Дадатковы матэрыял

1. З перадвыбарнай праграмы Прэзідэнта Рэспублікі Беларусь А. Р. Лукашэнкі. Жнівень 2001 г.:

«Мы не паддаліся спакусе разбурыць створанае пакаленнямі, ісці па крайне балючым і небяспечным шляху «шокавай тэрапіі», на якім чалавека падсцерагаюць беспрацоўе, галеча і адчай…

Мэты – рэзкае павышэнне дабрабыту народа і набліжэнне яго да ўзроўню эканамічна развітых еўрапейскіх дзяржаў шляхам паступовага, эвалюцыйнага руху наперад, заснаванага на палітычнай і сацыяльна-эканамічнай стабільнасці грамадства. Убудоўванне беларускай эканомікі ў сістэму сусветных гаспадарчых сувязей пад кантролем грамадства і дзяржавы, падтрыманне навуковага патэнцыялу».

Вызначце, у чым заключаюцца прыкметы сацыяльна арыентаванай рыначнай эканомікі.

2. З даклада Прэзідэнта Рэспублікі Беларусь А. Р. Лукашэнкі на трэцім Усебеларускім народным сходзе. 2 сакавіка 2006 г.:

«Упершыню за шматвяковую гісторыю наш народ стварыў суверэнную дзяржаву – Рэспубліку Беларусь. Сёння наш суверэнітэт – рэальны фактар сусветнай палітыкі…

Мы змаглі зрабіць нашу краіну не толькі суверэннай, але і эканамічна незалежнай…

Сёння мы жывём у стабільнай, шчаслівай, цывілізаванай краіне. У нас моцная эканоміка, развітыя навука і культура, адна з лепшых у свеце сістэма адукацыі. Поўнасцю забяспечана нацыянальная бяспека…

Мы павінны імкнуцца да таго, каб праз пяць гадоў якасць жыцця нашых грамадзян давесці да ўзроўню, параўнальнага з заходнееўрапейскім…

Каб дасягнуць пастаўленай мэты, нам неабходна навучыцца выкарыстоўваць больш дзейсныя падыходы, імкнуцца да больш высокага ўзроўню арганізацыі ўсёй нашай дзейнасці…

Мы ўжо шмат што зрабілі і маем права гэтым ганарыцца. Вынікі апошніх гадоў даказалі эфектыўнасць выкарыстання беларускай мадэлі для пераходнага перыяду развіцця дзяржавы».

Вызначце, у чым асаблівасці беларускай мадэлі эканомікі і яе адрозненні ад ліберальнай мадэлі рынку.

Прыкладныя тэмы для дакладаў і паведамленняў

1. Сельская гаспадарка Беларусі на пачатку ХХI ст.

2. Беларуская мадэль сацыяльна-эканамічнага развіцця.

3. Дзяржаўнае рэгуляванне эканомікі і вопыт замежных краін.

4. Усебеларускія народныя сходы – важныя форумы прыняцця планаў сацыяльна-эканамічнага развіцця краіны.

5. Дзяржаўныя стандарты і іх выкананне – гарантыі дзяржавы ў галіне сацыяльнай абароны.

Пытанні для абмеркавання

1. Чаму пасля распаду СССР эканоміка Беларусі апынулася ў цяжкім становішчы?

2. Параўнайце: планавую, адміністрацыйна-камандную і сацыяль-на арыентаваную рыначную мадэлі эканомікі.

3. У чым асаблівасці беларускай мадэлі сацыяльна-эканамічнага развіцця?

4. Якія прыярытэты былі вызначаны ў праграмах сацыяльна-эканамічнага развіцця, зацверджаных Усебеларускімі народнымі сходамі?

5. Пералічыце найбольш значныя працоўныя дасягненні, арга-нізатары і ўдзельнікі якіх былі ўдастоены звання Герой Беларусі.

6. У чым сутнасць сістэмы адраснай дзяржаўнай дапамогі?

7. Якія змены адбыліся ў сацыяльнай абароне насельніцтва на мяжы ХХ – ХХI стст.?

8. Выкажыце свае адносіны да перспектыў развіцця нашай краіны ва ўмовах пераходу да фарміравання інфармацыйнага грамадства.

Тэст

1. На колькі працэнтаў знізіўся валавы ўнутраны прадукт прамысловасці Беларусі за 1994 – 1995 гг.?

1) На 5 %;

2) 9 %;

3) 13 %;

4) 20 %;

5) 25 %;

6) 24 %.

2. У якім годзе Беларусь першай з постсавецкіх рэспублік аднавіла ўзровень вытворчасці 1990 г.?

1) 1997 г.;

2) 1999 г.;

3) 2001 г.;

4) 2002 г.;

5) 2007 г.

3. У якім годзе Прэзідэнт Рэспублікі Беларусь А. Р. Лукашэнка ўпершыню заявіў аб беларускай мадэлі сацыяльна-эканамічнага развіцця?

1) 1995 г.;

2) 1999 г.;

3) 2002 г.;

4) 2001 г.

4. У якім годзе быў праведзены першы Усебеларускі народны сход?

1) 1995 г.;

2) 1996 г.;

3) 2001 г.;

4) 2006 г.

5. У якім годзе быў праведзены трэці Усебеларускі народны сход?

1) 1996 г.;

2) 2001 г.;

3) 2005 г.;

4) 2006 г.

6. Суаднясіце паняцце з яго азначэннем.

Інвестыцыі	мадэль эканамічнага развіцця, пры якой існуе дзяржаўны і прыватны сектары эканомікі, а дзяржава займае вызначальную ролю ў рэгуляванні эканамічных працэсаў і фарміраванні ўмоў для забеспячэння патрэб насельніцтва
Інтэграцыя	доўгатэрміновыя ўкладанні капіталу ў галіны эканомікі ўнутры краіны і за мяжой
Сацыяльна арыен- таваная рыначная эканоміка	працэс, вынікам якога з'яўляецца дасягненне адзінства і цэласнасці, узгодненасць унутры сістэмы, заснаванай на ўзаемасувязі і ўзаемадапаўняльнасці асобных спецыяліза-ваных элементаў
Дзяржава сацыяльная	дзяржава, якая імкнецца забяспечыць кожнаму грамадзяніну належныя ўмовы іс-навання, сацыяльнай абароненасці, саўдзель-ніцтва ў кіраванні вытворчасцю

7. Вызначце правільную паслядоўнасць:

1. прыняцце Закона «Аб забеспячэнні палітычнай і эканамічнай самастойнасці БССР»;

2. прыняцце Дзяржаўнай праграмы інавацыйнага развіцця Рэспублікі Беларусь;

3. прыняцце Дзяржаўнай праграмы адраджэння і развіцця вескі на 2005 – 2010 гг.;

4. трэці Усебеларускі народны сход;

5. прыняцце Нацыянальнай стратэгіі ўстойлівага сацыяльна-эканамічнага развіцця Рэспублікі Беларусь на перыяд да 2020 г. (НСУР-2020);

6. прыняцце Дэкларацыі аб дзяржаўным суверэнітэце Беларускай ССР.