- •Ауа райын бақылау
- •Желді бақылау
- •Күнді бақылау
- •Бұлтты бақылау
- •Жаңбырды бақылау
- •Жапырақтардың түсуін бақылау
- •Тұманды бақылау
- •Шықты бақылау
- •Аспанды бақылау
- •Күзгі өрмектің ұшуын бақылау
- •Топырақты бақылау.
- •Алғашқы суық түскенін бақылау
- •Тоғанды бақылау
- •Шалшықтарды бақылау
- •Көбелектерді бақылау
- •Көркем сөз
- •Гүлзардағы гүлдерді бақылау (астра, ирис,календула, космея, георгина)
- •17. Құмырысқаларды бақылау
- •18. Кіші топтағы балалардың ойындарын бақылау
- •19. Бақшада өнім жинауды бақылау
- •20. Құстарды бақылау (қараторғай, қара қарға, қаратамақ, қаз, үйректің ұшып кетуі)
- •21. Торғай, сауысқан, бозторғай, сары шымшықтардың үйлерге келіп қонуын бақылау
- •22. Ағаштарды бақылау (қайың, үйеңкі, терек, шырша, шетен ағашы, қарағаш)
- •23. Тал ағаштарды бақылау (жұпаргүл, мойыл, итмұрын, шетен ағашы)
- •24. Шөптерді бақылау (қалақай, қымыздық, жұмыршақ, алау, бетеге)
- •25. Аула тазалаушының еңбегін бақылау
- •26. Өтіп бара жатқан адамдарды бақылау
- •27. Балабақшаға азық-түлік әкелген жүргізушінің жұмысын бақылау
- •28. Таяудағы көшелерді бақылау
- •29. Температураның түсуін бақылау (термометрмен жұмыс)
Шықты бақылау
Бақылау
Күзде шықтың жиі түсетінін, оның барлық жерлерде күмістей болып жарқырап жататынын атап айту. Күзде неліктен таңғы мезгілде шық мол түсетінін және ақырындап жоғалып кететінін, ал кей кезде күні бойы сақталатынын балалармен бірге еске түсіру. Табиғат құбылыстарының өзара байланысын көрсету: күн шықты – шық жоғалды. Балалардың эстетикалық қабылдауын дамыту, табиғатқа деген сүйіспеншілігін тәрбиелеу.
Көркем сөз
Күзде болар, Қыста жоқ. Таңертең бар, Кешке жоқ. Кеш түгілі, Түсте жоқ. (Шық)
Ырым
Шық мол түссе, күн ашық болады.
Қимыл- қозғалыс ойыны
«Шықты баспа»
Ептілігін, аңғарымпаздығын дамыту
«Ыстық – суық»
Кеңістікті бағдарлай алуын, жедел қимылдай алуын дамыту.
Еңбектену әрекеті
Поделка жасау үшін табиғи материалдарды жинау.
Қолдан зат жасауға қажетті табиғи материалдарды жинауға үйрету. Балаларды ұжымдық іс-әрекетке шақыру.
Дидактикалық ойындар. Тәжірибелер мен сұрыптамалар жасау
«Шық тамшыларын жапырақтардан тауып алу»
Көлеңке жерлерден және тура күн сәулесі түсіп тұрған жерлерден шықты тауып алу.
Қорытынды. Күн көзінде шық тамшылары тез буланып кетеді.
Өзіндік іс-әрекет
Қатарластарымен 2-3 рөлден тұратын бірге ойналатын ойындарда бірігіп ойнай алуларын жетілдіру, рөлдерді бөлісе алуларын, ойын қимылдарын орындай алуларын, ойын мазмұнына сәйкес іс-әрекет жасай алуларын жетілдіру.
Аспанды бақылау
Бақылау
Балалар назарын ашық, ашық сұр аспанға аударту, ол аспанды жиі бұлыңғыр, сұр бұлттар басып, жиі суық жаңбыр құятынын айту. Табиғаттың күзгі құбылыстары жайлы балалардың ұғымдарын кеңейту. Байқағыштығын, аңғарымпаздығын, салыстыра алуын дамыту. Балалардың сөздік қорын белсенді ету және байыту.
Көркем сөз
Тең, тең,тең киіз, Екі ортасы кең киіз. (Аспан, Жер)
Ырым
Аспанды бұлттар басса, ауа райының бүлінуі ұзаққа созылады
Қимыл- қозғалыс ойыны
«Ұшақтар»
Әр түрлі бағытта жүгіре алуларын дамыту (балалар алаңда жұмыс істеп тұрған мотор сияқты бір-бірін қанаттарымен қақпауға тырысып жүгіреді), белгі бойынша («Маторды қос!», «Отырғызу басталды!») қимыл жасай алуға үйрету.
Еңбектену әрекеті
Тәрбиешімен бірге құрғақ жапырақтарды жинау
Учаскедегі құрғақ жапырақтарды жинау, оларды шаруашылық аулаға шығару.
Құралдарды қолдана алу дағдыларын дамыту. Біріге еңбектене алуға тәрбиелеу. Жолдастарына көмек көрсету.
Дидактикалық ойындар. Тәжірибелер мен сұрыптамалар жасау
«Бұлтты күні, ашық күні аспан қандай болатынын айт»
Түрлі ауа райындағы аспанды суреттей алуын бекіту. Балалардың сөздік қорын байыту.
Өзіндік іс-әрекет
Үлкендердің азғана көмегімен балалардың ойынға ыңғайлы жерді таңдай білуін, ойын жағдайын ұйымдастыра алуын қалыптастыру. Ойында құмдағы құрылыстарды пайдалана білуін дамыту.