Аққайың» тобына арналған ұйымдастырылған оқу іс-әрекетінің технологиялық картасы

Күні: Тәрбиеші:

Білім беру саласы: Шығармашылық. Бөлімі: Жапсыру

Тақырыбы: «Шалғындағы саңырауқұлақтар»

Мақсаты:қоршаған орта және саңырауқұлақ туралы білімдерін кеңейту,жеуге жарамды және жарамсыз саңырауқұлақтар туралы түсінік беру;тіктөртбұрыштан дөңгелек қию тәсілін және жабыстыруды;қылқаламмен аздап желім алып,сулықпен қағаздың үстіне жабыстырманы басуды үйрету.Тілдерін дамыту.Саусақтың ұсақ бұлшық еттерінің қозғалысын жетілдіру.Табиғатты аялауға тәрбиелеу.

Керекті құралдар: Саңырауқұлақ ата (ойыншық), «орман алқабы» суреттелген кілем,Мухомор киіміндегі бала,ашық жасыл түсті қағаз,жеуге жарамды саңырауқұлақ жабыстырмалары:қоңыр қалпақша және сары аяқтары;мухомор:қызыл қалпақша және ақ аяқтар,жасыл қағаздан жасалған шөптер,қайшы,желім,қылқалам,үлестірмелі материалдар.

Билингвальді компонент:саңырауқұлақ-гриб.

Әрекет кезеңдері	Тәрбиешінің іс-әрекеті	Балалардың іс-әрекеті
Мотивациялық қозғаушылық	Ғажайып сәт Тәрбиеші: -Балалар,бізге қонақ келді. -Саңырауқұлақ атамен таныс болыңдар. Саңырауқұлақ ата балалармен амандасады: Саңырауқұлақ атамын, Орманда менің тұрағым. Тәртіпті мен қараймын, Саңырауқұлақты санаймын.	Қызығушылық танытады,қонақпен амандасады.
Ұйымдастырушылық-ізденістік	Балаларға жұмбақ жасырады: Қарашы,маңызды жан, Ақ аяқ, Қызыл қалпақ. Қалпағында ақ бұршақ. Мухомор киімін киген бала шығып,өз-өзін қызыға мақтайды. -Қызыл қалпақ,ақ бұршақ. Келбетің сенің керемет-ақ. Себетке біз сені салмаймыз, Өте,өте қауіптісің! «Алақаныңды жасыр» ойыны. Тәрбиеші үлестірмелі материалға назарларын аударады. Жұмыстың орындалу ретін түсіндіреді. Тәрбиеші Саңырауқұлақ атаның атынан балаларға кеңес беріп,көмектеседі. Билингвальді компонент:саңырауқұлақ-гриб.	Балалар,жұмбақты шешеді. Жауабы:мухомор. Балалар саңырауқұлақтың баскиімін мұқият қарап,түстерін ажыратып айтады. Балалар шеңбер бойымен тұрады. Шеңбер ішінде мухомор жүгіріп жүріп,балалардың алақанын ұстап қалуға тырысады. Қайталайды: Саңырауқұлақ-гриб
Рефлексиялық- Түзетушілік	Саңырауқұлақ ата балалардың жұмысына қызығып қарайды.Балаларды мадақтайды.	Қуаныштарын білдіреді.Дайын жұмыстарын көрмеге іледі.

Күтілетін нәтиже:

Жасайды: тіктөртбұрыштан жарты дөңгелек қияды,сулықпен және алақанмен суретті басады.

Түсінеді: жеуге жарамды және жарамсыз саңырауқұлақтардың болатындығын және ерекшеліктерін.

Қолданады: қиылған бөлшектерді құрастырады,қылқаламмен желім алып,беткі жағына жабыстырады.