Muratbay Nızanov Tańlamalı shıǵarmaları

Ol kúyewiniń ǵawajaqlanǵan erninen sońǵı márte súydi de, esik betke ákelip qoyǵan kir jibin alıp, pitpey turǵan taza jayǵa kirip ketti.

Kún sáskelikke jetkende kósheniń eki basınan jıynal-

ǵan adamlar, ún-túnsiz Nurjannıń úyine qaray júris qılar edi.

***

Samolyot Nókis aeroportına kelip qondı. Nurjan menen birge shıqqan eki balası belgilengen waqıttan yarım saat burın kelip turǵan edi. Samolyotqa trap qoyılǵannan baslap Nurjannıń júregi qanasına sıymay urıp turdı. Onı

tek bir nárse qıynadı. Júregi alıp-ushıp kelgen qızı:

— Apam qayda? — dese ne deydi.

Bular onı qapa bolmasın dep bildirgen joq edi.

Lekin, waqıya ol oylaǵanday bolmadı. Ákesi menen úkesin qulaǵırdan tanıǵan Arzayım sumkasın taslay sala qushaq ashıp juwırdı. Mázi juwırǵan joq, boz-boran bolıp juwırdı. Eki betiniń almasın, kóyleginiń jaǵasın kóz

jası juwıp juwırdı. Oǵan átiraptaǵı adamlardıń hesh qaysısı kórinbedi. Ol tek táǵdirge tán bergen ákesin, ingendey qayısıp turǵan inilerin, kóz aldında gá payda bolıp, gá joq bolıp kete beretuǵın anasınıń súlderin kórer edi.

— Apamnıń basına ayda! — dedi Arzayım taksige otırıp atırıp.

Nurjan onıń kúni menengi kóz jaslarınıń tek saǵınıshtan emes, anasınıń ólimin sezgenliginen ekenligin endi anıq bildi. Lekin kimnen esitti, qalay bildi, ol Arzayımnan basqalarına jumbaq edi.

Qábir basında Arzayım jılamay turalmadı. Anasınıń wásiyatına bola kókiregi tıǵılıp ketken waqıtları ayaq ushınan bılay ketti. Qayta ózin jubatıp ayaq ushına bardı. Anam kórsin dedi, anam meniń diydarıma toysın dep bardı.

Olar sol barǵannan qábir basınan bir-eki saatqa deyin kete almadı. Perzentleriniń, ásirese kópten kórmegen

421

Arzayımdı anasınıń mehri jipsiz sabaq penen baylap turǵan edi.

—Keshir, qızım, — dedi Nurjan qaytıp kiyatırıp.

—Men anańa ılayıq joldas bola almadım. Onı baxıtlı etiw qolımnan kelmedi. Bir hayaldı baxıtlı ete almaǵan erkek erkek pe?!

Perzentleri suwıq demin aldı. Olardıń usı jerden baslap kókiregi qataya basladı. Ómir ashshı shayqas ekenin túsinip jetkendey boldı. Bul dunyadan alasısı da, beresisi de kóp ekenin ańǵarıp bilgendey edi olar.

Aldında aydın keleshek tur! Ózleri árman etken keleshek tur! Anası kóriwdi árman etken úlken úmitler jatır bul jolda!

422

423