1. Негізгі және қосымша шағымдарды бөліңіз.

2. Синдромдарды атаңыз.

3. Негізгі синдромды дәлелдеу үшін ең негізгі зерттеу әдістерін атаңыз.

1	Негізгі шағым: жүрек тұсының ауырсынуы, ентігу, аяқтарында ісіктің және оң қабырға астында ауырлық пен ауырсынудың пайда болуы. Қосымша шағым: бас айналуы, бас ауруы.
2	Синдром: жүрек қақпақшаларының шамасыздығы – аорта қақпақшасының жетіспеушілігі; артериялық гипертензия; ауырсыну синдромы.
3	Инструментальды зерттеу әдістері: эхокардиография, кардиография, КТ, МРТ.

Есеп № 4

59 жастағы ер науқас К., кардиология бөлімшесіне төс астында ұзақ уақыт бойы ұстама тәріздес күйдіріп ауырсыну, әлсіздік, қорқыныш сезімі, тершеңдік пайда болғаннан кейін түскен.

Анамнезінде: 8 жыл бойы жүректің ишемиялық ауруы (стенокардия) кардиолог дәрігерінде «Д» есепте тұрады. Соңғы ұстамалы ауырсыну тыныштық күйде пайда болып, 2 сағаттан ұзаққа созылған, нитроглицерин таблеткасы көмектеспеген.

Объективті: Тері қабаттары бозғылт, ылғалды. Өкпесінде сырыл жоқ, везикулярлы тыныс. Жүрек тондары ырғақты, тахикардия, ЖСЖ-110 рет минутына, АҚҚ-80/50 мм.с.б.

ЭКГ нәтижесі: I, AVL,V1-V2, V3,V4 тіркемелерінде ST сегментінің изосызықтан биік ауытқыған, Т тісшесімен бірігіп кеткен, патологиялық Q тісшесі анықталды.

1. Негізгі және қосымша шағымдарды бөліңі

2. Синдромдарды атаңыз.

3. Негізгі синдромды дәлелдеу үшін ең негізгі зерттеу әдістерін атаңыз.

1	Негізгі шағым: төс астында ұзақ уақыт бойы ұстама тәріздес күйдіріп ауырсыну. Қосымша шағым: әлсіздік, қорқыныш сезімі, тершеңдік.
2	Синдром: ангинозды ауырсыну синдромы; коронарлық жетіспеушілік синдромы – өткір кезең, ірі ошақты, алдыңғы жүрек ұштық және алдыңғы жайылмалы миокард инфаркті; ЭКГ-дағы ошақты өзгерістер синдромы; резорбционды-некроздық синдром; артериялық гипотензия.
3	Инструментальды зерттеу әдістері: коронография, эхокардиография, КТ, МРТ. Лабораториялық зерттеу әдісі: қанның жалпы биохимиялық анализі.

Есеп № 5

60 жастағы ер науқас кардиология бөлімшесіне «Жүректің ишемиялық ауруы. Инфаркттан кейінгі кардиосклероз» диагнозымен түсті. Науқастың шағымдары: жүректің шалыс соғуы, тыныштық күйде шамалы ентігу, аяқтың, іштің ісінуі, әлсіздік, тез шаршау, басының айналуы.

Анамнезінен: 2 жыл бұрын миокард инфарктынан кейін ентігу, ісіну және оң жақ қабырға астында ауырсыну пайда болды. Қарағанда: жалпы жағдайы орташа ауыр, санасы айқын, төсектегі қалпы – ортопноэ. Тері жамылғыларында цианоз, аяқтарында ауқымды ісінулер анықталды. Тыныс алу жиілігі - 22 рет минутына, Пульс - 92 рет минутына, ырғақты, толымдылығы, кернеулігі жеткілікті дәрежеде. АҚ- 140/90 мм.сын.бағ. Іштің ісінуі, оң жақ қабырға астында ауырсыну бар.

1. Негізгі және қосымша шағымдарды бөліңіз.

2. Синдромдарды атаңыз.

3. Негізгі синдромды дәлелдеу үшін ең негізгі зерттеу әдістерін атаңыз.

1	Негізгі шағым: жүректің шалыс соғуы, тыныштық күйде шамалы ентігу, аяқтың, іштің ісінуі. Қосымша шағым: әлсіздік, тез шаршау, басының айналуы.
2	Синдром: жүрек шамасыздығы; өкпе гипертензиясы; артериялық гипертензия; ауырсыну синдромы.
3	Инструментальды зерттеу әдістері: ЭКГ, коронография, эхокардиография, КТ, МРТ.