54)Қазақстанның ұлттық бірлігі доктринасы.

2008 жылғы 23 қазанда Қазақстан халқы ассамблеясының XIV сессиясында Елбасы Қазақстан халқы ассамблеясының мүшелерін қатыстыра отырып Ел бірлігі доктринасын әзірлеуге тапсырма берген болатын. Елбасы: «Біз қазақстандық қоғамның әрі қарай дамуының негізгі мақсаттарын айқындайтын Ел бірлігі доктринасын әзірлеуіміз керек. Бұл құжаттың қағидаттары Қазақстанның 2020 жылға дейінгі стратегиялық даму жоспарына енуі тиіс»,- деп атап айтқан еді.

Жалпы, Іс-шаралар жоспары Доктринаның негізгі қағидаттарына сәйкес келетін үш негізгі тараудан тұрады.

БІРІНШІ ТАРАУ. «БІР ЕЛ — БІР ТАҒДЫР».

Бұл тараудың іс-шаралары ел бірлігін және қазақстандық патриотизмді нығайтуға бағытталған.

Біріншіден, қоғамды осы үрдіске кеңінен тартуды көздейтін және бірқатар жаңа ақпараттық технологияларды қолданып, мемлекеттік телеарналардың тақырыптық саралау барысын аяқтап, Қазнет жобаларын дамытуды қалайтын ақпараттық-насихаттық толық кешенді іс-шаралары қарастырылған.

Сонымен қатар, Доктринаны іске асыру барысына ақпараттық қолдауға арналған Медиа-жоспар әзірленеді, этникааралық және конфессияаралық қатынастар мәселелерін бұқаралық ақпарат құралдарында шынайы көрсетуді қамтамасыз ететін іс-шаралар қабылданады.

Екіншіден, бірқатар институционалдық шаралар қабылданады: Ақсақалдар кеңесі, діни тақырыптарды жариялауға арналған әдістемелік кеңес құрылатын болады, этносаралық қатынастар мәселелері бойынша үздік сарапшы журналистер клубының қызметі қамтамасыз етіледі

ЕКІНШІ ТАРАУ. «ТЕГІ БАСҚА — ТЕҢДІГІ БІР»

Біріншіден, бұл арқылы 2009-2012 жылдарға арналған адам құқығы саласындағы Ұлттық жоспар, 2010-2014 жылдарға арналған Қазақстанды индустрияландыру картасы, 2004-2010 жылдарға арналған Ауылды аймақтарды дамытудың мемлекеттік бағдарламасы, «Нұрлы көш» бағдарламасы жүзеге асырылады. Сонымен қатар «Ауыл жастары» жалпыұлттық бастамасы, «Дипломмен — ауылға» жобасын жүзеге асыру жалғасатын болады.

Екіншіден, тарау аясында 2011-2015 жылдарға арналған «Салауатты Қазақстан» мемлекеттік бағдарламасы, 2010-2014 жылдарға арналған Еңбек нарығын реттеу және Қазақстан Республикасында еңбек ресурстарын қамтамасыз ету бағдарламасы тәрізді әлеуметтік-маңызды құжаттардың қабылдануы қарастырылған.

Үшіншіден, жоғары оқу орындарына арналған «Этносаралық және конфессияаралық толеранттық негіздері» атты типтік бағдарламалар жобасын әзірлеу, тұрақты жұмыс істейтін «Дінтану дәрісханасын» құру, тиісті талдамалық материалдар, брошюралар, әдістемелік әдебиеттер әзірлеу және басып шығару сияқты ғылыми-әдістемелік іс-шаралар кешені қарастырылған.

ҮШІНШІ ТАРАУ. «ҰЛТ РУХЫНЫҢ ДАМУЫ»

Бұл тарауда рухани және ұлттық бірліктің басты факторларының бірі мәдениет, тіл, дәстүр болып табылатындығы ескерілді. «Мәдени мұра» ұлттық стратегиялық жобасының нәтижелерін насихаттау.

