23 Сурет Асқазан қатерлі ісігінің рентгенограммасы.

Жалпы қан анализінде ЭТЖ артады, лейкоцитоз, анемия білінеді. Нәжісті жасырынды қанға тексергенде нәтижесі оң болып табылады. Асқазан сөлінің құрамында көбінесе қышқылы төмен болады. Аурудың дерт анықтамасында рентген сәулесі, гастроскопия, биопсия әдістері маңызды роль атқарады. Асқазанға контраст затты енгізіп, рентген сәулесімен тексергенде суретте толу кемістік белгісі (“ – “) байқалады. Гастраскоп арқылы ісіктің орналасуын көлемін, түрін байқауға болады. Осы жағдайда биопсия алынып ісіктің түрін айырады.

Емі. Бірнеше түрде ем жүргізу әдістерін қолданады. Симптомдық ем дәрі – дәрмектерді қолдану арқылы жүргізіледі: науқастың жағдайын жақсарту үшін және ауырсынуды басу үшін жансыздандыру дәрілерін қолданады (анальгин, баралгин, омнапон, морфин). Дене қызуы көтерілгенде аспирин, парацитамол қолданады. Уыттануға қарсы арнаулы ем жүргізіледі. Ол үшін көк тамырға 5% глюкоза, изотоникалық ертінділерді енгізеді. Тіндердің ретсіз өсуін тоқтату үшін цитостатик дәрілерін қолданады (фторурацил, фторафур). Сонымен қатар сәуле емін қолданады. Сырқаттың ерте кезінде науқасқа хирургиялық ем жүргізіледі. Ота арқылы асқазанды жартылай немесе түгел алып тастайды (аурудың кезеңіне байланысты).

Алдын алу шаралары. Нақты түрде асқазанының сөлі аз созылмалы гастритпен ауыратын науқастарды диспансерлік тіркеуге алып, жылына бір рет дәрігер қарап отыру керек (жалпы жағдайын, дене салмағын, жалпы қан анализін, асқазан және он екі елі ішектің сөлін, нәжісті жасырынды қанға тексеріп, рентген сәулесіне түсіру). Сонымен қатар науқасқа алдын алу ретінде күнделікті дұрыс құнарлы тамақтануы, жағымсыз қылықтардан аулақ болуы, дұрыс тынығуы осы аурудың алдын алуындағы маңызды роль атқарады.

10 Бейнелеме Ішек ауруларымен ауратын науқастарды тексеру әдістері

Науқастың шағымдары

1.Іштің ауырсынуы (мерзімі, бағыты, тамақпен байланысы) 2.Ауырсынудың нәжістің шығуымен байланысы 3.Метеоризм, іштің қорылдауы 4.іштің өтуі, іш қатпасы 5.Ішектен қан кету 6.Тамаққа тәбетінің өзгеруі, арықтау

Ауру сыртартқысы

Себебі. Жүргізілген ем,оның нәтижесі Бастамасы Аурудың ағымы

Өмір сыртартқысы

1. Ұлты. Аллергологиялық анамнез 2. Жағымсыз қылықтары. 3. Тамақтану тәртібі 4. Тұрмыс жағдайы.

Науқасты тікелей тексеру

Қарау	Сипалау		Тықылдату
-дене салмағының азаюы; -тіл өзгерістер; -іштің пішіні; -терінің түсуі.	1.бауыр 2.көк бауыр. 3.асқазан. 4.ішек 5.тік ішекті саусақпен сипалау		1.іштің екі бүйірі 2.бауыр 3.ішек шулары
Қосымша тексерістер
Зертханалық		Аспаптық
1. қан анализдері 2.нәжіс анализдері (жалпы, жасырынды қанға, құрт-гельминтке).		1.ирригоскопия 2.колоноскопия 3.ректороманоскопия 4.биоптат алу