ,, الدم اللي جوا الHeart يقدر يتجلط

واضح ولا لا ؟؟

ولا الهوا

طيب ,,

سؤال بقا ,, العلاج

العلاج هيبقا صعب جداً ,,

إزاي نعالج عيان Pericardial effusion ؟؟؟

Pericardiocentesis وبعد كده بعالج السبب

الT.B. بنديله anti tuberculous

الmalignancy أحط chemotherapy

مفهوم ولا لا ؟؟؟

فيه حتة ,,

للأسف أنا نسيت أقولها في النص

بس قولت أكمل للأخر وبعدين أقولها ,,

الLocal examination بتاع الheart

فيه حد بيسأل الدكتور محمد عن الascites precox

بص هي ملهاش تفسير واضح ,,

بس إحنا عندنا الinferior vena cava

بيفتح فيه hepatic veins

الHepatic veins

بتفتح في الinferior vena cava

الفتحة بتاعت الhepatic veins في الinferior vena cava

عند الJunction ما بين الinferior vena cava والpericardium

لما بيحصل Pericardial effusion

بيقولك بيعمل kinking لل hepatic veins

فبيعمل early hepatic congestion

يعمل early hepatic congestion

ودا يخلي العيان يجيله ascites قبل الLower limb edema

مفهوم ؟؟

النقطة بقا

الlocal examination

اللي أنا عايزك تعرفه في الLocal examination

حاجة واحدة ,,

Diminished heart sounds

( muffled heart sound )

أولاً ,,

الInspection

في الinspection يقولك : ممكن تلاقي Pericordial bulge بس الPericordial bulge لازم يتوفر فيه شرطين

Child ( أظني سمعتها كده )

و Long standing

ودا لا يمكن يحصل دلوقتي

فالinspection عمرك ما هتلاقيه

الPercussion

في الcardiology اتلغى في العالم

مفيش كتاب clinical دلوقتي بينزل Percussion في الcardiology

خلاااااااص ,, It is obsolete

واضح ؟؟؟

إن شاء الله

الauscultation

هو اللي بيشخص الpericardial effusion Muffled heart sound

الPericardial effusion يجي سؤال مهم

ويجي في صورة case

يا إما يجيبها case على إنها pericardial effusion

يا إما يجيبها على إنها mediastinal syndrome

أوعى تنسى في حالة Mediastinum syndrome إنها ممكن تبقى Pericardial effusion

مفهوم ولا لا ؟؟

فيه بقا constrictive pericarditis