Биылғы жылы Мемлекеттік тілді қолдану мен дамытудың 2011-2020 жылдарға арналған Мемлекеттік бағдарламасының жобасы әзірленіп жатыр. Сондай-ақ, жоспарға сәйкес Қазақстан Республикасында білімді дамытудың 2011-2020 жылдарға арналған мемлекеттік бағдарламасын Үкіметке енгізу керек, жастар мен жастар ұйымдарына арналған Ресурстық орталықтар арқылы білімді ұлықтаудың кең қанат жаюына бағытталған жобаларды іске асыру мүмкіндіктерін қамтамасыз ету қажет. Отандық ғылым, білім, мәдениет және спорт өкілдерінің қол жеткізген жетістіктерін кеңінен насихаттау керек.

Қазақстан халық Ассамблеясы

Қазақстан халқы Ассамблеясы — 1995 жылғы 1 наурызда Қазақстан Республикасының Президентінің Жарлығымен құрылған Мемлекет басшысы жанындағы консультативті-кеңесші орган.^[1] Ел Президенті Н.Ә. Назарбаев Қазақстан халқы Ассамблеясын құру идеясын алғаш рет 1992 жылыТәуелсіздіктің бірінші жылына арналған Қазақстан халқының бірінші форумында жариялады. Мұндай институтты құру қажеттілігі саяси тұрғыдан, сондай-ақ жаңадан құрылған, тәуелсіз, полиэтносты, поликонфессиялық мемлекеттің тұрақты дамуы тұрғысынан туындаған еді. Жиырма жылдық тарихында Ассамблея қарқынды дамып, елеулі өзгерістерді бастан

Ассамблеяның қызметі

Ассамблея қызметінің арқасында Қазақстанда этностық немесе діни ерекшелігіне қарамастан әрбір азаматтың Конституциямен кепілдік берілген азаматтық құқықтары мен еркіндігі толығымен қолданылатын этносаралық және конфессияаралық келісімнің айрықша үлгісі қалыптасты. Қазақстанның көпэтностық бай кеңістігінде сенім, келісім мен өзара түсіністік үлгісі орнады.

. Этномәдени бірлестіктердің өзінің саны тұрақты өсуде, қазір олар 800-ден асады, оның ішінде 28-і республикалық. 15 тілде газет-журнал, 8 тілде радиобағдарламалар 7 тілде телебағдарламалар шығады. Білім беру толықтай өзбек, тәжік, ұйғыр және украин тілдерінде жүргізілетін 88 мектеп жұмыс істейді. Осымен қатар, балалардан басқа үлкендер де 30 этнос тілдерін оқуға мүмкіндік алған 195 этно-білім беру кешендері, жексенбілік және лингвистикалық мектептер ашылды. 2010 жылы сәуірде азаматтық қоғам мен мемлекеттік институттардың, азаматтардың сындарлы ұсыныстарын жинақтаған Қазақстанның Ел Бірлігі Доктринасы қабылданды. Қазақстанның Ел Бірлігі Доктринасы – халықтың, уақыт талабына сәйкес, бірігу қажеттігін түсінуіне негіз түсінудің тәсілі. Бұл – болашаққа бірігіп ұмтылудың серпіні.

Қазақстандық үлгі Біріккен ұлттар ұйымында, ЕҚЫҰ-ға қатысушы елдерде, Копенгагенде, Венада, Женевада, Нью-Йоркте өткен халықаралық форумдарда таныстырылып оң бағаға ие болды, ЕҚЫҰ-ға қатысушы 56 мемлекет тіліне аударылды.

Ассамблея туралы Заң

2008 жылғы 20 қазанда Қазақстан Республикасының «Қазақстан халқы Ассамблеясы туралы» Заңына қол қойылды. Осы заң этносаралық қатынастар саласындағы негізгі принциптерді айқындай отырып, Қазақстан халқы Ассамблеясы мен оның құрылымдарының мәртебесін заң деңгейінде бекітті. Этносаралық қатынастар субъектілерінің жұмысының елімізде жүргізіліп келе жатқан саяси бағытпен үндес жаңа жүйесін қалыптастырды.

Заңға сәйкес Қазақстан халқы Ассамблеясы ол – заңды тұлға құрылмай, Қазақстан Республикасының Президенті құратын, мемлекеттік ұлттық саясатты әзірлеуге және іске асыруға ықпал ететін мекеме.