Броузер параметрлерін тағайындау. Программаның жұмысына қажетті параметрлерді тағайындау мынадай факторларға:

• компьютер мониторы мүмкіндіктеріне;

• Интернетпен мәлімет алмасу жылдамдығына;

• ағымдағы Web-құжат мазмұныныа;

• жеке тұтынушының талаптарына және т.б. байланысты болады.

Программа параметрлерін тағайындау Сервис – Свойства обозревателя командасы арқылы жүзеге асады. Оның диалог терезесінде бірнеше ішкі беттер бар және олардың әрқайсысында бірсыпыра батырмалар орналасқан. Егер экранда бейнеленетін құжаттарды толық бақылап отыру керек болса, онда Жалпы – Безендіру (Общие –Оформление) батырмасын пайдаланған абзал. Ол арқылы броузерде берілген форматтау параметрлерін қолдануға болады.

Интернетпен қосылу параметрлерін тағайындау Қосылу (Подключения) ішкі беті арқылы орындалады.

Интернетте жұмыс істейтін программаны таңдау Программалар ішкі беті арқылы орындалады.

Web-құжаттың ішінде вирус немесе басқа қауіпті нәрселер болса, олардан қорғану Қауіпсіздік (Безопасность) ішкі беті арқылы жүзеге асырылса, мазмұнына байланысты көруге шек қойылатын мәліметтер болған жағдайда Мазмұны (Содержание) ішкі беттерін пайдалану қажет.

Іздеу жүйесі осы жұмысқа арналған арнайы Web-торап болып табылады.

Іздеу каталогтары тақырыптар бойынша іздеуге арналған.

Іздеу индексі берілген түйінді сөздер бойынша іздеу ісін ұйымдастырады.

Іздеу каталогтары базасына кіретін мәліметтер құрылымын реттеуді адамдар жүргізеді, ал іздеу индекстері үшін база жасау автоматты түрде орындалады.

Web-порталды «World Wide Web-ке кіретін терезе» деп қарастыруға болады.

Тақырыптық порталдар іздеу жұмысын тақырыптарды жіктеу арқылы жүргізуді де ұсынуы мүмкін.

Internet Explorer бағдарламасында іздеу жұмысын іздеу жүйелеріне кірмей-ақ орындауға болатын арнайы мүмкіндіктер бар. Бірақ іздеуге тапсырма берген әрине ыңғайлы.

Іздеудің тағы бір мүмкіндігі Microsoft компаниясының мини-порталын пайдалану болып табылады.

Қандай информация табу керектігін – Web-парақты ма, белгілі бір адамның адресін бе, мекеменің немесе компанияның Web-торабының алғашқы бетін бе, бұрын ізделген мәлімет пе немесе географиялық карта ма – осы жағын іздеу тәсілі анықтайды.

Электрондық пошта мәліметтерін даярлау. Жіберілетін мәліметті, яғни хатты жөнелтуден бұрын жазып даярлап алу керек. Оны даярлап түзету кезінде пошталық сервермен байланысудың қажеті жоқ. Электрондық поштаның даярланған мәліметтері Outlook Express программасының ішкі бумаларында орналасады.

Хаттарға жауап әзірлеу. Келіп түскен хабарды жеке терезеде ашып, оған төмендегі түрде жылдам жауап әзірлеуге болады:

• Хат иесіне жауап беру (Ответить отправителю) батырмасы келген хат авторына жауап дайындау үшін керек.

• Барлығына жауап беру (Ответить всем) батырмасы келген хат авторына және осындай хат алған жандардың барлығына жауап дайындау үшін керек.

• Жөнелту (Переслать) батырмасы келіп түскен хабарды басқа біреулерге (корреспондентке) жіберу үшін пайдаланылады.

Телеконференция мәліметтерін оқу. Телеконференция мәліметтерін оқу механизмі де электрондық поштадағы келген хаттарды оқу тәрізді орындалады.